ວັນສຸກ, ວັນທີ 16 ຕຸລາ 2026
ກອງບັນຊາການທະຫານເມືອງຊະນະຄາມ ແຮກສ່ຽວ ກັບບ້ານນ້ຳພອກ
ເວລາອອກຂ່າວ: 2026-09-09 09:15:23 | ຜູ້ຂຽນ : admin1 | ຈຳນວນຄົນເຂົ້າຊົມ: 209 | ຄວາມນິຍົມ: 
ໃນບໍ່ດົນຜ່ານມານີ້, ກອງບັນຊາການທະຫານເມືອງຊະ ນະຄາມ ແຂວງວຽງຈັນ ໄດ້ຈັດ ພິທີແຮກສ່ຽວກັບອົງການປົກ ຄອງບ້ານນໍ້າພອກ, ໂດຍການເປັນປະທານຂອງ ສະຫາຍ ແກ້ວ ພິມມະວົງ ເລຂາພັກເມືອງຊະນະ ຄາມ, ມີ ສະຫາຍ ພັນໂທ ນິດທຳ ມັນລັນດອນ ຮອງຫົວໜ້າຫ້ອງການເມືອງ ກອງບັນຊາການທະ ຫານແຂວງວຽງຈັນ, ມີຄະນະຮັບຜິດຊອບ ຈາກກອງບັນຊາການທະຫານແຂວງ, ອົງການປົກຄອງບ້ານ, ພະນັກງານ-ນັກ ຮົບ ຕະຫຼອດຮອດພໍ່ແມ່ປະຊາຊົນບ້ານນ້ຳພອກ ເຂົ້າຮ່ວມ.
ສະຫາຍ ກອງໜູນ ມະວົງສາ ນາຍບ້ານ ບ້ານນໍ້າພອກ ໄດ້ລາຍງານປະຫວັດຄວາມເປັນມາ ຂອງບ້ານນ້ຳພອກ, ເຊິ່ງໄດ້ຍົກໃຫ້ເຫັນຕົ້ນກຳເນີດ, ການເຕີບໃຫຍ່ຂະຫຍາຍຕົວໃນແຕ່ລະໄລ ຍະ, ວິຖີຊີວິດຂອງປະຊາຊົນ ແລະ ສະພາບລວມອື່ນໆ ພາຍໃນບ້ານ. ຈາກນັ້ນ, ສະຫາຍ ພັນໂທ ກົງຄຳ ຈວງສອນ ຫົວໜ້າພະແນກການເມືອງ ກອງບັນຊາການທະຫານເມືອງຊະນະຄາມ ໄດ້ລາຍງານປະຫວັດການກຳ ເນີດເຕີບໃຫຍ່ຂະຫຍາຍຕົວ ລວມທັງຜົນງານການເຄື່ອນໄຫວດ້ານຕ່າງໆຂອງກົມກອງ ນັບແຕ່ມື້ສ້າງຕັ້ງຈົນຮອດປັດຈຸບັນ. ໃນພິທີຍັງໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງວຽງຈັນ ແລະ ຂໍ້ຕົກລົງ ຂອງທ່ານເຈົ້າເມືອງ-ເມືອງຊະນະຄາມ ແຂວງວຽງຈັນ ວ່າດ້ວຍການອະນຸມັດໃຫ້ກອງບັນຊາການທະຫານເມືອງຊະນະຄາມ ແຮກສ່ຽວ ກັບອົງການປົກຄອງບ້ານນ້ຳພອກ, ພ້ອມທັງຜ່ານບົດບັນທຶກສັນຍາແຮກສ່ຽວ ເປັນຕົ້ນແມ່ນການຈັດຕັ້ງປະຕິບັດຮ່ວມມື ແຮກສ່ຽວ ໃນການຫວນຄືນມູນ ເຊື້ອຂອງກອງທັບປະຊາຊົນລາວ ແລະ ສືບຕໍ່ລົງກໍ່ສ້າງຮາກຖານການເມືອງ ເພື່ອພັດທະນາຊົນນະ ບົດຮອບດ້ານ, ແນໃສ່ເຮັດໃຫ້ທ້ອງຖິ່ນຂອບເຂດກົມກອງຕັ້ງ ທັບ ມີຄວາມສະຫງົບປອດໄພ, ພ້ອມກັນສະກັດກັ້ນບັນດາປະກົດການຫຍໍ້ທໍ້ຕ່າງໆທີ່ຈະເກີດຂຶ້ນ, ຮັບປະກັນສະຖຽນລະພາບທາງດ້ານການເມືອງ, ສ້າງເງື່ອນໄຂໃຫ້ແກ່ການພັດທະນາເສດຖະ ກິດ-ສັງຄົມ ມີການຂະຫຍາຍຕົວຢ່າງຕໍ່ເນື່ອງ.
ຈາກນັ້ນ, ກໍໄດ້ລົງນາມບົດບັນທຶກສັນຍາແຮກສ່ຽວລະ ຫວ່າງ ກອງບັນຊາການທະຫານເມືອງຊະນະຄາມ ກັບ ອົງການປົກຄອງບ້ານນໍ້າພອກ, ໂດຍມີ ປະທານ-ຄະນະປະທານ, ອຳ ນາດການປົກຄອງເມືອງ, ຄະນະ ພັກ-ຄະນະບັນຊາ, ພາກສ່ວນທີ່ກ່ຽວຂ້ອງ ແລະ ພໍ່ແມ່ປະຊາຊົນພາຍໃນບ້ານເຂົ້າຮ່ວມເປັນສັກ ຂີພິຍານ ພ້ອມທັງໄດ້ຈັດພິທີບາ ສີສູ່ຂວັນຕາມຮີດຂອງປະເພນີ ອັນດີງາມ ອີກດ້ວຍ.
ໂດຍ: ວັນລະຄອນ ອ່ອນແກ້ວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
