POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 07 ສິງຫາ 2026

ຈາກເງິນເດືອນທະຫານ ສູ່ຜົນຜະລິດຫຼາຍຮ້ອຍລ້ານ
ເວລາອອກຂ່າວ: 2026-08-04 09:43:23 | ຜູ້ຂຽນ : admin1 | ຈຳນວນຄົນເຂົ້າຊົມ: 163 | ຄວາມນິຍົມ:

ໃນຜືນແຜ່ນດິນອັນຮັກຊາດ, ນາຍທະຫານກອງທັບປະຊາຊົນລາວ ບໍ່ພຽງແຕ່ເປັນຮົ້ວປ້ອງກັນຊາດອັນເຂັ້ມແຂງໃນສະໜາມຮົບ ເທົ່ານັ້ນ, ແຕ່ຍັງເປັນ “ນັກຮົບໃນສະໜາມເສດຖະກິດ” ທີ່ສ້າງຄວາມອົບອຸ່ນໃຫ້ກັບຄອບຄົວ ແລະ ສັງຄົມ. ສະຫາຍ ພັນຕີ ນາງ ປາລິຊາດ ຄຳພິໄລ ຫົວໜ້າຂະແໜງກົດລັບ ກອງພັນໃຫຍ່ 502 ກອງພົນທີ 5 ໄດ້ເຂົ້າຮ່ວມການປະຕິວັດຖັນແຖວກອງທັບ ມາແຕ່ປີ 1999 ແລະ ໄດ້ສ້າງຄອບຄົວຮ່ວມກັບ ສະຫາຍ ພັນໂທ ສົມໄຫຼ ພັນເພັດ ຮອງຫົວໜ້າການເມືອງ ກອງພັນ 18 ກອງພັນໃຫຍ່ 502. ສະຫາຍ ພັນຕີ ນາງ ປາລິຊາດ ຄຳພິໄລ ໄດ້ເລົ່າສູ່ຟັງວ່າ: ທັງສອງໄດ້ຈັບມືກັນສ້າງຄອບຄົວມາແຕ່ປີ 2005 ແລະ ມີລູກນຳກັນ 3 ຄົນ. ໃນຖານະຄອບຄົວກອງທັບ, ຊີວິດການເປັນຢູ່ ໃນໄລຍະທຳອິດແມ່ນອາໄສພຽງເງິນເດືອນປະຈຳ ເຮັດໃຫ້ການບໍລິຫານໃຊ້ຈ່າຍໃນເຮືອນ ໂດຍສະເພາະແມ່ນ ທຶນຮອນການສຶກສາຂອງລູກທັງ 3 ຄົນ ພົບຄວາມຫຍຸ້ງຍາກຝືດເຄືອງ, ແຕ່ຄວາມທຸກຍາກດັ່ງກ່າວ ໄດ້ເປັນບົດທົດສອບທີ່ເຮົາຕ້ອງຂ້າມຜ່ານ ດ້ວຍເຫື່ອແຮງ ແລະ ປັນຍາຂອງສອງຜົວເມຍ. ແຮງຈູງໃຈ ແລະ ຈຸດປ່ຽນອັນສຳຄັນ ແມ່ນເກີດຂຶ້ນເມື່ອ ສະຫາຍ ພັນຕີ ນາງ ປາລິຊາດ ໄດ້ເຊື່ອມຊຶມມະຕິ, ຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວ ແລະ ແຜນພັດທະນາເສດຖະກິດ-ສັງຄົມ ຂອງພັກ-ລັດ. ສະຫາຍ ໄດ້ກ່າວວ່າ: ຖ້າຢາກໃຫ້ຊີວິດການເປັນຢູ່ດີຂຶ້ນ, ຢາກໃຫ້ລູກ ມີອະນາຄົດທີ່ສົດ ໃສ, ເຮົາຈະຄອງຖ້າພຽງເງິນ ເດືອນຢ່າງດຽວບໍ່ໄດ້. ດ້ວຍເຫດ ນັ້ນ, ສອງຜົວ-ເມຍ ນັກຮົບປະ ຕິວັດ ຈຶ່ງໄດ້ຫັນໜ້າເຂົ້າຫາກັນ, ປຶກສາຫາລືຢ່າງເປັນເອກະພາບ ແລະ ຕັດສິນໃຈເລືອກເອົາ ການປູກຝັງ-ລ້ຽງສັດ ເຊິ່ງເປັນວຽກງານທີ່ເໝາະສົມ ກັບສະພາບຄວາມເປັນຈິງຂອງທ້ອງຖິ່ນ ແລະ ກົມກອງ. ສິ່ງທີ່ເປັນອຸປະ ສັກໃນຕອນນັ້ນຄື ເລື່ອງເວລາ ແລະ ແຮງງານ, ເນື່ອງຈາກທັງສອງ ມີພັນທະໜ້າທີ່ການເມືອງຢູ່ກົມກອງ, ເຂົາເຈົ້າຈຶ່ງຕ້ອງສູ້ຊົນ ແລະ ເຮັດວຽກນອກໂມງການ, ຕື່ນເດິກລຸກເຊົ້າ ແລະ ໃຊ້ເວລາໃນວັນພັກ ເສົາ-ອາທິດ ເພື່ອລົງສວນ, ເບິ່ງແຍງສັດລ້ຽງ ໂດຍບໍ່ໃຫ້ສົ່ງຜົນກະທົບ ຕໍ່ໜ້າທີ່ການງານປະຈຳ. ສະຫາຍ ພັນຕີ ນາງ ປາລິຊາດ ຄຳພິໄລ ໃຫ້ຮູ້ວ່າ: ເສັ້ນທາງ 5 ປີ (2021-2025) ຈາກເງິນ ເດືອນສູ່ຜົນຜະລິດຮ້ອຍລ້ານ ຄວາມພະຍາຍາມທີ່ບໍ່ຢຸດຢັ້ງ ໄດ້ ເກີດດອກອອກຜົນເປັນຕົວເລກ ຄວາມສຳເລັດທີ່ໜ້າພູມໃຈ, ຈາກ ງົວ 2 ໂຕ ສູ່ຝູງງົວ 10 ກວ່າໂຕ, ເຊິ່ງປີ 2019 ໄດ້ຮີບໂຮມ ເງິນເດືອນຜົວ-ເມຍ 10.000.000 ກີບ ຊື້ງົວແມ່ພັນ 2 ໂຕ, ປີ 2024-2025 ງົວໄດ້ຂະຫຍາຍຕົວເພີ່ມຂຶ້ນເປັນ 15 ໂຕ, ສ້າງມູນຄ່າສູງເຖິງ 97.000.000 ກີບ, ເມື່ອຄອບ ຄົວມີຄວາມຈຳເປັນ, ໄດ້ຕັດສິນໃຈຂາຍອອກ 5 ໂຕ ໄດ້ເງິນ 33.000.000 ກີບ ເພື່ອມາໝູນ ວຽນ, ພ້ອມກັນນີ້, ຍັງໄດ້ເຮັດສວນມັນຕົ້ນເພີ່ມຕື່ມອີກ ໃນປີ 2020 ໄດ້ຊື້ດິນ 2 ເຮັກຕາ, ລົງ ທຶນ 3 ລ້ານກີບ ປູກມັນຕົ້ນ ປີທຳອິດ ສາມາດສ້າງລາຍຮັບໄດ້ 25.000.000 ກີບ, ປີ 2021-2022 ສືບຕໍ່ລົງທຶນເພີ່ມຂຶ້ນ ແລະ ສາມາດສ້າງລາຍຮັບໄດ້ 30.000.000 ກີບ ແລະ ປີຕໍ່ມາເພີ່ມຂຶ້ນ 45.000.000 ກີບ ຕາມລຳດັບ, ປີ 2023-2024 ຂະຫຍາຍການເຊົ່າດິນບໍລິສັດ ແລະ ປະຊາຊົນເພີ່ມ ເປັນ 3,5 ເຮັກຕາ, ສາມາດສ້າງລາຍຮັບເພີ່ມຂຶ້ນເປັນ 120.000.000 ກີບ ໃນປີ 2023 ແລະ 123.000.000 ກີບ ໃນປີ 2024. ໃນປີ 2025 ຍັງໄດ້ກ້າເບ້ຍກາເຟ 50.000 ຕົ້ນ, ສ້າງລາຍຮັບໄດ້ 150.000.000 ກີບ ພ້ອມທັງມີລາຍຮັບເສີມຈາກ ການຂາຍໝາກກາເຟ ແລະ ໝາກອາໂວຄາໂດ ອີກ 15.000.000 ກີບ, ລວມລາຍຮັບທັງໝົດໃນໄລຍະຜ່ານມາ ໄດ້ 541.000.000 ກີບ. ໝາກຜົນແຫ່ງຄວາມພະຍາ ຍາມ ຈາກທີ່ເຄີຍຝືດເຄື່ອງ, ປັດຈຸ ບັນ ຄອບຄົວຂອງ ສະຫາຍ ພັນຕີ ນາງ ປາລິຊາດ ຄຳພິໄລ ໄດ້ກາຍເປັນຄອບຄົວຕົວແບບ ທີ່ມີຄວາມເຂັ້ມແຂງທາງດ້ານເສດ ຖະກິດຢ່າງແທ້ຈິງ, ປັດຈຸບັນມີເຮືອນຖາວອນ 1 ຫຼັງ, ມີທຶນຮອນສຳຮອງໃຫ້ລູກທັງ 3 ຄົນ ໄດ້ຮັບການສຶກສາຮ່ຳຮຽນ, ມີພາຫະນະຮັບໃຊ້ການກະເສດ ຄື: ລົດໄຖ 1 ຄັນ, ລົດຈັກ 3 ຄັນ, ມີດິນປູກສ້າງ 1 ຕອນ, ມີດິນທຳການຜະລິດ 2 ເຮັກຕາກວ່າ ແລະ ມີງົວ 10 ກວ່າໂຕ. ສະຫາຍ ພັນຕີ ນາງ ປາລິຊາດ ຄຳພິໄລ ກ່າວຕື່ມວ່າ: ແຜນການໃນຕໍ່ໜ້າ, ຈະສືບຕໍ່ປູກກາເຟເພີ່ມອີກ 2.000 ຕົ້ນ (ຈາກທີ່ມີຢູ່ແລ້ວ 8.000 ຕົ້ນ), ເນັ້ນການບົວລະ ບັດໃສ່ຝຸ່ນປະສົມປະສານ ເພື່ອເພີ່ມຜົນຜະລິດໃນ 3 ປີຂ້າງໜ້າ, ຂະຫຍາຍການກ້າເບ້ຍກາເຟ ເພື່ອສົ່ງອອກຈຳໜ່າຍຕື່ມອີກ. ພ້ອມທັງຝາກເຖິງເອື້ອຍນ້ອງແມ່ຍິງທົ່ວກອງທັບ ກໍຄືທົ່ວປະເທດ ສິ່ງສຳຄັນແມ່ນຄວາມເປັນເອກະພາບໃນຄອບຄົວ ຜົວ-ເມຍ ຕ້ອງ ມີຄວາມສາມັກຄີ, ເຄົາລົບ ແລະ ຊ່ວຍເຫຼືອເຊິ່ງກັນ ແລະ ກັນ, ຕ້ອງມີການຄິດໄລ່ຢ່າງມີວິທະ ຍາສາດ, ການລົງທຶນຕ້ອງເໝາະສົມກັບເງື່ອນໄຂຕົວຈິງ, ບໍ່ກູ້ຢືມ ເກີນໂຕ, ຕ້ອງໃສ່ໃຈຮຽນຮູ້ເຕັກ ນິກການກະເສດໃໝ່ໆ ເພື່ອເພີ່ມ ຜົນຜະລິດ. ຄວາມສຳເລັດດັ່ງ ກ່າວ ຈະເກີດຂຶ້ນບໍ່ໄດ້ຖ້າຂາດການສຶກສາອົບຮົມ, ການຊີ້ທິດ ເຍືອງທາງ ຈາກພັກ-ລັດ, ການ ຈັດຕັ້ງກອງທັບ ແລະ ສະຫະພັນແມ່ຍິງທຸກຂັ້ນ, ຂໍສະແດງຄວາມຮູ້ບຸນຄຸນຢ່າງລົ້ນເຫຼືອ ແລະ ຫວັງຢ່າງຍິ່ງວ່າ ເລື່ອງລາວການສູ້ຊົນຂອງຄອບຄົວ ຈະເປັນແຮງບັນດານໃຈ, ເປັນບົດຮຽນອັນປະເສີດ ໃຫ້ເອື້ອຍນ້ອງແມ່ຍິງລາວທຸກຄົນ ມີກຳລັງໃຈໃນການສ້າງເສດຖະກິດຄອບຄົວ ໃຫ້ຢູ່ດີກິນດີ, ຫຼຸດຜ່ອນຄວາມທຸກຍາກ ແລະ ຮ່ວມກັນສ້າງສາພັດທະນາປະເທດຊາດ ໃຫ້ຮັ່ງມີວັດທະນາຖາວອນ. ສະຫາຍ ພັນໂທ ອິນປົນ ເພັດນາວາ ຫົວໜ້າພະແນກການເມືອງ ກອງພັນໃຫຍ່ 502 ໄດ້ຢັ້ງຢືນວ່າ: ໄລຍະຜ່ານມາ ກົມກອງກໍໄດ້ສຸມໃສ່ສ້າງຄອບຄົວຕົວແບບທາງດ້ານສ້າງເສດຖະກິດແກ້ໄຂຊີວິດການເປັນຢູ່, ເຊິ່ງໃນ ນີ້ ກໍມີໜຶ່ງຄອບຄົວ ທີ່ໄດ້ຮັບການ ຢັ້ງຢືນເປັນຄອບຄົວຕົວແບບຂອງກົມກອງ ຄື: ຄອບຄົວຂອງ ສະຫາຍ ພັນຕີ ນາງ ປາລິຊາດ ຄຳພິໄລ ເຫັນວ່າ ພົ້ນເດັ່ນໃນການ ສ້າງເສດຖະກິດປູກຝັງ-ລ້ຽງສັດ ຕາມທ່າແຮງບົ່ມຊ້ອນຕົວຈິງຂອງທ້ອງຖິ່ນທີ່ຕົນສັງກັດຢູ່ ກໍຄືປະຕິບັດປະກົດຜົນເປັນຈິງ ຕາມທິດນຳທີ່ວ່າ ເພິ່ງຕົນເອງ, ກຸ້ມ ຕົນເອງ ແລະ ສ້າງຄວາມເຂັ້ມ ແຂງ ດ້ວຍຕົນເອງ ທີ່ກົມໃຫຍ່ພະ ລາທິການກອງທັບ ແລະ ຂໍ້ແຂ່ງ ຂັນ 3 ດີ ຂອງສູນກາງສະຫະພັນແມ່ຍິງລາວວາງອອກ. ໂດຍ: ເຄນໄຊ (ວິທະຍຸກອງທັບ)

news to day and hot news