ວັນພຸດ, ວັນທີ 09 ກັນຍາ 2026
ໂຮງຮຽນທິດສະດີການເມືອງກອງທັບ ຢ້ຽມຢາມ ແລະ ເກັບກຳຂໍ້ມູນ ຢູ່ກອງບັນຊາການທະຫານແຂວງຄຳມ່ວນ
ເວລາອອກຂ່າວ: 2026-08-18 08:28:26 | ຜູ້ຂຽນ : admin1 | ຈຳນວນຄົນເຂົ້າຊົມ: 53 | ຄວາມນິຍົມ: 
ວັນທີ 13 ສິງຫາ 2026 ຜ່ານມານີ້, ສະຫາຍ ພັນເອກ ສຸກອິນທະມູນ ຮອງຫົວໜ້າການທະຫານ ຫົວໜ້າຫ້ອງອົບຮົມ-ກໍ່ສ້າງ ໂຮງຮຽນທິດສະດີການເມືອງກອງທັບ ພ້ອມດ້ວຍຄະນະຄູ-ອາຈານ ໄດ້ລົງເຄື່ອນໄຫວຢ້ຽມ ຢາມ ແລະ ເກັບກຳຂໍ້ມູນ ຢູ່ກອງ ບັນຊາການທະຫານແຂວງຄຳມ່ວນ, ໂດຍການຕ້ອນຮັບຂອງສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານ ກອງບັນຊາການທະຫານແຂວງຄຳມ່ວນ, ມີຄະນະພັກ-ຄະນະບັນຊາ, ບັນດາພະແນກການ ແລະ ນັກ ຮຽນທີ່ຮຽນຈົບແຕ່ລະຮຸ້ນ ໃຫ້ ການຕ້ອນຮັບ.
ໂອກາດດັ່ງກ່າວ, ສະຫາຍ ພັນເອກ ສົມພານ ເມືອງຈັນ ຫົວ ໜ້າຫ້ອງເສນາທິການ ກອງບັນຊາການທະຫານແຂວງ ໄດ້ລາຍງານຫຍໍ້ກ່ຽວກັບຈຸດພິເສດ, ທີ່ຕັ້ງ, ພາລະບົດບາດ, ລະບົບການຈັດຕັ້ງ ແລະ ຜົນສຳເລັດໃນການ
ຈັດຕັ້ງປະຕິບັດວຽກງານພັກ-ວຽກງານການເມືອງ ຂອງຄະນະພັກກອງບັນຊາການໃຫ້ບັນດາສະຫາຍໄດ້ຮັບຊາບ, ພ້ອມດຽວກັນນັ້ນ ບັນດາສະຫາຍ ທີ່ເຂົ້າຮ່ວມ ກໍໄດ້ພ້ອມກັນ ສະຫຼຸບແລກປ່ຽນຖອດຖອນບົດຮຽນ ຕໍ່ກັບລະບົບການຮຽນ-ການສອນຂອງໂຮງຮຽນທິດສະດີການ ເມືອງກອງທັບຕະຫຼອດໄລຍະຜ່ານມາ ເພື່ອເປັນບ່ອນອີງໃນການປັບປຸງໂຄງການຫຼັກສູດ, ເນື້ອໃນການຮຽນ-ການສອນ ໃຫ້ແທດເໝາະກັບການຈັດຕັ້ງປະຕິບັດຕົວຈິງ, ທັງເປັນການກວດຄືນບັນດາສະຫາຍນັກສຶກສາ ທີ່ຮຽນຈົບ ຈາກໂຮງຮຽນທິດສະດີການເມືອງກອງທັບ ວ່າມີຄວາມຊຳນິຊຳນານ ແລະ ຜົນສຳເລັດຄືແນວໃດ ໃນການຈັດຕັ້ງ ວຽກງານພັກ - ວຽກງານການເມືອງ ຢູ່ກົມກອງຂອງຕົນ.
ໂດຍ: ເກດມະນີ ສຸວັນນະລາດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
