POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 10 ກັນຍາ 2026

ຫຼາຍກົມກອງ ປາຖະກະຖາ ວັນສ້າງຕັ້ງເຫຼົ່າຮົບພະລາທິການກອງທັບ ຄົບຮອບ 70 ປີ
ເວລາອອກຂ່າວ: 2026-08-17 08:42:15 | ຜູ້ຂຽນ : admin1 | ຈຳນວນຄົນເຂົ້າຊົມ: 113 | ຄວາມນິຍົມ:

ໃນໄລຍະຕົ້ນເດືອນສິງຫາຜ່ານມາ, ຫຼາຍກົມກອງທັງກຳ ລັງຫຼວງ ແລະ ກຳລັງທ້ອງຖິ່ນ ໄດ້ຈັດຕັ້ງປາຖະກະຖາ ມູນເຊື້ອວັນສ້າງຕັ້ງເຫຼົ່າຮົບພະລາທິການກອງທັບ ຄົບຮອບ 70 ປີ ໃນນັ້ນ, ມີ ກອງພົນທີ 4, ກອງບັນຊາການທະຫານແຂວງອຸດົມໄຊ, ກອງບັນຊາການທະຫານແຂວງໄຊຍະບູລີ, ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ, ໂຮງຮຽນທະຫານຊາຍແດນ 712, ກອງພັນໃຫຍ່ 642, ກອງພັນໃຫຍ່ 202 ກອງພົນທີ 2, ກອງບັນຊາການທະຫານເມືອງພຽງ ແຂວງໄຊຍະບູລີ, ຫ້ອງພະລາທິການ ກອງພົນທີ 4 ແລະ ກອງພັນ 617 (ລົດຕັງ-ຍານເກາະ) ທີ່ຂຶ້ນກັບກອງພົນທີ 4. ໃນພິທີຄະນະພັກ-ຄະນະບັນຊາແຕ່ລະກົມກອງໄດ້ຍົກໃຫ້ເຫັນມູນເຊື້ອແຫ່ງການກຳເນີດເຕີບໃຫຍ່ຂະຫຍາຍຕົວ ລວມທັງຜົນງານພົ້ນເດັ່ນ ທີ່ເຫຼົ່າຮົບ ພະລາທິການ ສ້າງມາໄດ້ຕະ ຫຼອດໄລຍະ 70 ປີຜ່ານມາ, ໃນໄລຍະຕໍ່ສູ້ກູ້ຊາດອັນລະອິດລະອ້ຽວ ຂະແໜງພະລາທິການໄດ້ ຜ່ານຜ່າທຸກອຸປະສັກຮັບໃຊ້ສະ ໜາມຮົບ ດ້ວຍການປຸກລະດົມ, ຂົນຂວາຍ ແລະ ສົ່ງສະບຽງອາ ຫານ, ເຂົ້າສານ, ເກືອ ແລະ ເຄື່ອງນຸ່ງຫົ່ມໃຫ້ກຳລັງຫຼັກແຫຼ່ງ ຢູ່ສະໜາມຮົບຢ່າງທັນການໄດ້ ຈັດຕັ້ງຕາໜ່າງການແພດສະ ໜາມຮົບປິ່ນປົວ ແລະ ບົວລະບັດພະນັກງານ, ນາຍ ແລະ ພົນທະ ຫານທີ່ໄດ້ຮັບບາດເຈັບໃຫ້ຫາຍດີ ແລະ ກັບຄືນສູ້ຮົບໄດ້ໄວ ພ້ອມທັງເບິ່ງແຍງສຸຂະພາບປະຊາຊົນຢູ່ເຂດປົດປ່ອຍ, ບຸກເບີກເສັ້ນທາງ, ຂົນສົ່ງອາວຸດຍຸດໂທປະກອນ ແລະ ເຄື່ອງກຳລັງບຳລຸງ ຜ່ານປ່າດົງພູເຂົາ ພາຍໃຕ້ການຖິ້ມລະເບີດຂອງສັດຕູຢ່າງຕໍ່ເນື່ອງ. ຕະຫຼອດໄລຍະ 70 ປີ ຂະແໜງພະລາທິການກອງທັບ ໄດ້ເຕີບໃຫຍ່ຂະຫຍາຍຕົວຢ່າງຮອບດ້ານ ຈາກກຸ່ມນ້ອຍໃນອະດີດກາຍເປັນລະບົບຄົບຊຸດແຕ່ຂັ້ນກົມໃຫຍ່ຮອດຮາກຖານມີວິຊາສະເພາະສູງ, ດ້ານຮູບແບບການຮັບປະກັນ ໄດ້ຫັນປ່ຽນຈາກການເຄື່ອນໄຫວແບບປະຖົມປະຖານ ໃນໄລຍະສົງຄາມມາສູ່ການຄຸ້ມຄອງດ້ວຍລະບົບວິທະຍາສາດທີ່ທັນສະໄໝ, ພື້ນຖານວັດຖຸ ແລະ ເຕັກນິກຄ້າຍຄູທະຫານ ໄດ້ຮັບການກໍ່ ສ້າງຢ່າງຖາວອນ ແລະ ມີພາ ຫະນະເຕັກນິກ ພ້ອມຮັບໃຊ້ໜ້າ ທີ່ໃນທຸກເງື່ອນໄຂ, ເພີ່ມພູນຜະ ລິດຜົນປູກຝັງ-ລ້ຽງສັດເປັນຟາມຂະໜາດໃຫຍ່ ສາມາດກຸ້ມຕົນເອງດ້ານສະບຽງອາຫານໄດ້ 100%, ຫັນປ່ຽນຈາກການບັນ ທຶກ ແລະ ຄຸ້ມຄອງດ້ວຍເຈ້ຍ ມາເປັນການນຳໃຊ້ລະບົບຖານຂໍ້ມູນ ແລະ ຊັອບແວ ເຂົ້າໃນການບໍລິຫານງານສາງຄັງ, ອາວຸດຍຸດໂທປະກອນ ແລະ ງົບປະມານ, ນຳໃຊ້ເຕັກໂນໂລຊີ ເຂົ້າໃນການຕິດຕາມ ແລະ ຈັດສັນພາຫະນະຂົນສົ່ງໃຫ້ມີຄວາມວ່ອງໄວ ແລະ ທັນເວລາ, ຫຼາຍກົມກອງໄດ້ເລີ່ມ ນຳໃຊ້ພະລັງງານທົດແທນ ແລະ ຕິດຕັ້ງລະບົບກັ່ນຕອງນໍ້າສະ ອາດທີ່ທັນສະໄໝ ເພື່ອຮັບໃຊ້ຊີວິດການເປັນຢູ່ຂອງນາຍ ແລະ ພົນທະຫານ, ໂຮງໝໍ ແລະ ເສນາຮັກກອງທັບ ໄດ້ຮັບການຕິດຕັ້ງເຄື່ອງມືແພດທີ່ທັນສະໄໝຫຼາຍຂຶ້ນ, ເພື່ອຍົກສູງຄວາມສາມາດໃນການກວດ, ປິ່ນປົວ ແລະ ຜ່າ ຕັດ ພ້ອມທັງໄດ້ຮ່ວມມື ແລະ ແລກປ່ຽນບົດຮຽນດ້ານການແພດທະຫານ ກັບຕ່າງປະເທດ ຢ່າງກວ້າງຂວາງ ເພື່ອຍົກລະ ດັບຄວາມຮູ້ໃຫ້ແກ່ແພດໝໍໃນກອງທັບ. ທັງນີ້, ກໍເພື່ອເປັນການສຶກສາອົບຮົມໃຫ້ພະນັກງານ-ນັກຮົບ ກໍຄື ຜູ້ທີ່ເຮັດວຽກງານພະລາທິການເຊື່ອມຊຶມກຳແໜ້ນຕື່ມ ຜົນງານ ແລະ ມູນເຊື້ອຂອງເຫຼົ່າຮົບພະລາທິການ ເພື່ອພ້ອມກັນເສີມຂະຫຍາຍ ແລະ ຈັດຕັ້ງປະ ຕິບັດເຂົ້າສູ່ວຽກງານຕົວຈິງໃນປັດຈຸບັນໃຫ້ໄດ້ຮັບໝາກຜົນສູງ.

news to day and hot news