ວັນພະຫັດ, ວັນທີ 10 ກັນຍາ 2026
ໂຮງໝໍສູນກາງ 103 ກອງທັບ ຈັດກິດຈະກຳ ແຂ່ງຂັນນັກຮ້ອງສຽງດີ ສະໝັກຫຼິ້ນ
ເວລາອອກຂ່າວ: 2026-08-17 08:44:28 | ຜູ້ຂຽນ : admin1 | ຈຳນວນຄົນເຂົ້າຊົມ: 103 | ຄວາມນິຍົມ: 
ເພື່ອສ້າງຂະບວນການຂ່ຳ ນັບຮັບຕ້ອນ ວັນສ້າງຕັ້ງໂຮງໝໍສູນກາງ 103 ກອງທັບ ຄົບຮອບ 50 ປີ ໃຫ້ມີຂະບວນການຟົດຟື້ນຕໍ່ເນື່ອງ, ໂຮງໝໍສູນກາງ 103 ກອງທັບ ໄດ້ຈັດກິດຈະກຳແຂ່ງ ຂັນ ນັກຮ້ອງສຽງດີສະໝັກຫຼິ້ນຂຶ້ນ, ມີຄະນະພັກ-ຄະນະອຳນວຍການ, ພະນັກງານແພດ-ໝໍ ແລະ ພະຍາບານ ເຂົ້າຮ່ວມຮັບຊົມ.
ການແຂ່ງຂັນໃນຄັ້ງນີ້, ມີທັງໝົດ 13 ລາຍການ, ແບ່ງອອກເປັນ 2 ປະເພດ ຄື: ປະເພດ ຮ້ອງເພງດ່ຽວຊາຍ ມີ 8 ລາຍ ການ ແລະ ປະເພດ ຮ້ອງເພງດ່ຽວຍິງມີ 5 ລາຍການ. ຜົນການແຂ່ງຂັນ ປະເພດດ່ຽວຊາຍ ອັນດັບ I ແມ່ນສະຫາຍ ຮ້ອຍໂທ ສົມຈິດ ວິໄລສັກ ໃນບົດເພງ ທະຫານຊາຍແດນ, ອັນດັບ II ສະຫາຍ ຮ້ອຍໂທ ຫຼ້າໄຊ ເພັດຈະເລີນ ແລະ ອັນດັບ III ສະຫາຍ ຮ້ອຍໂທ ສຸກລິດເດດ ກອງວິໄລພົນ; ປະເພດຮ້ອງເພງດ່ຽວຍິງ ອັນດັບ I ສະຫາຍ ສິບຕີ ນາງ ບີຕ້າ ທຸມມາລີ ໃນບົດເພງ ໜ້າທີ່ຂອງແພດ, ອັນດັບ II ສະຫາຍ ຮ້ອຍເອກ ນາງ ດາລະວັນ ກົມມະເມືອງ ແລະ ອັນດັບ III ສະຫາຍ ນາງ ສາລິກາ ຈັນທະວົງ.
ໃນພິທີ, ຄະນະພັກ-ຄະນະອຳນວຍການ ໂຮງໝໍສູນກາງ 103 ກອງທັບ ຍັງໄດ້ມອບລາງວັນ ໃຫ້ແກ່ບັນດາສະຫາຍທີ່ຊະນະເລີດ ແລະ ເຂົ້າຮ່ວມການແຂ່ງຂັນໃນຄັ້ງນີ້. ການຈັດກິດຈະກຳ ດັ່ງກ່າວບໍ່ພຽງແຕ່ເປັນການສະເຫຼີມສະຫຼອງ ວັນສ້າງຕັ້ງໂຮງໝໍສູນກາງ 103 ກອງທັບ ເທົ່ານັ້ນ, ແຕ່ຍັງເປັນການສົ່ງເສີມຄວາມສາມັກຄີ ແລະ ຄົ້ນຫານັກຮ້ອງສຽງດີ ພາຍໃນໂຮງໝໍ ຕື່ມອີກ.
ໂດຍ: ໂຊກທະວີ ແກ້ວບຸດຕະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
