ວັນພະຫັດ, ວັນທີ 10 ກັນຍາ 2026
ກອງພົນທີ 1 ສຳເລັດອົບຮົມ-ຫັດແອບ ວຽກງານພະລາທິການ ໄລຍະສັ້ນ ປະຈຳປີ 2026
ເວລາອອກຂ່າວ: 2026-08-07 09:09:02 | ຜູ້ຂຽນ : admin1 | ຈຳນວນຄົນເຂົ້າຊົມ: 214 | ຄວາມນິຍົມ: 
ວັນທີ 31 ກໍລະກົດ 2026 ນີ້, ກອງພົນທີ 1 ໄດ້ສຳເລັດການ
ອົບຮົມ-ຫັດແອບວຽກງານພະ ລາທິການໄລຍະສັ້ນ ປະຈຳປີ 2026, ໂດຍເປັນປະທານຂອງ ສະຫາຍ ພັນເອກ ຄຳຊາວ ລິນທະກຸນແກ້ວ ຫົວໜ້າການທະຫານ ກອງພົນທີ 1 , ມີບັນດາອົງການ 5 ຫ້ອງ ກອງພັນໃຫຍ່, ສູນເຝິກອົບຮົມ, ໂຮງໝໍ, ກອງພັນນ້ອຍ, ກອງ ຮ້ອຍເອກະລາດ ແລະ ນັກເຝີກອົບຮົມເຂົ້າຮ່ວມ.
ສະຫາຍ ພັນໂທ ພອນຄຳ ອິນທະວົງ ຫົວໜ້າພະແນກແຜນການຫ້ອງພະລາທິການ ໄດ້ຂຶ້ນຜ່ານບົດສະຫຼຸບວຽກງານອົບ ຮົມ-ຫັດແອບພະລາທິການ ປະຈຳປີ 2026. ຜ່ານໄລຍະການເຝິກອົບຮົມ-ຫັດແອບສາມາດເຫັນໄດ້ວ່າ
ຄະນະຮັບຜິດຊອບໄດ້ເອົາ ໃຈໃສ່ຄວາມຮັບຜິດຊອບຕໍ່ໜ້າທີ່ການ ເມືອງຂອງຕົນ, ສຸມທຸກສະຕິປັນຍາຄວາມຮູ້-ຄວາມສາມາດເຂົ້າໃນຊຸດອົບຮົມ, ການກະກຽມດ້ານເອກະສານແມ່ນມີຄວາມລະອຽດ, ຄົບຖ້ວນ, ຊັດເຈນ, ການອະທິບາຍບົດຮຽນແມ່ນເຂົ້າ ໃຈງ່າຍ ແລະ ກວ້າງຂວາງ ເຮັດ ໃຫ້ນັກເຝິກອົບຮົມມີຄວາມເຂົ້າ ໃຈຢ່າງເລິກເຊິ່ງສາມາດຕີລາຄາຜົນການເຝິກອົບຮົມ-ຫັດແອບໄດ້ດັ່ງນີ້: ວຽກງານເສນາພະລາສະ ເລ່ຍຜົນໄດ້ຮັບ 95%, ວຽກງານການເງິນ ສະເລ່ຍຜົນໄດ້ຮັບ 95%, ວຽກງານອຸປະໂພກ-ບໍລິໂພກສະເລ່ຍຜົນໄດ້ຮັບ 94%, ວຽກງານກໍ່ສ້າງ-ຄຸ້ມຄອງຊັບສິນ ສະເລ່ຍຜົນໄດ້ຮັບ92%, ວຽກງານເສນາຮັກ ສະເລ່ຍໄດ້ 90%, ວຽກງານຜະລິດກະສິກຳສະເລ່ຍ ຜົນໄດ້ຮັບ 93%, ວຽກງານເຊື້ອ ໄຟ ສະເລ່ຍຜົນໄດ້ຮັບ 92%, ວຽກງານຂົນສົ່ງ 92%, ຕີລາຄາຜົນໄດ້ຮັບທັງໝົດໃນການອົບຮົມ-ຫັດແອບຄັ້ງນີ້ ສະເລ່ຍໄດ້ 93%.
ໂດຍ: ຄຳພຸດ ພານຸວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
