ທ່ານ ພົນຕີ ພູວົງ ວົງພົມ ຕ້ອນຮັບເອກອັກຄະລັດຖະທູດມົງໂກລີ ເຂົ້າພົບປະ
ເວລາອອກຂ່າວ: 2019-11-29 09:33:43 | ຜູ້ຂຽນ : admin3 | ຈຳນວນຄົນເຂົ້າຊົມ: 40 | ຄວາມນິຍົມ:
ວັນທີ 28 ພະຈິກ 2019 ນີ້, ທີ່ກະຊວງປ້ອງກັນ
ປະເທດ, ທ່ານ ພົນຕີ ພູວົງ ວົງພົມ ຮອງລັດຖະມົນ ຕີກະຊວງປ້ອງກັນປະເທດໄດ້ໃຫ້ການຕ້ອນຮັບ
ການເຂົ້າພົບປະຂອງ ທ່ານ ໂລດອຍດາມ ບາກາບາລັກ ເອກອັກຄະລັດຖະທູດ ແຫ່ງມົງໂກລີ ປະຈຳ ສປປ
ລາວ ນຳພາຄະນະຊ່ຽວຊານກະສິກຳ-ລ້ຽງສັດຊ່ວຍ
ໃຫ້ຄວາມຮູ້ໃນການລ້ຽງແກະທີ່ລັດຖະບານມົງໂກລີຊ່ວຍເຫຼືອຈຳ ນວນ 1.050 ໂຕ ໃນປີ 2018.
ໂອກາດດັ່ງກ່າວ, ທ່ານ ພົນຕີ ພູວົງ ວົງພົມ ໄດ້ຕີລາສູງຕໍ່ລັດ
ຖະບານມົງໂກລີ ທີ່ໃຫ້ການຊ່ວຍເຫຼືອໃນດ້ານກະສິກຳ-ລ້ຽງສັດ ແລະ ສົ່ງຊ່ຽວຊານມາປະຈຳຢູ່ ສປປ ລາວ ໃຫ້ຄວາມຮູ້ແກ່ຊ່ຽວ
ຊານກະສິກຳ-ລ້ຽງສັດກອງທັບປະຊາຊົນລາວກໍຄືການລ້ຽງແກະ
ເຊິ່ງເຫັນວ່າໃນໄລຍະ 1 ປີ ຜ່ານມາແມ່ນໄດ້ຮັບປະສິດທິຜົນສູງ,
ການລ້ຽງແກະມີການຂະຫຍາຍຕົວລົງສູ່ກົມກອງ. ພ້ອມດຽວກັນ
ນີ້, ຍັງໄດ້ຂອບໃຈຕໍ່ທ່ານທູດມົງໂກລີ ທີ່ນຳພາຄະນະຊ່ຽວຊານດັ່ງ ກ່າວເຂົ້າພົບປະ ເຊິ່ງເປັນການ
ສ້າງສາຍພົວພັນຮ່ວມມືຊ່ວຍເຫຼືອ ເຊິ່ງກັນ ແລະ ກັນ ດ້ານກະສິກຳ-ລ້ຽງສັດ ກໍຄືດ້ານອື່ນໆໃຫ້ຂະ ຫຍາຍຕົວຂຶ້ນເລື້ອຍໆ.
ໂອກາດນີ້, ທ່ານ ໂລດອຍ
ດາມບາ ກາບາລັກ ກໍໄດ້ສະແດງ ຄວາມຍ້ອງຍໍຊົມເຊີຍຕໍ່ຄະນະ ຊ່ຽວຊານກະສິກຳ-ລ້ຽງສັດມົງ
ໂກລີ ແລະ ຊ່ຽວຊານກອງທັບປະ
ຊາຊົນລາວ ທີ່ໄດ້ເອົາໃຈໃສ່ຮ່ວມ ມືກັນໃນການອະນຸລັກຮັກສາ ແລະ ລ້ຽງສັດມີການແຜ່ຂະຫຍາຍ ເຊິ່ງຢູ່ໃນ ສປປ ລາວ ຍັງມີອີກຫຼາຍ
ແຂວງທີ່ສະພາບອາກາດເໝາະ ແກ່ການລ້ຽງແກະ. ສະນັ້ນລັດຖະ
ບານ ມົງໂກລີ ຍັງຈະສືບຕໍ່ໃຫ້ ການຊ່ວຍເຫຼືອດ້ານກະສິກຳ-ລ້ຽງ
ສັດ ແລະ ດ້ານອື່ນໆອີກໃນຕໍ່ໜ້າ.
ໃນການເຂົ້າພົບປະຄັ້ງນີ້ໄດ້ມີພິທີ
ປະດັບຫຼຽນກາມິດຕະພາບກອງ
ທັບປະຊາຊົນລາວ ໃຫ້ແກ່ທ່ານ
ເອກອັກຄະລັດຖະທູດ ພ້ອມດ້ວຍ ຊ່ຽວຊານ ມົງໂກລີ ຈຳນວນ 4 ທ່ານ ແລະ ມອບຫຼຽນກາລະນຶກ 70 ກອງທັບປະຊາຊົນລາວ ໃຫ້ ພະນັກງານສະຖານທູດ 1 ທ່ານ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ