ວັນພຸດ, ວັນທີ 07 ຕຸລາ 2026
ເດັກລາວສ້າງຊື່ສຽງ ໃນກິລາໝາກເສິກ ທີ່ອົດສະຕຣາລີ “ເຈສັນ ແສງພະຈັນ” ຄວ້າລາງວັນ Best U8
ເວລາອອກຂ່າວ: 2026-08-10 09:31:27 | ຜູ້ຂຽນ : admin3 | ຈຳນວນຄົນເຂົ້າຊົມ: 219 | ຄວາມນິຍົມ: 
ເຈສັນ ແສງພະຈັນ (Jayson Sengphachan) ນັກກິລາໝາກເສິກເຍົາວະຊົນຈາກ Vientiane Chess Academy ສືບຕໍ່ສ້າງຜົນງານໜ້າປະທັບໃຈ ໃນການລົງແຂ່ງຂັນຫຼາຍລາຍການທີ່ນະຄອນຊິດນີ ປະເທດອົດສະຕຣາລີ. ຜົນງານໂດດເດັ່ນຫຼ້າສຸດຄື ການຄວ້າລາງວັນນັກກິລາດີເດັ່ນຮຸ່ນອາຍຸບໍ່ເກີນ 8 ປີ ຫຼື Best U8 ໃນລາຍການ Pymble Saturday Fun Tournament ເມື່ອວັນທີ 18 ກໍລະກົດ 2026. ເຈສັນເກັບໄດ້ 3 ຄະແນນຈາກ 6 ກະດານ ແລະ ຄວ້າລາງວັນປະຈຳຮຸ່ນໄປຄອງ.
ກ່ອນໜ້ານັ້ນ ເຈສັນຍັງສ້າງຜົນງານດີໃນລາຍການ Epping Saturday Fun Tournament ດ້ວຍການເກັບ 3,5 ຄະແນນຈາກ 6 ກະດານ ຈົບຢູ່ອັນດັບຮ່ວມ 8-9 ຈາກນັກກິລາ 23 ຄົນ ໂດຍສາມາດເອົາຊະນະນັກກິລາທີ່ອາຍຸສູງກວ່າຫຼາຍຄົນ.
ຜົນງານຂອງດາວນ້ອຍລາວບໍ່ໄດ້ເກີດຂຶ້ນພຽງລາຍການດຽວ. ໃນເດືອນເມສາ 2026 ເຈສັນເຄີຍຄວ້າລາງວັນ U500 JCL ດ້ວຍຜົນງານ 5 ຄະແນນຈາກ 7 ກະດານ ໃນລາຍການ Burwood 12 Years & Under
ແລະ ລາງວັນ Best 400s JCL ດ້ວຍ 4 ຄະແນນຈາກ 7 ກະດານ ໃນ
ລາຍການ Ashfield 10 Years & Under.
ຖານຂໍ້ມູນຂອງສະຫະພັນໝາກເສິກສາກົນ ຫຼື FIDE ຢືນຢັນວ່າ ເຈສັນມີ FIDE ID 17702496, ຂຶ້ນທະບຽນໃນນາມນັກກິລາປະເທດລາວ ແລະ ເກີດໃນປີ 2018.
ຕາມຂໍ້ມູນຈາກ Vientiane Chess Academy, ເຈສັນຍັງຄົງເຝິກຊ້ອມອອນລາຍກັບໂຄ້ດ Robert Suelo Jr. ຢ່າງສະໝ່ຳສະເໝີ ເຖິງແມ່ນຈະຢູ່ໃນຊ່ວງພັກແລ້ງທີ່ອົດສະຕຣາລີ. ການເຝິກຊ້ອມຄວບຄູ່ກັບການລົງສະໜາມແຂ່ງຂັນຈິງ ກຳລັງຊ່ວຍໃຫ້ດາວນ້ອຍຄົນນີ້ພັດທະນາຂຶ້ນຢ່າງຕໍ່ເນື່ອງ. ຜົນງານຂອງເຈສັນຖືເປັນອີກໜຶ່ງສັນຍານທີ່ດີຂອງວົງການໝາກເສິກເຍົາວະຊົນລາວ ແລະ ສະທ້ອນໃຫ້ເຫັນວ່າ ດ້ວຍການເຝິກຊ້ອມຢ່າງມີລະບົບ, ຄວາມມຸ່ງໝັ້ນ ແລະ ໂອກາດລົງແຂ່ງຂັນສາກົນ ເດັກນ້ອຍລາວກໍສາມາດສ້າງຜົນງານໄດ້ບໍ່ນ້ອຍໜ້າຊາດອື່ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
