ກອງພົນທີ 3 ປະຕິບັດນະໂຍບາຍມອບເງິນອຸດໜູນເທື່ອດຽວ ແລະ ອຸດໜູນເສຍຊີວິດ
ເວລາອອກຂ່າວ: 2026-10-16 09:13:17 | ຜູ້ຂຽນ : admin1 | ຈຳນວນຄົນເຂົ້າຊົມ: 222 | ຄວາມນິຍົມ: ![]()
ກອງພົນທີ 3 ໄດ້ປະຕິບັດນະໂຍບາຍມອບເງິນອຸດໜູນເທື່ອດຽວ ແລະ ອຸດໜູນເສຍຊີວິດ ໂດຍການເປັນປະທານຂອງສະຫາຍ ພັນໂທ ສົມລິດ ບົວໄຂຄຳ ຮອງຫົວໜ້າຫ້ອງການເມືອງ ກອງພົນທີ 3, ມີຄະນະພັກ-ຄະ ນະບັນຊາ, ພະແນກການທີ່ກ່ຽວ ຂ້ອງ ແລະ ພະນັກງານທີ່ໄດ້ຮັບນະໂຍບາຍເຂົ້າຮ່ວມ.
ສະຫາຍ ພັນໂທ ຄຳພັດ ອິນມາລາ ຫົວໜ້າພະແນກປະກັນສັງຄົມໄດ້ຜ່ານຂໍ້ຕົກລົງຂອງຂັ້ນເທິງ ວ່າດ້ວຍການມອບເງິນອຸດໜູນເທື່ອດຽວ ຈຳນວນ 15 ສະຫາຍ, ເງິນອຸດໜູນໃຫ້ຄອບ ຄົວຜູ້ເສຍຊີວິດ ຈຳນວນ 3 ສະ ຫາຍ ແລະ ເງິນອຸດໜູນເສຍຊີວິດຂອງລູກພະນັກງານຈຳນວນ 3 ສະຫາຍ ລວມເປັນເງິນທັງໝົດ 1.482.120.818 ກີບ.
ໂອກາດນີ້, ສະຫາຍ ພັນໂທ ສົມລິດ ບົວໄຂຄຳ ໄດ້ຮຽກຮ້ອງໃຫ້ບັນດາສະຫາຍທີ່ໄດ້ຮັບນະ ໂຍບາຍໃນຄັ້ງນີ້ຈົ່ງນຳເອົາເງິນຈຳນວນດັ່ງກ່າວໄປໝູນໃຊ້ເຂົ້າ ໃນການສ້າງສາພັດທະນາເສດ ຖະກິດຄອບຄົວຂອງຕົນໃຫ້ມີຄວາມຈະເລີນກ້າວໜ້າດີຂຶ້ນກວ່າເກົ່າ ແລະ ພ້ອມທັງຮຽກຮ້ອງໃຫ້ປະກອບສ່ວນເຂົ້າໃນວຽກງານລວມອົງການປົກຄອງທ້ອງຖິ່ນບ້ານທີ່ຕົນເອງຢູ່ເປັນແບບຢ່າງນຳພາພໍ່ແມ່ປະຊາຊົນເຮັດໜ້າທີ່ປ້ອງກັນຊາດ-ປ້ອງກັນຄວາມສະ ຫງົບ ຮັບປະກັນເຮັດໃຫ້ສະພາບ ພາຍໃນທ້ອງຖິ່ນມີຄວາມສະ ຫງົບ.
ໂດຍ: ຄຳຜຸຍ ສີວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ















