POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ທ່ານເຈົ້າແຂວງໄຊຍະບູລີ ລົງຊຸກຍູ້ວຽກງານຕ້ານ ແລະ ສະກັດກັ້ນພະຍາດ COVID-19 ຢູ່ 4 ເມືອງເໜືອ
ເວລາອອກຂ່າວ: 2020-04-17 16:10:16 | ຜູ້ຂຽນ : admin1 | ຈຳນວນຄົນເຂົ້າຊົມ: 668 | ຄວາມນິຍົມ:

ດ້ວຍຄວາມເປັນຫ່ວງເປັນໄຍຂອງການນຳແຂວງ ໄຊຍະບູລີກໍຄືຄະນະສະເພາະກິດຂັ້ນແຂວງ ໃນການເຝົ້າລະວັງເພື່ອປ້ອງກັນ, ຕ້ານ ແລະ ສະກັດກັ້ນ ພະຍາດ COVID-19, ສະນັ້ນໃນລະຫວ່າງວັນທີ 9-12 ເມສາ ນີ້, ທ່ານ ພົງສະຫວັນ ສິດທະວົງ, ເຈົ້າແຂວງ ໄຊຍະບູລີ ພ້ອມດ້ວຍຄະນະສະເພາະກິດຂັ້ນແຂວງ ໄດ້ລົງຊຸກຍູ້ວຽກງານຕ້ານ ແລະ ສະກັດກັ້ນ ພະຍາດ COVID-19 ຢູ່ 4 ເມືອງເໜືອຄື: ເມືອງ ຄອບ, ເມືອງ ຊຽງຮ່ອນ, ເມືອງ ເງິນ ແລະ ເມືອງ ຫົງສາ. ການລົງເຄື່ອນໄຫວຄັ້ງນີ້ ທ່ານເຈົ້າແຂວງແມ່ນໄດ້ຮັບຟັງການລາຍງານສະພາບການຈັດຕັ້ງປະຕິບັດ ແລະ ມາດຕະການໃນການຕ້ານ ແລະ ສະກັດກັ້ນ ພະຍາດ COVID-19 ຂອງແຕ່ລະເມືອງ, ໂດຍລວມແລ້ວການເຝົ້າລະວັງຕ້ານ ແລະ ສະະກັດກັ້ນຂອງພະຍາດໂຄວິດ19 ເຊິ່ງທັງ 4 ເມຶອງແມ່ນໄດ້ການແຕ່ງຕັ້ງອະນຸກຳມະການສະເພາະກິດໃນການຕິດຕາມກວດກາ ກັ່ນກອງຄົນເຂົ້າອອກເມຶອງໂດຍສະເພາະແມ່ນແຮງງານລາວທີ່ມາຈາກປະເທດມີການລະບາດ ໂດຍໄດ້ມີການກຳນົດສະຖານທີ່ກັກໂຕເອງແຍກປ່ຽວ ເປັນເວລາ 14 ວັນ ເພື່ອຕິດຕາມອາການ, ສະເພາະຢູ່ 4 ເມືອງເໜືອຂອງແຂວງ ໄຊຍະບູລີ ມີແຮງງານລາວທີ່ກັບຈາກປະເທດເພື່ອນບ້ານ, ຈາກຕ່າງເມືອງ ແລະ ຕ່າງແຂວງ ພາຍໃນປະເທດ ມີທັງໝົດ ເກືອບ 2.000 ຄົນ, ຍິງ 700 ຄວ່າຄົນ, ຈໍານວນດັ່ງກ່າວແມ່ນໄດ້ເອົາເຂົ້າສູນຢູ່ແຕ່ລະເມືອງໃຫ້ຄົບກໍານົດ 14 ວັນ ແລະ ອອກຈາກສູນແລ້ວມີ 1.000 ກວ່າຄົນ, ສໍາລັບກິດຈະກໍາແຕ່ລະວັນຢູ່ແຕ່ລະສູນແມ່ນໄດ້ລົງຕິດຕາມ, ກວດກາສຸຂະພາບ, ແທກອຸນຫະພູມ, ໃຫ້ຄໍາແນະນໍາສຸຂະສືກສາ, ການກິນຢູ່, ວາງລະບຽບການພົວພັນລະຫວ່າງຜູ້ຖືກແຍກປ່ຽວດ້ວຍກັນ ແລະ ໄດ້ອອກໃບຢັ້ງຢືນທາງການແພດໃຫ້ກັບບຸກຄົນທີ່່ຜ່ານການກັກຕົວແຍກປ່ຽວຄົບກໍານົດ 14 ວັນທີ່ບໍ່ມີອາການຫຍັງທີ່ເຂົ້າເຄື່ອຂ່າຍຂອງພະຍາດ COVID-19,ນອກນີ້ຢູ່ແຕ່ລະເມືອງແມ່ນໄດ້ມີການໂຄສະນາ, ເຜີຍແຜ່ຜົນຮ້າຍຂອງພະຍາດດັ່ງກ່າວຜ່ານວິທະຍຸ, ໂທລະໂຄ່ງຂອງແຕ່ລະບ້ານ, ເພື່ອໃຫ້ຄວາມຮູ້ວິທີການຕ້ານ ແລະ ສະກັດກັ້ນ ພະຍາດ COVID-19D ໂອກາດດັ່ງກ່າວ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ກໍ່ໄດ້ຍ້ອງຍໍຊົມເຊີຍຕໍ່ການນໍາ ແລະ ໜ່ວຍສະເພາະກິດຂອງແຕ່ລະເມືອງທີ່ເຂັ້ມງວດ ແລະ ຈັດຕັ້ງປະຕິບັດຕາມຄໍາສັ່ງ 06 ຂອງນາຍົກລັດຖະມົນຕີຢ່າງມີປະສິດທິຜົນໃນການຕ້ານ ແລະ ສະກັດກັ້ນພະຍາດ COVID-19, ພ້ອມທັງໄດ້ຮຽກຮ້ອງໃຫ້ການນໍາ ແລະ ໜ່ວຍສະເພາະກິດຂອງແຕ່ລະເມືອງຈົ່ງສືບຕໍ່ເຝົ້າລະວັງ, ຄຸ້ມຄອງແຮງງານທີ່ກັບຈາກຕ່າງປະເທດໃຫ້ກັກຕົວແຍກປ່ຽວຕາມທີ່ຂັ້ນເທິງໄດ້ກໍານົດ, ເພີ່ມທະວີປ້ອງກັນ ແລະ ສະກັດກັ້ນຕໍ່ພະຍາດ COVID-19 ໃຫ້ດີ, ປະຕິບັດຕາມຄໍາສັ່ງ 06 ໃຫ້ເຂັ້ມງວດ, ສືບຕໍ່ສຸຂະສືກສາ, ເຜີຍແຜ່ຂໍ້ມູນຂ່າວສານກ່ຽວກັບຜົນຮ້າຍ ແລະ ວິທີປ້ອງກັນ, ກະກຽມສະຖານທີກັກກັນແຮງງານທີ່ກັບຈາກຕ່າງປະເທດ ແລະ ພາຍໃນປະເທດໃຫ້ພຽງພໍ, ພ້ອມດຽວກັນຕ້ອງໄດ້ລົງຊຸກຍູ້ປະຊາຊົນບັນດາເຜົ່າໃຫ້ສືບຕໍ່ທໍາການຜະລິດ ດ້ວຍການປູກພືດສະບຽງອາຫານ, ລ້ຽງສັດ, ເອົາໃຈໃສ່ເກັບກູ້ຜົນຜະລິດລະດູແລ້ງ ແລະ ກະກຽມແກ່ການຜະລິດເຂົ້ານາປີ, ທັງນີ້ກໍ່ເພື່ອຮັບປະກັນດ້ານສະບຽງອາຫານ, ເມື່ອພົ້ນວິກິດຄັ້ງນີ້ແລ້ວແມ່ນສາມາດກຸ້ມຕົນເອງໄດ້, ສືບຕໍ່ຕ້ານ ແລະ ສະກັດກັ້ນບັນຫາໄຟປ່າ ແລະ ວາງແຜນປູກໄມ້ໃຫ້ເປັນປ່າໃນຂອບເຂດຕົ້ນນໍ້າ, ຈາກນັ້ນ; ທ່ານເຈົ້າແຂວງກໍ່ໄດ້ລົງຢ້ຽມຢາມ ແລະ ໃຫ້ກໍາລັງໃຈປະຊາຊົນທີ່ເຂົ້າສູນກັກຕົວເອງ 14 ວັນຢູ່ບັນດາສູນຂອງແຕ່ລະເມືອງ ແລະ ຢ້ຽມຢາມສະຖານທີ່ຜະລິດລະດູແລ້ງຂອງປະຊາຊົນຕື່ມອີກ. ຂ່າວ-ພາບໂດຍ: ອຸ່ນເຮືອນ ໂພທິລັກ

news to day and hot news