POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 19 ສິງຫາ 2026

ວິລະກຳຂອງແມ່ຍິງໃນກອງທັບ ບົນເສັ້ນທາງຕໍ່ສູ້ກູ້ຊາດ
ເວລາອອກຂ່າວ: 2026-07-27 09:11:44 | ຜູ້ຂຽນ : admin1 | ຈຳນວນຄົນເຂົ້າຊົມ: 683 | ຄວາມນິຍົມ:

ໃນໄລຍະທີ່ປະເທດເຮົາຕົກຢູ່ໃນແອກປົກຄອງຂອງພວກລ່າ ເມືອງຂຶ້ນຝຣັ່ງນັ້ນ, ປະຊາຊົນລາວບັນດາເຜົ່າແມ່ນບໍ່ມີສິດເສ ລີພາບ, ທັງໄດ້ຮັບແຕ່ຄວາມທຸກຍາກລຳບາກ ແລະ ຖືກກົດຂີ່ຂົ່ມເຫັງຢ່າງໜັກໜ່ວງ, ພວກເຂົາໄດ້ຖືແມ່ຍິງເຮົາ ພຽງແຕ່ເປັນດອກໄມ້ແຄມທາງເທົ່ານັ້ນ ຍ້ອນແນວນັ້ນ, ປະຊາຊົນລາວຜູ້ຮັກຊາດ-ຮັກບ້ານເກີດເມືອງນອນ, ເວົ້າສະເພາະກໍແມ່ນແມ່ຍິງເຮົາ ຈຶ່ງຢາກປະກອບສ່ວນປົດປ່ອຍຊາດ, ປົດປ່ອຍຕົນເອງ, ປົດປ່ອຍລູກຜົວອອກຈາກການກົດຂີ່ຂູດຮີດອັນໂຫດຮ້າຍປ່າເຖື່ອນ, ເຊິ່ງແມ່ຍິງລາວເຮົາໄດ້ຄຽງບ່າຄຽງໄຫຼ່ກັບເພດຊາຍ ລຸກຂຶ້ນຕໍ່ສູ້ຢ່າງເດັດດ່ຽວໜຽວແໜ້ນ, ອົງອາດກ້າຫານຕະຫຼອດມາ ພາຍໃຕ້ການ ນຳພາອັນສະຫຼາດສ່ອງໃສ ທີ່ມີ ໄຫວພິກຂອງພັກປະຊາຊົນປະຕິ ວັດລາວ. ພັກປະຊາຊົນລາວ ໄດ້ວາງແນວທາງປົດປ່ອຍແມ່ຍິງ ໃຫ້ຫຼຸດພົ້ນອອກຈາກການກົດຂີ່ຂູດຮີດຂອງພວກສັກດີນາ ແລະ ນາຍ ທຶນ, ຖືເອົາແມ່ຍິງເປັນພາກສ່ວນໜຶ່ງທີ່ສຳຄັນ ໃນກຳລັງແຮງຂອງ ພັກ ດັ່ງນັ້ນ, ຈຶ່ງໄດ້ສ້າງຂະບວນ ການຂອງແມ່ຍິງຂຶ້ນ ເຊິ່ງເລີ່ມ ຈາກການຈັດຕັ້ງເປັນແມ່ນັກຮົບ, ໜ່ວຍຍຸວັນນາລີ, ແມ່ຍິງຍາມໃດ ກໍມີຄວາມຈົງຮັກພັກດີຕໍ່ພັກ, ມີຄວາມເສຍສະຫຼະອັນສູງສົ່ງ ໃນການປະຕິບັດໜ້າທີ່ປຸກລະດົມຊາວໜຸ່ມເຂົ້າເປັນທະຫານ, ເປັນ ກອງຫຼອນ ແລະ ລຳລຽງຂົນສົ່ງ ເຂົ້າປາອາຫານໃຫ້ອ້າຍນ້ອງທະ ຫານຢູ່ແນວໜ້າ, ທັງຮັບປະກັນວຽກງານແນວຫຼັງ ແລະ ໄດ້ຊຸກ ເຊື່ອງເອົາພະນັກງານທະຫານທີ່ ເຄື່ອນໄຫວລັບຢູ່ເຂດສັດຕູຄວບຄຸມ. ຕົກມາໃນໄລຍະຕໍ່ສູ້ຕ້ານຈັກ ກະພັດອາເມຣິກາຜູ້ຮຸກຮານ, ເຊິ່ງເປັນສົງຄາມທີ່ດຸເດືອດຮ້າຍກາດ, ເປັນຕົ້ນແມ່ນໃນຕົ້ນປີ 1965-1969 ຈັກກະພັດອາເມຣິກາ ໄດ້ປີນຂັ້ນໄດເຮັດ ສົງຄາມພິເສດຢູ່ລາວຂຶ້ນລະດັບສູງ. ຢືນຢູ່ຕໍ່ໜ້າສະພາບການທີ່ດຸເດືອດ ແລະ ຄັບຂັນນັ້ນ, ພັກປະຊາຊົນລາວ ໄດ້ປຸກລະດົມກອງທັບ ແລະ ທົ່ວປວງຊົນລາວທັງຊາດ ລຸກຂຶ້ນຕໍ່ສູ້ດ້ວຍຄຳຂວັນທີ່ວ່າ: “ທຸກສິ່ງທຸກຢ່າງເພື່ອແນວໜ້າ, ທຸກສິ່ງທຸກຢ່າງເພື່ອຕີເອົາຊະນະກັບຈັກກະພັດອາເມຣິກາ” ປະຕິບັດຕາມຄຳຂວັນດັ່ງ ກ່າວຂອງພັກນັ້ນ ຂະບວນການຕໍ່ສູ້ຕ້ານຈັກກະພັດຜູ້ຮຸກຮານ ໄດ້ລະເບີດຂຶ້ນສູ່ລະດັບສູງ ໃນນັ້ນ, ມີຂະບວນການຂອງເອື້ອຍນ້ອງແມ່ຍິງລາວເວົ້າລວມ, ເວົ້າສະເພາະແມ່ຍິງກອງທັບ ກໍໄດ້ຄຽງບ່າຄຽງໄຫຼ່ກັບເພດຊາຍ ຕໍ່ ສູ້ຕ້ານກັບການບຸກໂຈມຕີຂອງຈັກກະພັດອາເມຣິກາ ໃນທຸກແຫ່ງຫົນຢ່າງຟົດເດືອດທີ່ສຸດ, ອັນພົ້ນເດັ່ນແມ່ນເອື້ອຍນ້ອງແມ່ຍິງທີ່ເປັນກຳມະກອນ ເຮັດວຽກຢູ່ໂຮງງານຕໍ່າແຜ່ນ 12 ຕຸລາ, ໄດ້ອົດທົນອອກແຮງເຈາະຖໍ້າ ແລະ ນຳເອົາເຄື່ອງຈັກຕໍ່າແຜ່ນເຂົ້າຢູ່ໃນຖໍ້າ ເພື່ອຄວາມປອດໄພຈາກການຍິງທຳລາຍຈາກຍົນຂອງອາເມຣິກາ; ແມ່ຍິງທີ່ເຮັດໜ້າທີ່ເປັນແພດໃນກອງທັບ ກໍເດັດດ່ຽວຜ່ານຜ່າຫ່າລະເບີດ, ລູກປືນໃຫຍ່ຂອງສັດຕູ, ເອົາຊີວິດເຂົ້າສ່ຽງເພື່ອໄປກອບກູ້ເອົາຄົນເຈັບຢູ່ສະ ໜາມຮົບມາປິ່ນປົວຢູ່ແນວຫຼັງ; ແມ່ຍິງທີ່ເປັນຄູອາຈານສອນກໍ ໄດ້ນຳພານັກຮຽນປຸກສ້າງໂຮງ ຮຽນ ແລະ ເຮືອນພັກຢູ່ດົງ, ຢູ່ຖໍ້າເລິກ, ເຫວຊັນ ປະກອບສ່ວນສ້າງພະນັກງານສະໜອງໃຫ້ຂະ ແໜງການຕ່າງໆ; ແມ່ຍິງທີ່ເປັນ ນັກສິລະປິນ ກໍໄດ້ເດັດດ່ຽວຜ່ານ ຜ່າຫ່າລະເບີດລູກປືນໃຫຍ່ຂອງ ສັດຕູ ເພື່ອປະຕິບັດໜ້າທີ່ໄປສະ ແດງຮັບໃຊ້ປຸກລະດົມຊຸກຍູ້ແນວຄິດຂອງພະນັກງານນັກຮົບ ແລະ ປະຊາຊົນຢູ່ຕາມທ້ອງຖິ່ນຕ່າງໆ ນັບທັງຢູ່ເຂດປົດປ່ອຍ ແລະ ແນວຫຼັງຂອງສັດຕູ; ແມ່ຍິງຢູ່ເຂດຄວບຄຸມຂອງສັດຕູ ກໍໄດ້ປະສານສົບທົບກັບກຳລັງປະຕິວັດ, ເຄື່ອນໄຫວປະທ້ວງໃຫ້ຈັກກະພັດອາເມຣິກາຢຸດຕິສົງຄາມຢູ່ ລາວ ແລະ ອິນດູຈີນ, ເດັ່ນກວ່າໝູ່ແມ່ນ ຂະບວນການຢູ່ເມືອງໜອງບົກ (ແຂວງຄຳມ່ວນ) ເອື້ອຍນ້ອງແມ່ຍິງໄດ້ຮ່ວມກັບເພດຊາຍ ຕ້ານການຕໍ່ສູ້ປາບປາມຂອງສັດຕູ ເປັນເວລາ 42 ມື້, 42 ຄືນ ແລະ ໄດ້ຮັບໄຊຊະນະ ສາມາດຢຶດອຳ ນາດການປົກຄອງທ້ອງຖິ່ນຂອງຕົນໄວ້ໄດ້. ປີ 1968 ພັກປະຊາຊົນປະຕິ ວັດລາວ ໄດ້ຈັດຕັ້ງກອງລຳລຽງ ເພດຍິງ ຂຶ້ນຢູ່ແຂວງຊຽງຂວາງເຊິ່ງເອີ້ນວ່າ (ກອງ 368) ເອື້ອຍນ້ອງແມ່ຍິງໄດ້ມີຄວາມ ອົງອາດກ້າຫານຜ່ານທ່າລະເບີດ ແລະ ລູກປືນໃຫຍ່ຂອງສັດຕູໄປ ລຳລຽງຂົນສົ່ງຈົນເຖິງສະໜາມ ຮົບ, ແຕ່ລະຄົນແບກຫາບດ້ວຍຄວາມສະໝັກໃຈ ໃນນັ້ນ, ຜູ້ທີ່ພົ້ນເດັ່ນແມ່ນ ສະຫາຍ ນາງ ລີລາ ສາມາດແບກເຂົ້າໄດ້ 100 ກິໂລຜ່ານເສັ້ນທາງຍາວໄກ, ຂຶ້ນພູ, ລົງຫ້ວຍເລາະຕາມພູຜາປ່າດົງ ຈຶ່ງໄປເຖິງສະໜາມຮົບ, ພິເສດໃນປີ 1969 ກອງກຳລັງໄຟ ເພດຍິງ ໄດ້ຮັບການສ້າງຕັ້ງຂຶ້ນ ຢູ່ແຂວງຊຽງຂວາງ ເອີ້ນວ່າ (ກອງ 769), ເຊິ່ງກອງກຳລັງ ໄຟເພດຍິງ ໄດ້ສົມທົບກັບກອງ ທະຫານເພດຊາຍ ບຸກຕີຂັບໄລ່ສັດຕູໃນຫຼາຍບັ້ນຮົບ ເຊັ່ນ: ບັ້ນຮົບໂອເດແອນ, ບັ້ນຮົບສອນ ໄຊ ແລະ ບັ້ນຮົບກູ້ກຽດ ເຊິ່ງດຳ ເນີນການໄປຢ່າງດຸເດືອດ ນັບທັງໜ້າດິນ ແລະ ທາງອາກາດ ສາມາດດັບສູນສັດຕູໄດ້ເປັນຈຳ ນວນຫຼວງຫຼາຍ ແລະ ຍິງຍົນຕົກ ຈຳນວນໜຶ່ງ. ນອກນີ້, ກອງກຳ ລັງໄຟເພດຍິງ ຍັງໄດ້ເຂົ້າຮ່ວມສູ້ຮົບປົດປ່ອຍເມືອງສຸຍ, ດັບສູນທີ່ຕັ້ງກອງບັນຊາການທະຫານໄທ ແລະ ດັບສູນທະຫານໄທ ຕາຍ ຄາທີ່ເປັນຈຳນວນຫຼາຍ ເຮັດໃຫ້ສັດຕູຖືກປະລາໄຊຢ່າງອັບອາຍຂາຍໜ້າ, ສ້າງໄດ້ມູນເຊື້ອ ແລະ ຊື່ສຽງແມ່ຍິງເຮົາມາເຖິງທຸກວັນນີ້, ມີຫຼາຍສະຫາຍໄດ້ຮັບນາມ ມະຍົດເປັນວີລະຊົນ, ເປັນນັກຮົບແຂ່ງຂັນ. ເອື້ອຍນ້ອງແມ່ຍິງກອງທັບເຮົາ ໄດ້ມີຄວາມດຸໝັ່ນຂະຫຍັນພຽນ, ຜ່ານຜ່າອຸປະສັກຫຍຸ້ງຍາກຫຼາຍປະການ, ເຮັດສຳເລັດໜ້າທີ່ທີ່ພັກ-ລັດ ແລະ ການຈັດຕັ້ງມອບ ໝາຍໃຫ້ເປັນຢ່າງດີ. ນອກນີ້, ຍັງໄດ້ເປັນເສົາຄໍ້າອັນແຂງແກ່ນ ຂອງຄອບຄົວ, ທັງລ້ຽງລູກ, ທັງ ປຸກລະດົມລູກຜົວອອກສູ່ສະໜາມ ຮົບ. ດັ່ງນັ້ນ, ຜູ້ນຳພັກ-ລັດ ຈຶ່ງໄດ້ຢັ້ງຢືນຍົກເອົາບົດບາດຂອງແມ່ຍິງຕໍ່ກອງປະຊຸມໃຫຍ່ຜູ້ແທນແມ່ຍິງທົ່ວປະເທດວ່າ: “ເອື້ອຍນ້ອງແມ່ຍິງ ໄດ້ປະກອບສ່ວນທີ່ ສຳຄັນ ແລະ ຂາດບໍ່ໄດ້ຂອງຜົນ ສຳເລັດລວມແຫ່ງພາລະກິດປະ ຕິວັດຂອງປະເທດເຮົາ, ເປັນກຳ ລັງຕົ້ນຕໍພື້ນຖານອັນໜຶ່ງຂອງ ປະເທດຊາດ, ມີບົດບາດສຳຄັນ ໃນການຮັກສາຄວາມອົບອຸ່ນ ແລະ ຄວາມໝັ້ນທ່ຽງຂອງຄອບ ຄົວ, ເປັນສັນຍາລັກແຫ່ງຄວາມໂອບເອື້ອອາລີ, ຄວາມນິ້ມນວນອ່ອນຫວານ, ຄວາມເອື້ອເຟື້ອເພື່ອແຜ່, ເປັນຕົວແທນແຫ່ງການອະນຸລັກຮັກສາຂະນົບທຳນຽມອັນດີງາມຂອງຊາດ ແລະ ເປັນສິ່ງທີ່ເພິ່ງພາໄວ້ໃຈຂອງລູກຜົວ ຕະຫຼອດມາ”.

news to day and hot news