POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 09 ກັນຍາ 2026

ນາຍົກລັດຖະມົນຕີ ຊີ້ນຳວຽກງານ ຢູ່ຕາແສງຫຼວງຂອນ ເມືອງຫຼວງນໍ້າທາ
ເວລາອອກຂ່າວ: 2026-08-18 15:32:45 | ຜູ້ຂຽນ : admin2 | ຈຳນວນຄົນເຂົ້າຊົມ: 551 | ຄວາມນິຍົມ:

ໃນຕອນບ່າຍວັນທີ 17 ສິງຫາ 2026 ນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ເຄື່ອນໄຫວຢ້ຽມຢາມ ແລະ ຊີ້ນໍາວຽກງານ ຢູ່ຕາແສງຫຼວງຂອນ ເມືອງ ແລະ ແຂວງຫຼວງນໍ້າທາ; ມີເລຂາພັກແຂວງ, ປະທານຄະນະກຳມະການປົກຄອງແຂວງ ພ້ອມດ້ວຍຄະນະນຳຂອງແຂວງ, ເມືອງຫຼວງນໍ້າທາ ແລະ ປະຊາຊົນທ້ອງຖິ່ນດັ່ງກ່າວ ໃຫ້ການຕ້ອນຮັບ. ຕາແສງຫຼວງຂອນ ເປັນໜຶ່ງໃນ 4 ຕາແສງ ທີ່ຂຶ້ນກັບອົງການປົກຄອງເມືອງຫຼວງນໍ້າທາ, ປະກາດສ້າງຕັ້ງໃນວັນທີ 25 ທັນວາ 2025, ຕັ້ງຢູ່ຫ່າງຈາກຫ້ອງວ່າການປົກຄອງເມືອງ 4,5 ກິໂລແມັດ, ມີເນື້ອທີ່ທັງໝົດ 54 ພັນກວ່າເຮັກຕາ, ເນື້ອທີ່ພູດອຍກວມ 44,4% ທິດເໜືອຕິດກັບຕາແສງທົ່ງອົ້ມ, ທິດໃຕ້ຕິດກັບເມືອງວຽງພູຄາ, ທິດຕາເວັນອອກຕິດກັບຕາແສງທົ່ງປຸ່ງ, ທິດຕາເວັນຕົກຕິດກັບເມືອງສິງ, ປະກອບມີ 18 ບ້ານ, ມີ 4.396 ຄອບຄົວ, 3.639 ຫຼັງຄາເຮືອນ, ພົນລະເມືອງ 19.024 ຄົນ, ຍິງ 9.505 ຄົນ. ໃນໂອກາດດັ່ງກ່າວ, ນາຍົກລັດຖະມົນຕີ ໄດ້ໂອ້ລົມ ແລະ ຊີ້ນຳ ຕໍ່ວຽກງານຈຸດສຸມ ຂອງຕາແສງ ບາງດ້ານ ເປັນຕົ້ນ ເພີ່ມທະວີການສຶກສາອົບຮົມການເມືອງ-ນໍາພາແນວຄິດ ຂອງພະນັກງານ-ລັດຖະກອນ ແລະ ປະຊາຊົນບັນດາເຜົ່າ; ມີສະຕິລະວັງຕົວຕໍ່ກົນອຸບາຍທຳລາຍຄວາມສະຫງົບ ແລະ ຄວາມເປັນລະບຽບຮຽບຮ້ອຍ ພາຍໃນຕາແສງ ແລະ ເຂດຊາຍແດນ; ກະກຽມດ້ານຕ່າງໆ ເພື່ອຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການພັດທະນາຊົນນະບົດ ແລະ ແກ້ໄຂຄວາມທຸກຍາກ ຕິດພັນກັບການພັດທະນາທີ່ຍືີນຍົງ ແລະ ສີຂຽວ; ສົ່ງເສີມການປູກຝັງ-ລ້ຽງສັດ ເປັນສິນຄ້າ ຕາມທິດສ້າງເສດຖະກິດເອກະລາດ ເປັນເຈົ້າຕົນເອງ ໃນໄລຍະໃໝ່ ໃຫ້ປະກົດຜົນເປັນຈິງ; ສູ້ຊົນປະຕິບັດແຜນການຜະລິດປະຈຳປີ, ພ້ອມທັງ ກະກຽມຄວາມຮັບມື ກັບໄພພິບັດທຳມະຊາດ ທີ່ອາດເກີດຂຶ້ນຢ່າງໃກ້ຊິດ ແລະ ທັນການ; ປະຕິບັດ 11 ຕົວຊີ້ວັດດ້ານການພັດທະນາ; ສືບຕໍ່ຕິດຕາມການລັກລອບຂຸດຄົ້ນແຮ່ທາດຕ່າງໆ, ລວມທັງ ການດູດແຮ່ຊາຍ-ຫີນ ທີ່ບໍ່ຖືກຕ້ອງຕາມລະບຽບກົດໝາຍ; ປັບປຸງກົນໄກການບໍລິຫານລັດ ໃຫ້ຜ່ານລະບົບປະຕູດຽວ ແລະ ຫັນເປັນດີຈີຕອນ; ຝຶກອົບຮົມຍົກລະດັບຄວາມຮູ້-ຄວາມສາມາດດ້ານຕ່າງໆ ໃຫ້ບຸກຄະລາກອນຂັ້ນຕາແສງ ແລະ ບ້ານ; ພ້ອມກັນພັດທະນາຕາແສງຫຼວງຂອນ ໃຫ້ກາຍເປັນທ້ອງຖິ່ນທີ່ໝັ້ນຄົງ, ປະຊາຊົນ ມີຊີວິດການເປັນຢູ່ ນັບມື້ດີຂຶ້ນ. ຫຼັງຈາກນັ້ນ, ນາຍົກລັດຖະມົນຕີ ພ້ອມດ້ວຍຄະນະ ໄດ້ເຄື່ອນໄຫວຕິດຕາມສະພາບຜົນກະທົບຈາກໄພພິບັດນໍ້າຖ້ວມໄຫຼຊຸ ຢູ່ເຂດບ້ານທົ່ງດີ ແລະ ບ້ານນໍ້າດີ, ພ້ອມທັງ ມອບທຶນ ແລະ ເຄື່ອງອຸປະໂພກ-ບໍລິໂພກ ຈຳນວນໜຶ່ງ ໃຫ້ແກ່ອົງການປົກຄອງເມືອງຫຼວງນໍ້າທາ ເພື່ອນຳໄປຊ່ວຍເຫຼືອປະຊາຊົນ ແລະ ແກ້ໄຂຜົນກະທົບ ຈາກໄພພິບັດດັ່ງກ່າວ. ຂ່າວ-ພາບ: ກົມປະຊາສຳພັນ ຫສນຍ.

news to day and hot news