ກອງທັບປະຊາຊົນລາວ
 
ວັນສຸກ, ວັນທີ 13 ພະຈິກ 2026

  

ການ​ເຕີບ​ໂຕ​ຂອງ​ເສດຖະກິດ​ຊາດ ລ້ວນ​ແຕ່​ຕິດ​ພັນ​ກັບ​ຄວາມ​ຮັບຜິດຊອບ​ຂອງ​ແຕ່​ລະ​ທ້ອງຖິ່ນ​ຮາກ​ຖານ
ເວລາອອກຂ່າວ: 2026-10-08 14:17:37 | ຜູ້ຂຽນ : admin1 | ຈຳນວນຄົນເຂົ້າຊົມ: 195 | ຄວາມນິຍົມ:



ຕາມ​ແຫຼ່ງ​ຂ່າວ​ຫວຽດນາມ, ເບິ່ງ​ລວມ​ການ​ເຕີບ​ໂຕ​ໃນ 9 ເດືອນ ຜ່ານ​ມາ ໄດ້​ສະແດງ​ໃຫ້​ເຫັນ​ກຳລັງ​ແຮງ​ດ້ານ​ເສດຖະກິດ​ຂອງ​ບັນດາ​ທ້ອງຖິ່ນ​ພວມ​ໄດ້​ຮັບ​ການ​ປັບປຸງ​ຢ່າງ​ເຫັນ​ໄດ້​ຊັດ. ຕາມ​ກົມ​ສະຖິຕິ (ກະຊວງ​ການ​ເງິນ) ແລ້ວ, ໄຕ​ມາດ​ທີ III ປີ 2026, ມີ 27 ໃນ​ຈຳນວນ 34 ແຂວງ, ນະຄອນ ມີ​ລະດັບ​ການ​ເຕີບ​ໂຕ GRDP ສູງ​ກວ່າ​ໄຕ​ມາດ​ກ່ອນ. ສິ່ງ​ທີ່​ໜ້າ​ເອົາໃຈໃສ່​ແມ່ນ​ທ້ອງຖິ່ນ​ຈຳນວນ​ໜຶ່ງ​ໄດ້​ມີ​ການ​ບຸກ​ທະລຸ​ຢ່າງ​ແຂງແຮງ, ຜ່ານ​ນັ້ນ​ໄດ້​ມີ​ການ​ປ່ຽນແປງ​ກ່ຽວ​ກັບ​ການ​ເຕີບ​ໂຕ GRDP ຫຼາຍ​ພໍ​ສົມຄວນ​ເມື່ອ​ໄລ່​ລວມ 9 ເດືອນ ທຽບ​ກັບ​ໝາກຜົນ​ໃນ 6 ເດືອນ​ຕົ້ນ​ປີ. ໝາກຜົນ​ນີ້​ໄດ້​ສະແດງ​ອອກ​ໃຫ້​ເຫັນ​ວ່າ​ເປົ້າ​ໝາຍ​ການ​ເຕີບ​ໂຕ​ສູງ​ໄດ້​ກະທົບ​ໃສ່​ການ​ບໍລິຫານ, ຕິດ​ພັນ​ກັບ​ຄວາມ​ຮັບຜິດຊອບ​ຂອງ​ແຕ່​ລະ​ແຂວງ, ນະຄອນ ແລະ ອຳນາດ​ການ​ປົກຄອງ​ແຕ່​ລະ​ຂັ້ນ​ນັບ​ມື້​ນັບ​ຈະແຈ້ງ​ກວ່າ. ທ່າ​ເຕີບ​ໂຕ​ຈາກ​ບັນດາ​ທ້ອງ ຖິ່ນ: ຈາກ​ອັນ​ດັບ 5 ແຂວງ, ນະຄອນ ທີ່​ມີ​ລະດັບ​ການ​ເຕີບ​ໂຕ GRDP ສູງ​ທີ່​ສຸດ​ໃນ 9 ເດືອນ​ຂອງ​ປີ 2026 ຍັງ​ແມ່ນ​ບັນດາ​ທ້ອງຖິ່ນ​ທີ່ຢູ່​ໃນ​​ທ​ອັບ 10 ແຂວງ, ນະຄອນ​ທີ່​ມີ​ລະດັບ​ການ​ເຕີບ​ໂຕ GRDP ສູງ​ທີ່​ສຸດ​ໃນ 6 ເດືອນ​ຕົ້ນ​ປີ. ຢືນ​ອັນ​ດັບ​ທີ 1 ແມ່ນ​ນະຄອນ​ກວ໋າງ​ນີງ, ດ້ວຍ​ລະດັບ​ການ​ເຕີບ​ໂຕ GRDP ໃນ 9 ເດືອນ ບັນລຸ 12,54%. ສະເພາະ​ໃນ​ໄຕ​ມາດ ​ທີ III, ນະຄອນ​ກວ໋າງ​ນີງ ມີ​ລະດັບ​ການ​ເຕີບ​ໂຕ​ທີ​່ປະ​ທັບ​ໃຈ 15,04%. ທ່າ​ເຕີບ​ໂຕ​ຢ່າງ​ແຂງ ແຮງ​ຂອງ​ນະຄອນ​ກວ໋າງ​ນີງ ແມ່ນ​ມາ​ຈາກ​ຫຼາຍ​ປັດ​ໄຈ ຄື: ການ​ປ່ອຍ​ເງິນ​ລົງທຶນ​ພາກ​ລັດ; ການເຄື່ອນໄຫວ​ຂອງ​ຂະແໜງ ການ​ຜະລິດ​ອຸດສາຫະກຳ ແລະ ຂະແໜງ​ການທ່ອງທ່ຽວ, ພ້ອມ​ກັບ​ການ​ຂະແໜງ​ການທ່ອງທ່ຽວ​ທີ່​ຈະເລີນ​ເຕີບ​ໂຕ​ແລ້ວ, ຍັງ​ມີ​ການ​ພັດທະນາ​ອາຫານ​ການ​ກິນ ແລະ ເຄື່ອງ​ດື່ມ, ບ່ອນ​ພັກ​ອາໄສ, ການ​ບໍ​ລິ​ການທ່ອງທ່ຽວ ແລະ ການ​ຂົນສົ່ງ... ທ່ານ ນາງ ຫງວ​​ຽນ​ຖຸ່ຍ​ອຽນ ຮອງ​ຫົວໜ້າ​ພະ​ແນກ​ວັດທະນະ ທຳ, ກິລາ ແລະ ການທ່ອງທ່ຽວ ນະຄອນ​ກວ໋າງ​ນີງ ໃຫ້​ຮູ້​ວ່າ: “ເປັນ​ເສນາ​ທິ​ການ​ບັນດາ​ມາດ​ຕະການ​ຢ່າງ​ຄົບ​ຊຸດ​ຈາກ​ຂໍ້​ມູນ​ໂຄສະນາ​ສື່ສານ​ຈົນ​ເຖິງ​ການ​ສ້າງ​ບັນ ດາ​ກົນ​ໄກ​ນະໂຍບາຍ​ພັດທະນາ​ບັນດາ​ຜະລິດ​ຕະ​ພັນ​ທ່ອງ​ທ່ຽວ, ພັດທະນາ​ພື້ນຖານ​ໂຄງ​ລ່າງ ແລະ ບັນດາ​ເນື້ອ​ໃນ​ຕ່າງໆ​ເພື່ອ​ສາມາດ​ພັດທະນາ​ການທ່ອງທ່ຽວ​ກວ໋າງ​ນີງ ໃຫ້​ນັບ​ມື້​ນັບ​ທັນ​ສະໄໝ​ຂຶ້ນ​ກວ່າ​ເກົ່າ”. ໃນ​ໄຕ​ມາດ​ດັ່ງກ່າວ, ຢູ່​ນະ ຄອນ​ກວ໋າງ​ນີງ ມີ​ຫຼາຍ​ໂຄງການ​ໄດ້​ຮັບ​ການ​ຜັນ​ຂະຫຍາຍ ດ້ວຍ​ຂະໜາດ​ການ​ລົງທຶນ​ຫຼາຍ. ຫຼາຍ​ໂຄງການ​ກໍ່ສ້າງ​ເປັນຕົ້ນ​ແມ່ນ​ຕຶກ​ອາຄານ​ສູງ, ສູນ​ການ​ຄ້າ ແລະ ໂຄງ​ລ່າງ​ພື້ນຖານ​ຕ່າງໆ ໃນ​ໄລ ຍະ 2025-2026 ໄດ້​ເລີ່ມ​ລົງ ມື​ກໍ່ສ້າງ​ແລ້ວ... ການ​ຜະລິດ​ອຸດສາຫະກຳ​ສືບຕໍ່​ແມ່ນ​ຈຸດ​ພົ້ນ​ເດັ່ນ​ໃນ​ການ​ເຕີບ​ໂຕ​ຂອງ​ນະຄອນ, ດ້ວຍ​ການ​ເປີດ​ກວ້າງ​ທັງ​ດ້ານ​ຂະໜາດ ແລະ ປະລິມານ​ການ​ຜະລິດ. ໄລ່​ລວມ 9 ເດືອນ​ໃນ​ປີ 2026, ຄາດ​ຄະເນ​ວ່າ​ດັດຊະນີ​ ການ​ຜະລິດ​ຂະແໜງ​ອຸດສາຫະ ກຳ​ການ​ປຸງ​ແຕ່ງ, ປະດິດ​ສ້າງ​ຂອງ​ທ້ອງຖິ່ນ​ໄດ້​ເພີ່ມ​ຂຶ້ນ 33,59% ເມື່ອ​ທຽບໃສ່​ໄລຍະ​ດຽວ​ກັນ. ຖັດ​ຈາກ​ນະຄອນ​ກວ໋າງ​ນີງ ແມ່ນ​ແຂວງ​ຮ່າ​ຕິ້ງ, ນະຄອນ​ຫາຍ​ຟ່ອງ, ນະຄອນ​ບັກ​ນີງ ແລະ ແຂວງ​ນີງ​ບີ່ງ. ໃນ 5 ທ້ອງຖິ່ນ​ທີ່​ມີ​ລະດັບ​ການ​ເຕີບ​ໂຕ GRDP ສູງ​ທີ່​ສຸດ​ໃນ 9 ເດືອນ ລ້ວນ​ແຕ່​ສູງ​ກວ່າ 11%. ນີ້​ແມ່ນ​ທ່າ​ເຕີບ​ໂຕ​ຢ່າງ​ແຂງແຮງ​ເມື່ອ​ທຽບໃສ່​ກັບ 6 ເດືອນ​ຕົ້ນ​ປີ. ບ່ອນ​ອີງ​ໃໝ່: ສິ່ງ​ທີ່​ໜ້າ​ສົນໃຈ​ໃນ​ສະພາບ​ການ​ເຕີບ​ໂຕ ແມ່ນ​ແຜນທີ່​ການ​ເຕີບ​ໂຕ​ກຳລັງ​ມີ​ບ່ອນ​ອີງ​ໃໝ່​ຕື່ມ​ອີກ. ກຳລັງ​ຄວາມ​ສາມາດ​ຜະລິດ​ໄດ້​ເພີ່ມ​ຂຶ້ນ, ບັນ ດາ​ໂຄງການ​ຂະໜາດ​ໃຫຍ່​ເລີ່ມ​ເສີມ​ຂະຫຍາຍ​ປະ​ສິດທິ​ຜົນ, ການ​ບໍລິການ​ໄດ້​ຮັບ​ການ​ຟື້ນ​ຟູ, ການ​ລົງທຶນ​ພາກ​ລັດ​ໄດ້​ຍູ້​ໄວ​ຄວາມ​ຄືບ​ໜ້າ, ບາງ​ຂໍ້​ຕິດ​ຂັດ​ທີ່​ແກ່ຍາວ​ກໍ່​ໄດ້​ຮັບ​ການ​ແກ້​ໄຂ​ເທື່ອ​ລະ​ກ້າວ. ຫຼາຍ​ທ້ອງຖິ່ນ​ໄດ້​ພ້ອມ​ກັນ​ສ້າງ​ກຳລັງ​ໜູນ, ພື້ນຖານ​ການ​ເຕີບ​ໂຕ​ລວມ​ຈະ​ມີ​ຄວາມ​ໝັ້ນ​ແກ່ນ​ກວ່າ. ໝາກຜົນ​ນີ້​ຍິ່ງ​ມີ​ຄວາມ​ໝາຍ​ກວ່າ​ເມື່ອ​ຫວຽດນາມ ວາງ​ເປົ້າ​ໝາຍ​ການ​ເຕີບ​ໂຕ GDP ປີ 2026 ນີ້ ຕ້ອງ​ບັນລຸ​ແຕ່ 10% ຂຶ້ນ​ໄປ. ບັນດາ​ສູນ​ເສດຖະກິດ​ໃຫຍ່​ເຖິງ​ວ່າ​ມີ​ຂອບ​ຂະໜາດ​ໃຫຍ່ ແລະ ກຳລັງ​ແຮງ​ດຶງ​ດູດ​ໄປ​ຮອດ​ໃສ​ກໍ່​ຍາກ​ທີ່​ຈະ​ສາມາດ​ແບກ​ຫາບ​ການ​ເຕີບ​ໂຕ​ທີ່​ຈຳເປັນ​ທັງ​ໝົດ​ໄດ້. ຍ້ອນ​ແນວ​ນັ້ນ, ເລື່ອງ​ແຕ່​ລະ​ແຂວງ, ນະຄອນ ປະກອບສ່ວນ​ດ້ວຍ​ຄວາມ​ສາມາດ​ບົ່ມ​ຊ້ອນ, ທ່າ​ໄດ້​ປຽບ ແລະ ແຫຼ່ງ​ກຳລັງ​ທີ່​ມີ​ຢູ່​ແລ້ວ​ນັ້ນ ແມ່ນ​ສິ່ງ​ສຳຄັນ​ຢ່າງ​ແທ້​ຈິງ. ຈຸດ​ໃໝ່​ຂອງ​ປີ​ນີ້​ແມ່ນ​ວິທີ​ການມອບ​ໝາຍ​ໜ້າທີ່ ແລະ ການຈັດ ຕັ້ງ​ປະຕິບັດ. ມະຕິ​ສະບັບ​ເລກ​ທີ 169/NQ-CP ຂອງ​ລັດຖະບານ ກ່ຽວ​ກັບ​ເປົ້າ​ໝາຍ​ການ​ເຕີບ​ໂຕ​ຂອງ​ບັນດາ​ທ້ອງຖິ່ນ​ປີ 2026 ໄດ້​ຫັນ​ເປັນຄວາມ​ຮັບ​ຜິດ ຊອບ​ຂອງ 34 ແຂວງ, ນະຄອນ​ຢ່າງ​ລະອຽດ ໂດຍ​ຜ່ານ​ຊຸດ​ດັດຊະນີ​ດ້ານ​ເສດຖະກິດ-ສັງຄົມ-ສິ່ງ ແວດລ້ອມ ຈຳນວນ 32 ຊຸດ, ເຊິ່ງ​ນຳ​ໃຊ້​ໃຫ້​ທັງ​ປີ 2026 ແລະ ໄລຍະ 2026-2030. ໃນ​ສະພາບ​ການ​ລວມ​ນັ້ນ, ກົດໝາຍ​ວ່າ​ດ້ວຍ​ການ​ພັດທະນາ​ຕົວ​ເມືອງ ມີ​ຜົນ​ສັກສິດ​ນັບ​ແຕ່​ວັນ​ທີ 1 ຕຸລາ ປີ 2026, ໄດ້​ປະກອບສ່ວນ​ສ້າງ​ກອບ​ນິຕິ​ກຳ​ເພື່ອ​ສ້າງ​ແຫຼ່ງ​ກຳລັງ, ສ້າງ​ທ່າ​ບຸກ​ທະລຸ​ໃນ​ການ​ພັດທະນາ. ທີ່​ກອງ​ປະຊຸມ​ຂອງ​ຄະນະ​ປະຈຳ​ສະພາ​ແຫ່ງ​ຊາດ (ເດືອນ​ກໍລະກົດ ປີ 2026), ເມື່ອ​ຕີ​ລາຄາ​ກ່ຽວ​ກັບ​ກົດໝາຍ​ສະບັບ​ນີ້, ທ່ານ ຫງວ​​ຽນ​ຄັກ​ດິ້ງ ຮອງ​ປະທານ​ສະພາ​ແຫ່ງ​ຊາດ ຖື​ວ່າ: “ຮູບ​ແບບ​ຈັດ​ແບ່ງ​ສິດ​ອຳນາດ​ໃນ​ຮ່າງ​ກົດໝາຍ​ຕາມ​ຫຼັກການ​ຈັດ​ແບ່ງ​ສິດ​ອຳ ນາດ​ຢ່າງ​ແຂງແຮງ​ກວ່າ, ເຖິງ​ຖອງ​ກວ່າ​ໃຫ້​ທ້ອງຖິ່ນ​ຕາມ​ຫຼັກ ການ​ທ້ອງຖິ່ນ​ເຮັດ, ທ້ອງຖິ່ນ​ຮັບຜິດຊອບ. ເຖິງ​ຢ່າງໃດ​ກໍ​ຕາມ ຕ້ອງ​ຮັບປະກັນ​ຄວາມ​ເປັນ​ເອກະ​ພາບ​ຂອງ​ພື້ນຖານ​ບໍລິຫານ​ແຫ່ງ​ຊາດ ແລະ ຫຼັກການ​ປະຕິບັດ​ສິດ​ ອຳນາດ​ຂອງ​ລັດ​ທີ່​ລັດ​ຖະ​ທຳ​ມະນູນ​ໄດ້​ຂໍ້​ກຳນົດ. ບັນດາ​ຂໍ້​ກຳ ນົດ​ກ່ຽວ​ກັບ​ກົນ​ໄກ​ນະໂຍບາຍ​ຊຸກຍູ້​ການ​ພັດທະນາ​ຕົວ​ເມືອງ​ພິເສດ ໄດ້​ຮັບ​ການ​ປັບປຸງ​ເພື່ອ ​ຮັບປະກັນ​ໃຫ້​ມີ​ຈຸດ​ພິເສດ​ສະ ເພາະ, ພົ້ນ​ເດັ່ນ​ຢ່າງ​ແທ້​ຈິງ”. ກົດໝາຍ​ວ່າ​ດ້ວຍ​ການ​ພັດທະ ນາ​ຕົວ​ເມືອງ ດ້ວຍ​ການ​ບຸກ​ທະລຸ​ໃຫຍ່​ສຸດ​ແມ່ນ​ການ​ຍູ້​ແຮງ​ການ​ແບ່ງ​ຂັ້ນ, ແບ່ງ​ສິດ​ອຳນາດ​ໃຫ້​ທ້ອງຖິ່ນ​ໃນ​ການ​ກະກຽມ ແລະ ການ​ຜັນ​ຂະຫຍາຍ​ໂຄງການ, ຊ່ວຍ​ຫຼຸດຜ່ອນ​ຄ່າ​ໃຊ້​ຈ່າຍ​ໃຫ້​ວິ​ສາ​ຫະ​ກິດ ແລະ ເພີ່ມ​ກະແສ​ເງິນ​ລົງທຶນ​ໃຫ້​ດີ​ທີ່​ສຸດ. ສະພາບ​ການ​ເຕີບ​ໂຕ​ລວມ​ໃນ 9 ເດືອນ​ປີ 2026 ໄດ້​ສະ ແດງ​ໃຫ້​ເຫັນ​ກຳລັງ​ແຮງ​ດ້ານ​ເສດຖະກິດ​ຂອງ​ບັນດາ​ທ້ອງຖິ່ນ ພວມ​ໄດ້​ຮັບ​ການ​ປັບປຸງ​ຢ່າງ​ເຫັນ​ໄດ້​ຊັດ. ໃນ​ຊຸມ​ເດືອນ​ທ້າຍ​ປີ​ຈະ​ແມ່ນ​ຈຸດ​ເວລາ​ຕັດສິນ, ຮຽກຮ້ອງ​ໃຫ້​ບັນດາ​ທ້ອງຖິ່ນ​ສືບຕໍ່​ເສີມ​ຂະຫຍາຍ​ບັນດາ​ກຳລັງ​ໜູນ​ທີ່​ມີ​ຢູ່​ແລ້ວ, ນຳ​ໃຊ້​ບ່ອນ​ອີງ​ໃໝ່​ເພື່ອ​ຍູ້​ໄວ​ການ​ລົງທຶນ, ເປີດ​ກວ້າງ​ການ​ຜະລິດ ແລະ ກະຕຸກ​ຊຸກຍູ້​ບັນດາ​ຂົງເຂດ​ທີ່​ຍັງ​ມີ​ຄວາມ​ສາມາດ​ບົ່ມ​ຊ້ອນ​ເຕີບ​ໂຕ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ