POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 14 ຕຸລາ 2026

ກອງປະຊຸມປຶກສາຫາລື ແລະ ເອກະພາບແຜນການ ເຝິກຊ້ອມກອບກູ້ໄພພິບັດຮ່ວມ 3 ກອງທັບ ປະຈຳປີ 2026
ເວລາອອກຂ່າວ: 2026-10-02 09:55:44 | ຜູ້ຂຽນ : admin2 | ຈຳນວນຄົນເຂົ້າຊົມ: 284 | ຄວາມນິຍົມ:

ວັນທີ 1 ຕຸລາ 2026 ນີ້, ທີ່ ກອງພົນນ້ອຍຊ່າງແສງ 249 ກອງທັບປະຊາຊົນຫວຽດນາມ ໄດ້ຈັດກອງປະຊຸມປຶກສາຫາລື ແລະ ເອກະພາບແຜນການ ເຝິກຊ້ອມກອບກູ້ໄພພິບັດຮ່ວມ 3 ກອງທັບ (ລາວ-ຫວຽດນາມ-ກຳປູເຈຍ), ເຊິ່ງຝ່າຍລາວ ນຳໂດຍ ສະຫາຍ ພັນເອກ ຄຳຜາຍ ອ້ວນວິໄລ ຫົວໜ້າກົມອົບຮົມ ກົມໃຫຍ່ເສນາທິການກອງທັບປະຊາຊົນລາວ; ຝ່າຍຫວຽດນາມ ນຳໂດຍ ສະຫາຍ ພົນຈັດຕະວາ ຟ໋າມ ວັນຕີ ຮອງຫົວໜ້າກົມກອບກູ້ໄພພິບັດ ກອງທັບປະຊາຊົນຫວຽດນາມ ແລະ ຝ່າຍກຳປູເຈຍ ນຳໂດຍ ສະຫາຍ ພັນເອກ ຫຼົງກິມລຽນ ຮອງຫົວໜ້າກົມອົບຮົມ ກອງບັນຊາການທະຫານສູງສຸດ ກອງທັບຣາຊະອານາຈັກກຳປູເຈຍ ພ້ອມດ້ວຍພາກສ່ວນທີ່ກ່ຽວຂ້ອງ ທັງສາມຝ່າຍ ເຂົ້າຮ່ວມ. ໃນກອງປະຊຸມ ໄດ້ຮ່ວມກັນປຶກສາຫາລື ແລະ ເອກະພາບ ກ່ຽວກັບແຜນການເຝິກຊ້ອມ ກອບກູ້ໄພພິບັດ ເປັນຕົ້ນການປະສົມປະສານກຳລັງ ແລະ ການນຳໃຊ້ກຳລັງພົນ-ພາຫະນະ ເພື່ອໃຫ້ສອດຄ່ອງກັບສະພາບຄວາມເປັນຈິງ. ທັງນີ້, ເພື່ອແນໃສ່ເຮັດໃຫ້ບັ້ນເຝິກຊ້ອມກອບກູ້ໄພພິບັດຮ່ວມ 3 ກອງທັບ ບັນລຸຜົນສຳເລັດຕາມແຜນການທີ່ວາງໄວ້, ຮັບປະກັນໄດ້ຄວາມສະຫງົບ ແລະ ຄວາມປອດໄພ 100%, ທັງເປັນການເສີມສ້າງຄວາມສາມັກຄີແໜ້ນແຟ້ນ, ເສີມຂະຫຍາຍສາຍພົວພັນມິດຕະພາບ, ການຮ່ວມມື ແລະ ຄວາມເຂົ້າໃຈກັນ ລະຫວ່າງ 3 ກອງທັບ ລາວ-ຫວຽດນາມ-ກຳປູເຈຍ ໃນການຮັບມືກັບໄພພິບັດທາງທຳມະຊາດ ຢ່າງມີຜົນສຳເລັດ. ຈາກນັ້ນ, ຄະນະທັງ 3 ຝ່າຍ ໄດ້ເຄື່ອນໄຫວກວດກາສະຖານທີ່ຕົວຈິງ ເປັນຕົ້ນແມ່ນ ສະຖານທີ່ຈັດພິທີ ເປີດ-ປິດ, ສະຖານທີ່ກູ້ໄພທາງນ້ຳ, ເຂດຕຶກຖະລົ່ມ, ເຂດເຄມີຮົ່ວໄຫຼ ແລະ ເຂດແພດສະໜາມ ຕື່ມອີກ. ຂ່າວຍັງໃຫ້ຮູ້ຕື່ມອີກວ່າ: ໃນວັນດຽວກັນ ສະຫາຍ ພັນເອກ ຄຳຜາຍ ອ້ວນວິໄລ ໄດ້ໂອລົມ ແລະ ເນັ້ນໜັກໃຫ້ພະນັກງານ-ນັກຮົບ ກອງທັບປະຊາຊົນລາວ ທີ່ເຂົ້າຮ່ວມເຝິກຊ້ອມໃນຄັ້ງນີ້ ເອົາໃຈໃສ່ຍົກສູງຄວາມຮັບຜິຊອບໃນການປະຕິບັດໜ້າທີ່, ເຄົາລົບ, ປະຕິບັດລະບຽບວິໄນ ຂອງກອງທັບຢ່າງເຂັ້ມງວດ, ຮັກສາຄວາມສາມັກຄີພາຍໃນ ແລະ ເພີ່ມພູນຄູນສ້າງຄວາມສາມັກຄີມິດຕະພາບ ກັບກອງທັບ ຫວຽດນາມ-ກຳປູເຈຍ, ຕັ້ງໜ້າຮຽນຮູ້, ແລກປ່ຽນບົດຮຽນດ້ານວິຊາການ ແລະ ທັກສະການກູ້ໄພຕົວຈິງ ເພື່ອໃຫ້ສາມາດນຳໃຊ້ເຂົ້າໃນການປະຕິບັດງານຢ່າງມີປະສິດທິພາບ ເພື່ອເຮັດໃຫ້ການເຂົ້າຮ່ວມເຝິກຊ້ອມໃນຄັ້ງນີ້ ບັນລຸຕາມຄາດໝາຍທີ່ວາງໄວ້. ໂດຍ: ໄກ່ນ໋ອດ ເລັດນະຄອນ (ໂທລະພາບກອງທັບ)

news to day and hot news