POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 12 ຕຸລາ 2026

ຮັດແໜ້ນຄວາມສາມັກຄີລະຫວ່າງກົມກອງທະຫານ ກັບ ຮາກຖານປະຊາຊົນ
ເວລາອອກຂ່າວ: 2026-09-08 12:03:10 | ຜູ້ຂຽນ : admin1 | ຈຳນວນຄົນເຂົ້າຊົມ: 141 | ຄວາມນິຍົມ:

ປະຕິບັດຕາມຄຳສັ່ງແນະ ນຳຂອງກົມການເມືອງສູນກາງພັກ ວ່າດ້ວຍການສ້າງບ້ານປ້ອງກັນຊາດເຂັ້ມແຂງ, ບ້ານປ້ອງກັນຄວາມສະຫງົບດີ, ກຸ່ມບ້ານພັດທະນາ ແລະ ບ້ານແຮກສ່ຽວ ໃຫ້ຖືກຕ້ອງ, ສອດຄ່ອງກັບສະ ພາບຕົວຈິງໃນເງື່ອນໄຂປັດຈຸບັນ ແມ່ນໄດ້ກຳນົດທິດທາງ, ເປົ້າ ໝາຍ ແລະ ມາດຕະການສ້າງທ້ອງຖິ່ນໃຫ້ມີຄວາມເຂັ້ມແຂງສາມາດເປັນແປ້ນຢັນທີ່ແຂງແກ່ນຕາມມະຕິຕົກລົງຂອງກົມການເມືອງສູນກາງພັກ ວ່າດ້ວຍການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວ ໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະ ນາ. ເພາະວ່າການສ້າງຮາກຖານ ໃຫ້ເຂັ້ມແຂງຕ້ອງຕິດພັນກັບການສ້າງກຳລັງປ້ອງກັນຊາດ-ປ້ອງກັນຄວາມສະຫງົບໂດຍກົງນີ້ແມ່ນແຜນຍຸດທະສາດຂອງພັກເຮົາໄດ້ກຳນົດອອກມາ ແລະ ຢາກເຮັດໄດ້ຄືແນວນັ້ນ. ຄະນະ ພັກ, ອຳນາດການປົກຄອງຂັ້ນສູງກາງ-ທ້ອງຖິ່ນ, ຄະນະກຳມະ ການປ້ອງກັນຊາດ-ປ້ອງກັນ ຄວາມສະຫງົບຂັ້ນຕ່າງໆ ຕ້ອງໄດ້ຊີ້ນຳຢ່າງໃກ້ຊິດແທດເຖິງໂດຍກົງຮອບດ້ານ ຮູ້ສ້າງກຳລັງ ທະຫານທ້ອງຖິ່ນໃຫ້ມີຄວາມເຂັ້ມແຂງໄປພ້ອມໆກັນ ຄື: ສ້າງການເຝິກອົບຮົມດ້ານການ ເມືອງ-ແນວຄິດປະຕິວັດບວກກັບຄຸນສົມບັດສິນທຳປະຕິວັດ ແລະ ນ້ຳໃຈຮັກຊາດອັນດູດດື່ມ; ສ້າງໃຫ້ກຳລັງປະກອບອາວຸດທ້ອງຖິ່ນຮູ້ໜ້າທີ່ການເມືອງຂອງຕົນ, ຍ້ອມເສຍສະຫຼະຊີວິດເພື່ອປະເທດຊາດ ແລະ ເພື່ອປະຊາຊົນ ໄປສົມຄູ່ກັບການຍົກສູງວຽກງານອົບຮົມ-ຫັດແອບ ທາງດ້ານສິນລະປະຍຸດ-ຍຸດທະວີທີຂັ້ນພື້ນ ຖານຂອງທະຫານຮາບ ແລະ ເຕັກນິກເຫຼົ່າຮົບວິຊາສະເພາະໃຫ້ມີຄວາມຊຳນິຊຳນານ, ສ້າງກຳລັງທະຫານທ້ອງຖິ່ນໃຫ້ມີຄວາມຮູ້ໃໝ່ທາງດ້ານການທະ ຫານ-ເຕັກນິກວິທະຍາສາດ ເພື່ອເປັນກຳລັງແຮງໃນການຊ່ວຍໜູນ ໃຫ້ຄະນະພັກອົງການປົກຄອງທ້ອງຖິ່ນ. ເພື່ອຮັບປະກັນໃຫ້ວຽກງານ ກໍ່ສ້າງຮາກຖານໄດ້ຮັບການຈັດ ຕັ້ງປະຕິບັດຖືກຕ້ອງ ແລະ ສອດຄອງກັບສະພາບຕົວຈິ່ງໃນປັດຈຸ ບັນ. ຄະນະກະຊວງປ້ອງກັນປະ ເທດ ມອບໃຫ້ກົມກໍ່ສ້າງຮາກ ຖານ ກົມໃຫຍ່ການເມືອງກອງ ທັບເຄື່ອນໄຫວຊີ້ນຳຢ່າງໃກ້ຊິດໂດຍກົມກອງຕັ້ງທັບຢູ່ໃສ່ຕ້ອງຫັນເອົາກຳລັງລົງກໍ່ສ້າງຮາກຖານການເມືອງໃຫ້ສະນິດແໜ້ນ; ໃນນີ້ເວົ້າສະເພາະກອງພັນໃຫຍ່ 501 ກອງພົນທີ 5 ໄດ້ຈັດຕັ້ງແຮກສ່ຽວ ກັບ ຕາແສງ ກຸດຈິກ ເມືອງໂພນທອງ ແຂວງຈຳປາ ສັກ ເພື່ອເປັນການຮັດແໜ້ນຄວາມສາມັກຄີລະຫວ່າງກົມກອງທະຫານ ກັບຮາກຖານປະ ຊາຊົນເຂົ້າຮ່ວມມີ ສະຫາຍ ພັນເອກ ວຽງແກ້ວ ມະຫາໄຊ ກຳມະການຄະນະປະຈຳພັກກອງພົນ, ຫົວໜ້າຫ້ອງການເມືອງ ກອງພົນທີ 5, ສະຫາຍ ພັນໂທ ຂາວພອນ ໄຊຍະຄຳ ກຳມະການຄະນະປະຈຳພັກເມືອງ, ຫົວໜ້າ ກອງບັນຊາການປ້ອງກັນຄວາມ ສະຫງົບເມືອງໂພນທອງ, ສະຫາຍ ພັນເອກ ສົມເພັດ ສິງຫາວົງ ກຳມະການຄະນະພັກ ກອງພົນ, ຫົວໜ້າການເມືອງກອງພັນໃຫຍ່ 501 ກອງພົນທີ 5, ສະຫາຍ ລຳໄມ ຈັນທິລາດ ກຳມະການພັກເມືອງ, ປະທານຄະນະກຳມະການປົກຄອງຕາ ແສງກຸດຈິກ ເມືອງໂພນທອງ, ມີຄະນະພັກ-ຄະນະບັນຊາ ແລະ ອຳນາດການປົກຄອງທ້ອງຖິ່ນເຂົ້າຮ່ວມ. ສະຫາຍ ລຳໄມ ຈັນທິລາດ ໃຫ້ຮູ້ວ່າ: ການຈັດຕັ້ງປະຕິບັດວຽກງານແຮກສ່ຽວ ໄລຍະ 5 ປີຜ່ານມາ ທັງສອງກົມກອງໄດ້ພ້ອມກັນຫັນລົງກໍ່ສ້າງຮາກຖານການເມືອງແບບມູນເຊື້ອ, ໄດ້ເອົາໃຈໃສ່ສຶກສາອົບຮົມ ການເມືອງ-ແນວຄິດໃຫ້ແກ່ພະ ນັກງານ-ນັກຮົບ ແລະ ພໍ່ແມ່ປະຊາຊົນບັນດາເຜົ່າເຮັດໃຫ້ເຂົາ ເຈົ້າໄດ້ຮັບຮູ້ ແລະ ເຊື່ອມຊຶມແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດ, ແຜນພັດທະນາເສດຖະກິດຂອງລັດ, ມູນເຊື້ອຂອງຊາດ, ຂອງພັກ ແລະ ຂອງກອງທັບ ລວມທັງມູນເຊື້ອຄວາມສາມັກຄີຂອງກອງທັບກັບປະຊາຊົນ. ພ້ອມນີ້, ຍັງໄດ້ນຳເອົາເອກະສານຕ່າງໆທີ່ສຳຄັນກ່ຽວກັບວຽກງານປ້ອງ ກັນຊາດ-ປ້ອງກັນຄວາມສະ ຫງົບລົງເຜີຍແຜ່ໃຫ້ອຳນາດການ ປົກຄອງທ້ອງຖິ່ນ ແລະ ພໍ່ແມ່ປະ ຊາຊົນໄດ້ຮັບຮູ້ ແລະ ເຂົ້າໃຈຕໍ່ ແນວທາງ ປກຊ-ປກສ ທົ່ວປວງຊົນຮອບດ້ານສາມາດເກັບກຳ ເປົ້າໝາຍທີ່ເຄື່ອນໄຫວຜິດຕໍ່ລະ ບຽບກົດໝາຍຈຳນວນ 141 ຄົນ, ຄ້າຂາຍ ແລະ ເສບຢາເສບຕິດ 98 ຄົນ, ຍິງ 4 ຄົນ, ລັກຊັບ 6 ຄົນ, ການພະນັນ 9 ຄົນ, ຍິງ 3 ຄົນ, ມົ້ວສຸມສິ່ງມືນເມົາ ແລະ ນໍ້າກະທ້ອມ 6 ຄົນ; ຕິດຕາມການເຄື່ອນໄຫວເປົ້າໝາຍທີ່ອອກຈາກຄຸມຂັງ-ດັດສ້າງ 22 ຄົນ, ໄວໜຸ່ມດັດແປງສະພາບລົດ 5 ຄົນ ແລະ ຂັບຂີ່ຍານພາຫານະລົດຈັກສຽງດັງເກີນກົດໝາຍກຳນົດ. ພ້ອມນີ້, ຍັງໄດ້ເກັບທ້ອນອາວຸດດັດແປງ ແລະ ອາວຸດລ່າ ເນື້ອ ຈຳນວນ 95 ກະບອກ ແລະ ໄດ້ຮຽກເອີ້ນກຸ່ມເປົ້າໝາຍເຂົ້າ ມາສຶກສາອົບຮົມ 141 ຄົນ, ຍິງ 4 ຄົນ. ນອກນັ້ນ, ຍັງໄດ້ສົມທົບກັບກຳລັງປ້ອງກັນຄວາມສະ ຫງົບເມືອງໂພນທອງ ມ້າງຄະດີຢາເສບຕິດ 14 ລາຍ, ກັກຕົວກຸ່ມເປົ້າໝາຍໄດ້ 46 ຄົນ, ຍິງ 4 ຄົນ ແລະ ຢຶດຂອງກາງປະເພດຢາບ້າໄດ້ 8.906 ເມັດ. ວຽກງານເສດຖະກິດແກ້ໄຂ ຊີວິດການເປັນຢູ່ຂອງກຸ່ມບ້ານ ໄດ້ເອົາໃຈໃສ່ເຄື່ອນໄຫວຊຸກຍູ້ບັນດາຄອບຄົວໃນການສ້າງເສດຖະກິດໃຫ້ຖືກຕ້ອງຕາມລະ ບຽບກົດໝາຍ, ປະຕິບັດຕາມ ທິດນຳເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍ ຕົນເອງ ຕາມເງື່ອນໄຂທ່າແຮງຂອງແຕ່ລະຄອບຄົວໂດຍສຸມໃສ່ ການປູກຝັງ-ລ້ຽງສັດ ແລະ ຄ້າ ຂາຍ; ເຊິ່ງຕາແສງກຸດຈິກມີເນື້ອ ທີ່ທຳການຜະລິດ 21.292 ເຮັກ ຕາ, ເກັບພາສີ-ອາກອນໃນ 9 ບ້ານ ລວມ 1.212.531.805 ກີບ ແລະ ລະດົມເກັບເງິນທຶນເພື່ອຊ່ວຍເຫຼືອພໍ່ແມ່ປະຊາຊົນໃນເວລາເກີດໄພພິບັດ ໄດ້ 90.960.000 ກີບ. ວຽກງານ ສາທາລະນະສຸກ ພໍ່ແມ່ປະຊາຊົນ ໄດ້ເຂົ້າຮັບການຮັກສາ ແລະ ປິ່ນປົວຢູ່ໂຮງໝໍ 15 ຕຽງ ກອງ ພັນໃຫຍ່ 501 ແລະ ສຸກສາລາກຸດຈິກ ຈຳນວນ 1.532 ຄົນ, ໃນນັ້ນ ປິ່ນປົວຫາຍດີ 915 ຄົນ ແລະ ໄດ້ນຳສົ່ງໄປຍັງໂຮງໝໍອື່ນ. ພ້ອມນັ້ນຍັງໄດ້ຊີ້ນຳແພດໝໍລົງຕິດຕາມກວດສຸຂະພາບໃຫ້ພໍ່ແມ່ປະຊາຊົນກ່ຽວກັບການຮັກສາ 3 ສະອາດ ເພື່ອຫຼີກລ້ຽງການເຈັບປ່ວຍຈາກພະຍາດຕາມລະດູການ. ໂດຍ: ວັນໄຊ ໄຊສະຫວັດ ຂໍ້ມູນ ໄຊຍະຄານ

news to day and hot news