ໜ່ວຍສະຫະພັນແມ່ຍິງກອງສາງຢາ ແລະ ອຸປະກອນການແພດກອງທັບ ສຳເລັດກອງປະຊຸມໃຫຍ່ ຄັ້ງທີ XIII
ເວລາອອກຂ່າວ: 2026-10-14 09:29:27 | ຜູ້ຂຽນ : admin1 | ຈຳນວນຄົນເຂົ້າຊົມ: 157 | ຄວາມນິຍົມ: ![]()
ກອງປະຊຸມໃຫຍ່ຄັ້ງທີ XIII ຂອງໜ່ວຍສະຫະພັນແມ່ຍິງກອງສາງຢາ ແລະ ອຸປະກອນການແພດກອງທັບ, ໄດ້ຈັດຂຶ້ນ ໃນວັນທີ 9 ຕຸລາ 2026 ນີ້, ໂດຍການເປັນປະທານຂອງ ສະຫາຍ ພັນເອກ ປອ ພົງສະໄໝ ຫຸນນະຈຳປາ ຮອງຫົວໜ້າຫ້ອງການເມືອງກົມໃຫຍ່ພະລາທິການກອງທັບ, ຜູ້ຊີ້ນຳວຽກງານອົງການຈັດຕັ້ງມະຫາຊົນ, ມີສະຫາຍ ພັນໂທ ນາງ ນຸ່ນແກ້ວ ຄຳມຸງຄຸນ ຫົວໜ້າພະແນກສະຫະພັນແມ່ຍິງຫ້ອງການເມືອງກົມໃຫຍ່ພະລາທິການກອງທັບ, ມີ ຄະນະພັກ-ຄະນະບັນຊາ, ອົງການຈັດຕັ້ງຊາວໜຸ່ມ, ຄະນະໜ່ວຍສະຫະພັນແມ່ຍິງ ແລະ ສະມາຊິກສະຫະພັນແມ່ຍິງເຂົ້າຮ່ວມ.
ສະຫາຍ ພັນໂທ ນາງ ວຽງທອງ ສໍພາບມີໄຊ ຫົວໜ້າໜ່ວຍສະຫະພັນແມ່ຍິງກອງສາງຢາ ແລະ ອຸປະກອນການແພດກອງທັບ ຜູ້ເກົ່າ, ໄດ້ສະຫຼຸບຕີລາຄາໝາກຜົນແຫ່ງການຈັດຕັ້ງປະ ຕິບັດມະຕິກອງປະຊຸມໃຫຍ່ຄັ້ງທີ XII ຂອງໜ່ວຍສະຫະພັນແມ່ຍິງ ໃນໄລຍະ 2022-2026 ແລະ ທິດທາງແຜນການປີ 2027-
2031, ເຊິ່ງຄະນະໜ່ວຍສະຫະ ພັນແມ່ຍິງໄດ້ເອົາໃຈໃສ່ຕໍ່ວຽກງານສຶກສາອົບຮົມການເມືອງແນວຄິດໃຫ້ສະມາຊິກສະຫະພັນແມ່ຍິງທຸກສະຫາຍ, ເຊື່ອມຊຶມຕໍ່ແນວທາງນະໂຍບາຍຂອງພັກ-ລັດ, ມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງກອງທັບ, ຂອງສູນກາງສະຫະພັນແມ່ຍິງລາວວາງອອກ ໃນແຕ່ລະໄລຍະ, ຮູ້ຫັນເອົາແນວທາງນະໂຍບາຍຂອງພັກ ມານຳໃຊ້ໃຫ້ແທດເໝາະກັບໜ້າ ທີ່ການເມືອງຂອງຕົນ, ເດັດດ່ຽວຕອບຕ້ານທຸກກົນອຸບາຍຂອງສັດຕູ, ເອື້ອຍນ້ອງທຸກຄົນມີຄວາມເປັນເອກະພາບ ແລະ ເຊື່ອໝັ້ນຕໍ່ການນຳພາຂອງພັກ, ມີຄວາມອຸ່ນອ່ຽນທຸ່ນທ່ຽງ, ບໍ່ຫັ່ວນໄຫວຄອນແຄນ, ສ້າງໄດ້ແນວຄິດການກະທຳທີ່ດີ, ພ້ອມທັງດຳເນີນຊີວິດການເມືອງພາຍໃນຈຸ-ໜ່ວຍເປັນປະຈຳ, ສຳຫຼວດກວດກາຕີລາ ຄາດ້ານດີດ້ານອ່ອນ, ຂໍ້ຄົງຄ້າງ, ຕຳນິສົ່ງຂ່າວຊ່ວຍເຫຼືອເຊິ່ງກັນ ແລະ ກັນ, ເສຍເງິນບຳລຸງສະຕິເປັນປະຈຳບໍ່ໄດ້ຂາດ. ນອກນີ້, ການປະຕິບັດຂໍ້ແຂ່ງຂັນ 3 ດີ, ສາມາດຄັດເລືອກໄດ້ບຸກຄົນ 3 ດີ ປະເພດ I ຈຳນວນ 33 ສະຫາຍ, ປະເພດ II ຈຳນວນ 2 ສະຫາຍ, ວິຊາການດີເດັ່ນ 1 ສະຫາຍ, ໄດ້ຮັບການຍ້ອງຍໍຊົມເຊີຍຜົນ ງານ 5 ປີ, ເນື່ອງໃນໂອກາດການຈັດ ຕັ້ງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ເຂົ້າຮ່ວມວຽກງານສະກັດກັ້ນຕ້ານພະຍາດໂຄວິດ 19, ເຊິ່ງໄດ້ຮັບ ການປະດັບຫຼຽນໄຊພິລະອາດຫານຊັ້ນ II 3 ສະຫາຍ, ຫຼຽນໄຊ ພິລະອາດຫານຊັ້ນ III 6 ສະຫາຍ, ຫຼຽນໄຊແຮງງານຊັ້ນ II 2 ສະ ຫາຍ, ຫຼຽນໄຊແຮງງານຊັ້ນ III 7 ສະຫາຍ, ຫຼຽນກາແຮງງານ
7 ສະຫາຍ, ໃບຍ້ອງຍໍລັດຖະບານ 7 ສະຫາຍ ແລະ ໃບຍ້ອງຍໍກະ
ຊວງປ້ອງກັນປະເທດ 15 ສະ ຫາຍ, ກອງປະຊຸມກໍໄດ້ປະກອບຄຳຄິດຄຳເຫັນໃສ່ເນື້ອໃນບົດລາຍ ງານການເມືອງຢ່າງກົງໄປກົງມາ ພ້ອມທັງເຫັນດີເປັນເອກະພາບຕໍ່ທິດທາງແຜນການໃນຕໍ່ ໜ້າ, ຈາກນັ້ນ, ກໍໄດ້ປ່ອນບັດຄັດເລືອກເອົາຄະນະໜ່ວຍສະຫະພັນແມ່ຍິງຊຸດໃໝ່. ໃນນີ້, ໄດ້ເລືອກເອົາ ພັນໂທ ນາງ ວັນເນົາ ປະເສີດ ເປັນຫົວໜ້າໜ່ວຍສະຫະພັນແມ່ ຍິງ, ພັນໂທ ນາງ ສົມພອນ ໜຳທະພັນ ເປັນຮອງ ແລະ ພັນໂທ ນາງ ພອນວິຈິດ ພັນສຸກ ເປັນກຳ ມະການໜ່ວຍສະຫະພັນແມ່ຍິງກອງສາງຢາ ແລະ ອຸປະກອນການແພດກອງທັບ.
ໂດຍ: ຄຳປະສົງ ລາດຊະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ















