POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 16 ສິງຫາ 2026

ສູນເຝິກກອງພົນທີ 5 ຍົກສູງວຽກງານການຮຽນ-ການສອນ ໃຫ້ມີຄຸນນະພາບອັນໃໝ່
ເວລາອອກຂ່າວ: 2026-08-05 09:04:48 | ຜູ້ຂຽນ : admin1 | ຈຳນວນຄົນເຂົ້າຊົມ: 167 | ຄວາມນິຍົມ:

ໂດຍປະຕິບັດຕາມທິດທາງແຜນການປັບປຸງກໍ່ສ້າງກຳລັງປະກອບອາວຸດ ໃຫ້ມີແບບແຜນ ແລະ ທັນສະໄໝ ຕາມແນວທາງຂອງພັກ, ອີງຕາມທິດຊີ້ນຳ ຂອງກະຊວງປ້ອງກັນປະເທດ ກໍຄື ມະ ຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກ ກອງພົນທີ 5 ວ່າດ້ວຍການປັບປຸງ-ກໍ່ສ້າງກຳລັງ ໃຫ້ໜັກແໜ້ນເຂັ້ມແຂງໃນທຸກດ້ານ, ສ້າງພະນັກງານ-ນັກຮົບ ໃຫ້ມີລະບຽບວິໄນເຂັ້ມງວດ ແລະ ສ້າງກອງວັດທະນະທຳ. ສູນ ເຝິກກອງພົນທີ 5 ພາຍໃຕ້ການ ຊີ້ນຳ-ນຳພາໂດຍກົງ ແລະ ຮອບດ້ານ ຈາກຄະນະພັກ-ຄະນະບັນຊາ ກອງພົນທີ 5 ໄດ້ຈັດຕັ້ງຜັນຂະ ຫຍາຍມະຕິ, ຄຳສັ່ງ ແລະ ທິດທາງແຜນການ ຢ່າງຕັ້ງໜ້າ ເພື່ອ ກໍ່ສ້າງ-ບຳລຸງ ພະນັກງານ-ນັກ ຮົບ ໃຫ້ມີແນວຄິດການເມືອງໜັກ ແໜ້ນ, ມີຄຸນສົມບັດສິນທຳປະຕິ ວັດ, ມີຄວາມຮູ້-ຄວາມສາມາດ ແລະ ລະດັບວິຊາສະເພາະ ພ້ອມທັງປະຕິບັດທຸກໜ້າທີ່ ທີ່ຂັ້ນເທິງມອບໝາຍໃຫ້. ສະຫາຍ ພັນໂທ ຄຳພັດ ແສນຜາສົມພູ ຫົວໜ້າການທະ ຫານ ສູນເຝິກກອງພົນທີ 5 ໃຫ້ຮູ້ ວ່າ: ໄລຍະຜ່ານມາສູນເຝິກ ໄດ້ເອົາໃຈໃສ່ປະຕິບັດໜ້າທີ່ການ ເມືອງ ດ້ວຍຄວາມຮັບຜິດຊອບສູງ ແລະ ມີຜົນເລັດຫຼາຍດ້ານ, ພົ້ນເດັ່ນແມ່ນ ໄດ້ຈັດຕັ້ງປະຕິບັດແຜນການກໍ່ສ້າງ-ບຳລຸງ ໃນນີ້, ກໍ່ສ້າງນາຍສິບທະຫານຮາບ ລະ ບົບ 1 ປີ ໄດ້ 10 ຊຸດ, ມີຈຳນວນນັກຮຽນທັງໝົດ 1.000 ກວ່າສະຫາຍ, ຄຸນນະພາບສະເລ່ຍ 98,88%, ບຳລຸງພະນັກງານບັນ ຊາຂັ້ນກອງພັນ, ກອງຮ້ອຍລະ ບົບ 6 ເດືອນ ໄດ້ 4 ຊຸດ, ຈຳນວນນັກຮຽນ 120 ສະຫາຍ, ຄຸນນະພາບສະເລ່ຍ 95,7%, ບຳລຸງພະນັກງານການເມືອງ ຂັ້ນກອງ ພັນ-ກອງຮ້ອຍ ລະບົບ 6 ເດືອນ ໄດ້ 3 ຊຸດ, ມີຈຳນວນທັງໝົດ 90 ສະຫາຍ, ຄຸນນະພາບສະເລ່ຍ 93,33%, ປັດຈຸບັນກຳລັງກະ ກຽມເປີດຊຸດທີ 4 ມີ ນັກຮຽນທັງ ໝົດ 30 ສະຫາຍ. ອີງຕາມຄວາມ ຮຽກຮ້ອງຕ້ອງການຂອງໜ້າທີ່ວຽກງານ ໃນໄລຍະຜ່ານມາ ຄະ ນະພັກ-ຄະນະບັນຊາ ກອງພົນທີ 5 ຍັງໄດ້ເປີດຊຸດກໍ່ສ້າງວິຊາສະເພາະ ຮັບໃຊ້-ຮັບປະກັນ ທີ່ຈຳເປັນຕື່ມອີກ ເຊັ່ນ: ກໍ່ສ້າງແພດ ຊັ້ນຕົ້ນ 1 ຊຸດ ຈຳນວນ 60 ສະ ຫາຍ, ກໍ່ສ້າງອຸປະໂພກຊັ້ນຕົ້ນ 1 ຊຸດ ຈຳນວນ 60 ສະຫາຍ, ກໍ່ສ້າງປຸງແຕ່ງຊັ້ນຕົ້ນ 1 ຊຸດ ຈຳນວນ 60 ສະຫາຍ, ກໍ່ສ້າງຍຸດໂທຊັ້ນຕົ້ນ 1 ຊຸດ ຈຳນວນ 30 ສະຫາຍ, ກໍ່ສ້າງວິຊາສະເພາະນັກຂັບຂີ່ລົດການທະຫານ 1 ຊຸດ ຈຳນວນ 55 ສະຫາຍ. ຜ່ານການຈັດຕັ້ງປະຕິ ບັດ ແຜນການຮຽນ-ການສອນ ດັ່ງກ່າວສາມາດບັນລຸໄດ້ຕາມຈຸດ ປະສົງຄາດໝາຍ ແລະ ຮັບປະ ກັນຄວາມສະຫງົບປອດໄພ 100%. ເພື່ອຍົກສູງຄຸນນະພາບການຮຽນ-ການສອນ ກ້າວເຂົ້າສູ່ຄຸນນະພາບອັນໃໝ່, ຄະນະພັກ-ຄະນະບັນຊາ ໄດ້ກຳນົດ 3 ວຽກງານ ດັ່ງນີ້: ວຽກງານການຄຸ້ມຄອງດ້ານລະບຽບແບບແຜນ ໄດ້ ຈັດຕັ້ງກວດກາລະບຽບລວມທົ່ວສູນເຝິກເປັນປະຈຳທຸກໆອາ ທິດ ໂດຍອີງໃສ່ ຂໍ້ກຳນົດ 7 ລະ ບອບ 18 ວຽກ ຂອງກອງທັບ, ກວດກາລະບຽບບຸກຄົນ ເຊັ່ນ: ການນຸ່ງຖືເຄື່ອງແບບ ແລະ ຕັດຜົມຂອງພະນັກງານ-ນັກຮົບເພດຊາຍ, ກວດກາລະບຽບສ່ວນ ລວມ ເຊັ່ນ: ການປະຕິບັດໂມງເວ ລາເຂົ້າການ-ເລີກການ, ກວດກາຈຳນວນພົນ, ແລະ ການຮັກສາຄວາມສະອາດສະຖານທີ່ ຫ້ອງ ການ, ສະໂມສອນ, ຫ້ອງຮຽນ, ເຮືອນນອນ, ເຮືອນຄົວ ແລະ ຫ້ອງນ້ຳ, ຈັດຕັ້ງສະຫຼຸບຖອດຖອນບົດຮຽນທຸກໆ ອາທິດ ເພື່ອ ຖອດຖອນບົດຮຽນດ້ານດີ ແລະ ແກ້ໄຂດ້ານອ່ອນ. ຜົນໄດ້ຮັບ ເຫັນວ່າ: ພະນັກງານ-ນັກຮົບ ມີການຫັນປ່ຽນດີຂຶ້ນຢ່າງຈະແຈ້ງ, ນຸ່ງຖືເປັນລະບຽບ ແລະ ປະຕິບັດໂມງເວລາຂຶ້ນ-ລົງຫ້ອງຮຽນ ຢ່າງເຂັ້ມງວດ. ວຽກງານການຄຸ້ມຄອງດ້ານການຮຽນ-ການສອນ ໄດ້ຄຸ້ມຄອງເອກະສານ ແລະ ຕຳລາການຮຽນ-ການສອນ ຕາມໂຄງການຫຼັກສູດທີ່ກົມໂຮງ ຮຽນກົມ ໃຫຍ່ເສນາທິການ ກອງ ທັບກຳນົດໄວ້ຢ່າງເຂັ້ມງວດ, ຊີ້ ນຳພະແນກເສນາ-ອົບຮົມເອົາ ໃຈໃສ່ຄົ້ນຄວ້າເອກະສານ ແລະ ແນະນຳຄູ-ອາຈານ ໃຫ້ແຕ່ງບົດ ສອນຖືກຕ້ອງຕາມເນື້ອໃນຕົ້ນ ຕໍ, ເນັ້ນຈຸດໜັກ-ຈຸດສຳຄັນ ແລະ ສອດຄ່ອງກັບສະ ພາບການຕົວຈິງ, ວຽກງານການຄຸ້ມຄອງນັກ ຮຽນອີງໃສ່ກົດລະບຽບຂອງກອງທັບ ແລະ ຂໍ້ກຳນົດຂອງສູນເຝິກ ເພື່ອສ້າງກົມກອງໃຫ້ມີລະບຽບແບບແຜນ, ຊີ້ນຳບັນດາພະແນກການ ແລະ ກົມກອງ ຕິດ ຕາມກວດກາການປະຕິບັດ 7 ລະ ບອບ 18 ວຽກ ຢ່າງໃກ້ຊິດ, ກຳ ແໜ້ນຊີວະປະຫວັດ, ສະພາບການ ເມືອງ-ແນວຄິດ,ຫຼັກໝັ້ນຊົນ ຊັ້ນ, ຈຳນວນພົນ, ການເຂົ້າການ-ເລີກ ການເປັນປະຈຳ. ຜ່ານການຈັດ ຕັ້ງປະຕິບັດກົມກອງມີຄວາມສະຫງົບປອດໄພ 100% ແລະ ສາມາດຕ້ານ, ສະກັດກັ້ນປະກົດການຫຍໍ້ ທໍ້ຕ່າງໆ ຢ່າງມີປະສິດທິຜົນ. ສະຫາຍ ພັນໂທ ຄຳພັດ ແສນຜາສົມພູ ໃຫ້ຮູ້ຕື່ມວ່າ: ທິດທາງໃນຕໍ່ໜ້າ ຈະສືບຕໍ່ສຶກສາອົບຮົມພະນັກງານ-ນັກຮົບ, ພາລະກອນ ແລະ ນັກຮຽນທຸກສະຫາຍ ໃຫ້ເຊື່ອມຊຶມແນວທາງຂອງພັກ, ກົດໝາຍຂອງລັດ, ແລະ ປະຕິບັດ ຂໍ້ກຳນົດ ກົດລະບຽບຂອງກອງ ທັບ ໂດຍສະເພາະ 7 ລະບອບ 18 ວຽກຂອງກອງທັບ, ຈັດຕັ້ງ ປະຕິບັດໂຄງການຫຼັກສູດຢ່າງ ເຂັ້ມງວດ ພ້ອມທັງປັບປຸງບາງເນື້ອໃນໃຫ້ແທດເໝາະກັບສະ ພາບຕົວຈິງ ເພື່ອໃຫ້ນັກຮຽນກຳແໜ້ນທິດສະດີ-ຫຼັກການ ແລະ ນຳໄປຈັດຕັ້ງປະຕິບັດໄດ້ຢ່າງມີ ປະສິດທິຜົນ, ສືບຕໍ່ຍົກລະດັບຄວາມຮູ້-ຄວາມສາມາດວິຊາສະ ເພາະຂອງຄູ-ອາຈານ, ສູ້ຊົນສ້າງ ຄູສອນດີ-ສອນເກັ່ງ ແລະ ນັກ ຮຽນຮຽນດີ-ຮຽນເກັ່ງໃຫ້ບັນ ລຸ 90% ຂຶ້ນໄປ, ສືບຕໍ່ປັບປຸງພື້ນ ຖານໂຄງລ່າງ, ຄ້າຍຄູ ໃຫ້ແໜ້ນ ໜາ-ຖາວອນ, ສະອາດ, ສວຍງາມ; ເອົາໃຈໃສ່ຕິດຕາມກວດ ກາພະນັກງານ-ນັກຮົບ ຜູ້ທີ່ມີຜົນ ງານດີເດັ່ນ ແລະ ສຳເລັດໃນໜ້າທີ່ວຽກງານຕົວຈິງ ເພື່ອປະຕິບັດນະ ໂຍບາຍ ຕາມຄວາມເໝາະສົມ ແລະ ເຂັ້ມງວດເດັດຂາດ ຕໍ່ຜູ້ທີ່ລະເມີດ ແລະ ຝ່າຝືນຕໍ່ຂໍ້ກຳນົດ ກົດລະບຽບຂອງກອງທັບ ກໍຄື ຂອງສູນເຝິກວາງອອກ ດ້ວຍມາດຕະການຕ່າງໆ ຕາມກໍລະນີທີ່ກະທຳຜິດ.

news to day and hot news