ວັນສຸກ, ວັນທີ 06 ທັນວາ 2024
ໂຮງຮຽນເຕັກນິກ-ວິຊາຊີບແບບປະສົມແຂວງອຸດົມໄຊ ເປີດອົບຮົມ-ຫັດແອບວິຊາສຶກສາປ້ອງກັນຊາດ
ເວລາອອກຂ່າວ: 2020-02-24 10:35:18 | ຜູ້ຂຽນ : admin3 | ຈຳນວນຄົນເຂົ້າຊົມ: 99 | ຄວາມນິຍົມ: 
ພິທີເປີດຊຸດອົບຮົມ-ຫັດແອບ ວິຊາສຶກສາປ້ອງກັນຊາດ ໃຫ້ແກ່ ນັກສຶກສາໂຮງຮຽນເຕັກນິກ-ວິ ຊາຊີບແບບປະສົມແຂວງອຸດົມໄຊ ໄດ້ຈັດຂຶ້ນໃນວັນທີ 17 ກຸມພາ
2020 ນີ້ ຢູ່ທີ່ເດີ່ນຂອງໂຮງຮຽນ
ດັ່ງກ່າວ, ໂດຍການເປັນ ປະທານ
ຂອງ ທ່ານ ໄກ່ອຳພອນ ພົມມະລີ ຮອງອຳນວນການໂຮງຮຽນ ເຕັກນິກ-ວິຊາຊີບແບບປະສົມ ແຂວງອຸດົມໄຊ, ເປັນກຽດເຂົ້າ ຮ່ວມຂອງ ສະຫາຍ ພັນຕີ ຄຳສຸກ
ມະນີວົງ ຫົວໜ້າພະແນກການ
ທະຫານທ້ອງຖິ່ນທະຫານແຂວງ
ອຸດົມໄຊ, ມີຄູ-ອາຈານ, ຄະນະ
ຮັບຜິດຊອບ ແລະ ນັກສຶກສາ ເຂົ້າຮ່ວມ.
ໃນພິທີ ສະຫາຍ ຮ້ອຍຕີ
ສຸກ ຊົມແສງຈັນ ຊ່ວຍວຽກ ພະແນກການທະຫານທ້ອງ
ຖິ່ນແຂວງອຸດົມໄຊ ໄດ້ຂຶ້ນ ຜ່ານແຜນການອົບຮົມ-ຫັດ ແອບວິຊາສຶກສາປ້ອງກັນຊາດ
ໃຫ້ນັກຮຽນ-ນັກສຶກສາໂຮງ
ຮຽນເຕັກນິກວິຊາຊີບແບບປະ
ສົມແຂວງອຸດົມໄຊ ປະຈຳປີ 2020 ເພື່ອຍົກສູງຄວາມຮູ້, ຄວາມສາມາດວຽກງານສຶກ ສາປ້ອງກັນຊາດໃຫ້ແກ່ນັກຮຽນ-ນັກສຶກສາ, ໃຫ້ຮັບຮູ້ທ່າຈັງຫວະ, ການປະຕິບັດຕົວຈິງທັງທິດສະດີ ແລະ ຫຼັກການ, ເພື່ອນຳໄປໝູນ ໃຊ້ເຂົ້າໃນໜ້າທີ່ວຽກງານໃນສະເພາະໜ້າ ແລະ ຍາວນານ. ເຊິ່ງ
ເນື້ອໃນອົບຮົມລວມມີ 2 ພາກ
ວິຊາຄື: ພາກການເມືອງຮຽນ
ມູນເຊື້ອຂອງກອງທັບປະຊາຊົນ
ລາວ ໃຕ້ຮົ່ມທຸງປະຕິວັດ, ຍຸດທະ ສາດຕ້ານການຫັນປ່ຽນໂດຍສັນຕິຂອງສັດຕູ ແລະ ກຸ່ມຄົນບໍ່ຫວັງດີ, ແນວທາງນະໂຍບາຍຂອງພັກ-ລັດຕໍ່ຊົນເຜົ່າ, ຄວາມສາມັກຄີ ແລະ ສິດສະເໝີພາບບັນດາຊົນເຜົ່າໃນ ສປປ ລາວ. ພາການທະຫານ ຮຽນ
ສິລະປະຍຸດ ແລະ ຍຸດທະວິທີ, ຊຸດອົບຮົມດັ່ງກ່າວຈະດຳເນີນ ໄປເປັນເວລາ 7 ວັນຈຶ່ງຈະສຳ
ເລັດຕາມແຜນການ.
ໃນຕອນທ້າຍ ທ່ານ ໄກ່ອຳພອນ ພົມມະລີ ໄດ້ໃຫ້ກຽດໂອ້ລົມເນັ້ນ
ໜັກໃຫ້ນັກຮຽນ-ນັກສຶກສາເອົາ ໃຈໃສ່ຍົກສູງຄວາມຮັບຜິດຊອບ ຕໍ່ໜ້າທີ່ຂອງຕົນ, ຕັ້ງໜ້າສຶກສາ ຮໍ່າຮຽນ, ກຳແໜ້ນທາງດ້ານທິດ ສະດີ, ຫຼັກການ ແລະ ການປະຕິ
ບັດຕົວຈິງ, ປະຕິບັດຂໍ້ກຳນົດ,
ກົດລະບຽບຂອງການເຝິກອົບ
ຮົມໃຫ້ເຂັ້ມງວດ, ຮັບປະກັນ
ຄວາມປອດໄພໃຫ້ໄດ້ 100%
ພ້ອມກັນຍາດເອົາຄະແນນດີຕາມ ຄາດໝາຍທີ່ວາງໄວ້.
ໂດຍ: ທະນູວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
