POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 12 ກັນຍາ 2026

ຮັບຮອງເອົາ 8 ບ້ານ ທີ່ຂຶ້ນກັບ ເມືອງສະໝ້ວຍ ເປັນບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2026-08-14 09:07:04 | ຜູ້ຂຽນ : admin1 | ຈຳນວນຄົນເຂົ້າຊົມ: 180 | ຄວາມນິຍົມ:

ພິທີປະກາດການຮັບຮອງເອົາ 8 ບ້ານ ທີ່ຂຶ້ນກັບ ເມືອງສະໝ້ວຍ ແຂວງສາລະວັນ ເປັນບ້ານປ້ອງກັນຊາດເຂັ້ມແຂງ ໄດ້ຈັດຂຶ້ນໃນບໍ່ດົນຜ່ານມານີ້, ໂດຍການເຂົ້າຮ່ວມເປັນປະທານ ຂອງທ່ານ ບຸນເນື້ອ ຫຼອງຄຳໄຕ ເລຂາຄະນະບໍລິຫານງານພັກເມືອງ, ມີສະຫາຍ ພັນເອກ ວິໄລ ພິມມະວົງ ຫົວໜ້າຫ້ອງການເມືອງກອງບັນຊາການທະຫານແຂວງສາລະວັນ, ສະຫາຍ ພັນໂທ ບຸນສະຫງ່າ ປັນຍາຮັກ ຫົວໜ້າການເມືອງກອງບັນຊາການທະຫານເມືອງສະໝ້ວຍ, ມີພະນັກງານວິຊາການທີ່ກ່ຽວຂ້ອງ, ແຂກຖືກເຊີນ ແລະ ອຳນາດການປົກຄອງທັງ 8 ບ້ານ ເຂົ້າຮ່ວມ. ສະຫາຍ ພັນຕີ ບຸນນຽມ ໄໝສະໝີ ຮອງຫົວໜ້າການເມືອງ ກອງບັນຊາການທະຫານເມືອງສະໝ້ວຍ ໄດ້ຜ່ານບົດສະຫຼຸບ ການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ໃນໄລຍະຜ່ານມາ, ຄະນະຊີ້ນຳຂັ້ນແຂວງ, ເມືອງ ແລະ ບ້ານ ໄດ້ປະສານສົມທົບກັນ ເຄື່ອນໄຫວຈັດຕັ້ງປະຕິບັດ ຕາມຂໍ້ຕົກລົງຂອງອະນຸກຳມະການ ປ້ອງກັນຊາດ-ປ້ອງກັນຄວາມສະຫງົບຂັ້ນແຂວງ, ຂັ້ນເມືອງ ຢ່າງເຂັ້ມງວດ, ຈັດຕັ້ງພະນັກງານລົງພົບປະໂອ້ລົມກັບອົງການຈັດຕັ້ງຂັ້ນບ້ານ, ສະເໜີຈຸດປະສົງ ການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ, ສຶກສາອົບຮົມການເມືອງນຳພາແນວຄິດ ແລະ ໃຫ້ຄວາມຮູ້ດ້ານກົດໝາຍ ແກ່ພໍ່ແມ່ປະຊາຊົນ, ກວດກາປັບປຸງຂຶ້ນທະບຽນຄອບຄົວປ້ອງກັນຊາດເຂັ້ມແຂງ. ຜ່ານການຈັດຕັ້ງປະຕິບັດ ສາມາດສ້າງບ້ານປ້ອງກັນຊາດເຂັ້ມແຂງ ໄດ້ທັງໝົດ 8 ບ້ານ ແລະ ຄອບຄົວປ້ອງກັນຊາດເຂັ້ມແຂງ ມີ 4.311 ຄອບຄົວ. ຈາກນັ້ນ, ສະຫາຍ ພັນຕີ ບຸນນ້ອຍ ສີລາວົງ ຊ່ວຍວຽກພະແນກຈັດຕັ້ງພັກ ກອງບັນຊາການທະຫານແຂວງສາລະວັນ, ພະນັກງານກໍ່ສ້າງຮາກຖານປະຈຳເມືອງສະໝ້ວຍ ໄດ້ຜ່ານຂໍ້ຕົກລົງ ຂອງຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບແຂວງ ວ່າດ້ວຍ ການຮັບຮອງເອົາບ້ານປ້ອງກັນຊາດເຂັ້ມແຂງຂອງເມືອງສະໝ້ວຍ ປະຈຳປີ 2026 ແລະ ຜ່ານຂໍ້ຕົກລົງ ຂອງກອງບັນຊາການທະຫານແຂວງ ສາລະວັນ ວ່າດ້ວຍການຢັ້ງຢືນຮັບຮອງເອົາ 8 ບ້ານທີ່ຂຶ້ນກັບເມືອງສະໝ້ວຍ ເປັນບ້ານປ້ອງກັນຊາດເຂັ້ມແຂງ, ໃຫ້ກຽດມອບໃບຢັ້ງຢືນໂດຍ ທ່ານ ບຸນເນື້ອ ຫຼອງຄຳໄຕ, ໂດຍມີນາຍບ້ານຈາກ 8 ບ້ານຂຶ້ນຮັບ. ໂອກາດນີ້, ທ່ານ ບຸນເນື້ອ ຫຼອງຄຳໄຕ ໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາບ້ານທີ່ໄດ້ຮັບການຢັ້ງຢືນເປັນບ້ານປ້ອງກັນຊາດເຂັ້ມແຂງ ໃນຄັ້ງນີ້, ເຊິ່ງສະແດງເຖິງໝາກຜົນ ກໍຄື ຜົນງານແຫ່ງການຈັດຕັ້ງປະຕິບັດໜ້າທີ່ວຽກງານຂອງອຳນາດການປົກຄອງຂັ້ນບ້ານ ແລະ ພໍ່ແມ່ປະຊາຊົນ ເຮັດໃຫ້ສະພາບໃນຂອບເຂດຮັບຜິດຊອບ ມີຄວາມສະຫງົບ ພ້ອມກັນນັ້ນ, ຍັງໄດ້ເນັ້ນໜັກໃຫ້ພະນັກງານທີ່ເຮັດວຽກງານກໍ່ສ້າງຮາກຖານແຕ່ລະຂັ້ນ ເອົາໃຈໃສ່ສຶກສາອົບຮົມການເມືອງແນວຄິດ ໃຫ້ພໍ່ແມ່ປະຊາຊົນຢ່າງເປັນປົກກະຕິ, ປະສານສົມທົບກັນ ລະຫວ່າງບ້ານຕໍ່ບ້ານ ຮັກສາຄວາມສະຫງົບປອດໄພ ຕາມຂອບເຂດຮັບຜິດຊອບ, ພ້ອມກັນຕ້ານ ແລະ ສະກັດກັ້ນ ກຸ່ມຄົນບໍ່ຫວັງດີ ທີ່ຫວັງມ້າງເພທຳລາຍລະບອບໃໝ່ ເພື່ອເຮັດໃຫ້ປະກົດການຫຍໍ້ທໍ້ໃນສັງຄົມ ໝົດໄປເທື່ອລະກ້າວ, ເອົາໃຈໃສ່ຊີ້ນຳ-ນຳພາ ສົ່ງເສີມພໍ່ແມ່ປະຊາຊົນ ສ້າງເສດຖະກິດຄອບຄົວ ໃຫ້ມີຢູ່ມີກິນ, ເພື່ອຫຼຸດພົ້ນອອກຈາກຄວາມທຸກຍາກ ແລະ ນຳພາເສດຖະກິດສັງຄົມຂອງຊາດ ເວົ້າສະເພາະ ກໍຄື ເມືອງສະໝ້ວຍ ໃຫ້ກ້າວຂຶ້ນສູ່ຄວາມສີວິໄລ. ໂດຍ: ສຸກັນ ວົງສະຫວັດ

news to day and hot news