ວັນສຸກ, ວັນທີ 16 ຕຸລາ 2026
ກອງບັນຊາການທະຫານແຂວງບໍ່ແກ້ວ ມອບເງິນອຸດໜູນເສຍຊີວິດໃຫ້ແກ່ຄອບຄົວພະນັກງານຜູ້ເສຍຊີວິດ
ເວລາອອກຂ່າວ: 2026-09-10 09:01:40 | ຜູ້ຂຽນ : admin1 | ຈຳນວນຄົນເຂົ້າຊົມ: 179 | ຄວາມນິຍົມ: 
ໃນວັນທີ 2 ກັນຍາ 2026 ນີ້, ກອງບັນຊາການທະຫານແຂວງບໍ່ແກ້ວ ໄດ້ຈັດພິທີ ມອບເງິນອຸດໜູນເສຍຊີວິດເທື່ອດຽວ ໃຫ້ແກ່ຄອບຄົວພະນັກງານບຳນານ. ໂດຍໃຫ້ກຽດເຂົ້າຮ່ວມເປັນປະທານ ແລະ ກ່າວມອບໂດຍ ສະຫາຍ ພັນໂທ ເຄນ ແກ້ວດາລາ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງບໍ່ແກ້ວ, ມີຕາງໜ້າຄະນະພັກ-ຄະນະບັນຊາ, ພະແນກການກ່ຽວຂ້ອງ ແລະ ຍາດພີ່ນ້ອງຂອງຄອບຄົວຜູ້ເສຍຊີວິດເຂົ້າຮ່ວມ.
ໂດຍອີງຕາມກົດໝາຍວ່າດ້ວຍປະກັນສັງຄົມ ແລະ ອີງຕາມຄຳສັ່ງແນະນຳຂອງກະຊວງປ້ອງກັນປະເທດກ່ຽວກັບການຈັດຕັ້ງປະຕິບັດກົດໝາຍປະກັນສັງຄົມໃນກອງທັບປະຊາຊົນລາວ ເພື່ອແນໃສ່ເອົາໃຈໃສ່ເບິ່ງແຍງຊີວິດການເປັນຢູ່ ແລະ ຕອບແທນບຸນຄຸນ ຄຸນງາມຄວາມດີຂອງພະນັກງານທີ່ໄດ້ອຸທິດເຫື່ອແຮງ
ແລະ ສະຕິປັນຍາເຂົ້າໃນພາລະກິດປ້ອງກັນຊາດ-ປ້ອງກັນຄວາມສະຫງົບໃນໄລຍະຜ່ານມາ. ສະຫາຍ ພັນໂທ ເຄນ ແກ້ວດາລາ ໄດ້ຕາງໜ້າມອບເງິນອຸດໜູນດັ່ງກ່າວໃຫ້ແກ່ຄອບຄົວຜູ້ເສຍຊີວິດຈຳນວນ 1 ສະຫາຍ, ລວມເປັນເງິນ
ທັງໝົດ 146.105.000 ກີບ.
ໂດຍ: ນີ່
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
