ວັນພະຫັດ, ວັນທີ 10 ກັນຍາ 2026
ກອງບັນຊາການທະຫານເເຂວງຈຳປາສັກ ປະກາດການທຽບຊັ້ນນາຍທະຫານ ທີ່ຮຽນຈົບວິຊາສະເພາະຈາກສາຍລັດ.
ເວລາອອກຂ່າວ: 2026-08-07 09:07:04 | ຜູ້ຂຽນ : admin1 | ຈຳນວນຄົນເຂົ້າຊົມ: 223 | ຄວາມນິຍົມ: 
ພິທີປະກາດການທຽບຊັ້ນໃຫ້ນາຍທະຫານ ທີ່ຮຽນຈົບວິຊາສະເພາະຈາກສາຍລັດ ຂອງກອງບັນຊາການທະຫານເເຂວງຈຳປາສັກ, ໄດ້ຈັດຂຶ້ນໃນວັນທີ 30 ກໍລະກົດ 2026 ນີ້, ໂດຍການເປັນປະທານຂອງ ສະຫາຍ ພັນເອກ ພູເວີນ ສູນນີວົງ ຫົວໜ້າຫ້ອງການເມືອງ ກອງບັນຊາການທະຫານເເຂວງຈຳປາສັກ , ມີຄະນະພັກ-ຄະນະບັນຊາ 6 ຫ້ອງກອງບັນຊາການ, ພະເເນກການ, ກອງບັນຊາການທະຫານເມືອງ, ກອງພັນ, ກອງຮ້ອຍເອກະລາດ, ກອງຮ້ອຍທະຫານຊາຍເເດນ, ພ້ອມດ້ວຍພະນັກງານທີ່ໄດ້ຮັບຊັ້ນໃໝ່ເຂົ້າຮ່ວມ.
ສະຫາຍ ພັນໂທ ສົນເເກ້ວ ມະນີວົງ ຫົວໜ້າພະແນກພະນັກ ງານ ທະຫານເເຂວງຈຳປາສັກໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການປະດັບທຽບຊັ້ນນາຍທະຫານໃຫ້ນັກຮຽນທີ່ຮຽນຈົບວິຊາສະເພາະຈາກສາຍລັດ ຢູ່ກອງບັນຊາການທະຫານເເຂວງຈຳປາສັກ, ໃນນີ້ໄດ້ປະດັບທຽບຊັ້ນຮ້ອຍໂທໃຫ້ນັກຮຽນທີ່ຮຽນຈົບ ປະລິນຍາຕີ ເເລະ ຊັ້ນສູງ ຈຳນວນ 43 ສະຫາຍ, ປະດັບທຽບຊັ້ນຮ້ອຍຕີ ໃຫ້ນັກຮຽນ ທີ່ຮຽນຈົບຊັ້ນກາງ ຈຳນວນ 1 ສະຫາຍ.
ໂອກາດນີ້, ສະຫາຍ ພັນເອກ ພູເວີນ ສູນນີວົງ ໄດ້ຮຽກຮ້ອງໃຫ້ນາຍທະຫານທີ່ໄດ້ຮັບຊັ້ນໃໝ່ ຈົ່ງສືບຕໍ່ເຝິກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ຄຽງຄູ່ກັບຄວາມຮູ້-ຄວາມສາມາດນັ້ນ ໃຫ້ສືບຕໍ່ເປັນແບບຢ່າງນຳໜ້າໃນການປະຕິບັດໜ້າທີ່ວຽກງານ, ເຄົາລົບລະບຽບກົດໝາຍຂອງລັດ, ລະບຽບວິໄນຂອງກອງທັບໃຫ້ເຂັ້ມງວດ ແລະ ປັບປຸງວິທີເຮັດວຽກໃຫ້ມີແບບແຜນ, ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນໃນການປະຕິບັດວຽກງານວິຊາສະເພາະທີ່ໄດ້ຮຽນມາໃຫ້ໄດ້ໝາກຜົນສູງສຸດ.
ໂດຍ: ສິລິຄານ ຈຳປາສັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
