ວັນຈັນ, ວັນທີ 12 ຕຸລາ 2026
ກອງປະຊຸມພົບປະແລກປ່ຽນບົດຮຽນ ລະຫວ່າງ ກອງບັນຊາການທະຫານຊາຍແດນ ກັບ ຄະນະກຳມະການປົກຄອງເມືອງສີໂຄດຕະບອງ
ເວລາອອກຂ່າວ: 2026-09-11 09:41:55 | ຜູ້ຂຽນ : admin1 | ຈຳນວນຄົນເຂົ້າຊົມ: 198 | ຄວາມນິຍົມ: 
ໃນຕົ້ນເດືອນ ກັນຍາ 2026 ຜ່ານມານີ້, ຢູ່ສຳນັກງານປົກຄອງ
ເມືອງສີໂຄດຕະບອງ ນະຄອນ ຫຼວງວຽງຈັນ ໄດ້ຈັດກອງປະຊຸມ ພົບປະແລກປ່ຽນບົດຮຽນການເກັບກຳສະພາບຮອບດ້ານ ລະຫວ່າງ ກອງບັນຊາການທະຫານຊາຍແດນ ແລະ ຄະນະກຳມະການປົກຄອງເມືອງສີໂຄດຕະບອງ, ຝ່າຍກອງບັນຊາການທະຫານຊາຍແດນ ນຳໂດຍ ສະຫາຍ ພັນໂທ ສົມເພັດ ຈັນທະພິມ ຮອງຫົວໜ້າຫ້ອງການເມືອງ ກອງບັນຊາການທະຫານຊາຍແດນ ພ້ອມດ້ວຍຄະນະ, ຝ່າຍເມືອງສີໂຄດຕະບອງ ນຳໂດຍທ່ານ ບຸນມີ ໄຊຍະວົງ ຮອງເລຂາພັກເມືອງ, ປະທານຄະນະກຳມະການ ອົງ ການປົກຄອງເມືອງສີໂຄດຕະ ບອງ ພ້ອມຄະນະ.
ກອງປະຊຸມໃນຄັ້ງນີ້, ແມ່ນເພື່ອພົບປະ, ສ້າງຄວາມເຂົ້າໃຈ ແລະ ແລກ ປ່ຽນບົດຮຽນໃນວຽກງານ ເກັບກຳສະພາບຮອບດ້ານ ກ່ຽວກັບສະພາບການເມືອງ, ເສດຖະກິດ-ສັງຄົມ, ການປ້ອງກັນຄວາມສະຫງົບ ກໍຄືບັນຫາຕ່າງໆ ທີ່ອາດສົ່ງຜົນກະທົບ ຕໍ່ການດຳລົງຊີວິດ. ຈາກນັ້ນ, ບັນ ດາຄະນະ ທັງສອງຝ່າຍ ໄດ້ພ້ອມກັນລາຍງານ ແລະ ແລກປ່ຽນຂໍ້ມູນສະພາບການທີ່ກ່ຽວຂ້ອງ, ແລກປ່ຽນວິທີການ, ຮູບການ ແລະ ບົດຮຽນຈາກການປະຕິບັດງານຕົວຈິງ. ພ້ອມທັງ, ເນັ້ນໃສ່ການປັບປຸງວິທີການເກັບກຳຂໍ້ມູນ ໃຫ້ມີຄວາມຮອບດ້ານ, ຖືກຕ້ອງ, ທັນການ ແລະ ສາມາດນຳເອົາຂໍ້ມູນໄປວິເຄາະ ເພື່ອປະກອບການວາງແຜນ ແລະ ກຳນົດມາດຕະ ການໃນການແກ້ໄຂບັນຫາໄດ້ຢ່າງເໝາະສົມ.
ພ້ອມນັ້ນ, ທັງສອງຝ່າຍ ຍັງໄດ້ແລກປ່ຽນບົດຮຽນ ກ່ຽວກັບການປະສານງານ, ການແຈ້ງສະພາບການ, ການຕິດຕາມສະພາບໃນພື້ນທີ່ ຕະຫຼອດຮອດການປະສານກັບພາກສ່ວນຕ່າງໆ ເມື່ອພົບເຫັນບັນຫາ ຫຼື ເຫດການທີ່ບໍ່ສະຫງົບ ຕ້ອງຮ່ວມກັນແກ້ໄຂ ພ້ອມທັງຍົກສູງປະສິດທິຜົນວຽກງານເກັບກຳສະພາບ ໃຫ້ສອດຄ່ອງທັນກັບເຫດການຕົວຈິງ.
ໂດຍ: ທູມມີ ໄຊຍະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
