POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ພຶດສະພາ 2025

ທ່ານເຈົ້າແຂວງ ໄຊຍະບູລີ ລົງຕິດຕາມ ແລະ ຊຸກຍູ້ການຕ້ານ ແລະ ສະກັດກັ້ນ ພະຍາດ COVID-19 ຢູ່ ບ້ານໃຫຍ່ພັດທະນາ ບວມເລົາຜາແກ້ວ
ເວລາອອກຂ່າວ: 2020-04-29 16:42:45 | ຜູ້ຂຽນ : admin1 | ຈຳນວນຄົນເຂົ້າຊົມ: 233 | ຄວາມນິຍົມ:

ໃນວັນທີ 28 ເມສາ 2020 ນີ້, ທ່ານ ພົງສະຫວັນ ສິດທະວົງ, ເຈົ້າແຂວງ ໆໄຊຍະບູລີ ພ້ອມດ້ວຍຄະນະສະເພາະກິດຂັ້ນແຂວງ ໄດ້ລົງຕິດຕາມ ແລະ ຊຸກຍູ້ວຽກງານຕ້ານ ແລະ ສະກັດກັ້ນ ພະຍາດ COVID-19 ຢູ່ບ້ານ ໃຫຍ່ພັດທະນາ ບວມເລົາຜາແກ້ວ, ເມືອງ ປາກລາຍ, ແຂວງ ໄຊຍະບູລີ. ການລົງເຄື່ອນໄຫວຄັ້ງນີ້ ທ່ານເຈົ້າແຂວງແມ່ນໄດ້ຮັບຟັງການລາຍງານສະພາບການຈັດຕັ້ງປະຕິບັດ ແລະ ມາດຕະການໃນການຕ້ານ ແລະ ສະກັດກັ້ນ ພະຍາດ COVID-19 ຂອງບ້ານດັ່ງກ່າວ, ໂດຍໄດ້ການແຕ່ງຕັ້ງອະນຸກຳມະການສະເພາະກິດໃນການຕິດຕາມກວດກາ ກັ່ນກອງຄົນເຂົ້າອອກບ້ານໂດຍສະເພາະແມ່ນແຮງງານພາຍໃນບ້ານທີ່ກັບມາຈາກການໄປອອກແຮງງານຢູ່ປະເທດໄທ, ໄດ້ມີການກຳນົດສະຖານທີ່ກັກໂຕເອງແຍກປ່ຽວ ເປັນເວລາ 14 ວັນ ເພື່ອຕິດຕາມອາການ, ໂດຍໄດ້ກໍານົດສູນກັກກັນ 1 ສູນ, ກວມເອົາ 5 ບ້ານ, ມີ 2 ຈຸດກວດກາ ເພື່ອກວດກາຄົນເຂົ້າອອກບ້ານ, ມີຜູ້ເຂົ້າສູນທັງໝົດ 95 ຄົນ, ຍິງ 48 ຄົນ ໄດ້ລົງທະບຽນເກັບກໍາປະຫວັດ ບັນທຶກຂໍ້ມູນຜູ້ເຂົ້າສູນລະອຽດ, ມີການປ້ອງກັນເວນຍາມ ແລະ ສ້າງລະບຽບພາຍໃນສູນ, ຄະນະແພດລົງກວດກາຕິດຕາມອຸນຫະພູມ 2 ຄັ້ງຕໍ່ມື ເຊົ້າ ແລະ ແລງ ພາຍໃນສູນໄດ້ມີການພົ່ນຢາຂ້າເຊື້ອເພື່ອອະນາໄມສະຖານທີ່ເປັນແຕ່ລະໄລຍະ ມາຮອດປັດຈຸບັນຈຳນວນຜູ້ຖືກກັກກັນຢູ່ສູນແມ່ນໄດ້ຄົບກໍານົດ 14 ວັນ ແລະ ໄດ້ເຮັດໃບຢັ້ງຢືນອອກຈາກສູນ, ນອກນີ້ ຄະນະສະເພາະກິດຂັ້ນບ້ານຍັງໄດ້ມີການປິດການເຂົ້າ-ອອກຂອງບຸກຄົນຊົ່ວຄາວລະຫວ່າງເມືອງ ຫາ ບ້ານ, ບ້ານຫາບ້ານ ໂດຍມີການຕັ້ງຈຸດກວດກາ ພ້ອມທັງໄດ້ມີການເພີ່ມທະວີຢ່າງເຂັ້ມງວດໃນການຄຸ້ມຄອງ ການກັກຕົວຢູ່ເຮືອນບ່ອນພັກອາໄສຂອງປະຊາຊົນ ໂດຍບໍ່ໃຫ້ອອກຈາກບ້ານຖ້າບໍ່ຈໍາເປັນ, ໄດ້ອອກກວດກາຕາມເສັ້ນທາງ ແລະ ສະຖານທີ່ຕ່າງໆຕະຫຼອດຮອດເຮືອນຊານບ້ານຊ່ອງ ເຄຫະສະຖານຂອງປະຊາຊົນບໍ່ໃຫ້ມີການຊຸມແຊວ ສັນຈອນໄປມາ ໂດຍບໍ່ໄດ້ຮັບອານຸຍາດ, ຍົກເວັ້ນເຈົ້າໜ້າທີ່ຄະນະສະເພາະກິດ, ພາຄົນເຈັບໄປໂຮງໝໍ, ໄປປະຕິບັດໜ້າທີ່ຕາມການມອບໝາຍຂອງການຈັດຕັ້ງ, ໄປຊື້ເຄື່ອງອຸປະໂພກ-ບໍລິໂພກ, ໄປອອກແຮງງານທໍາການຜະລິດ, ໄປໄຮ່, ໄປສວນ,ໄປນາ ໄປຊອກຢູ່ຫາກິນແບບຄອບຄົວທີ່ບໍ່ເກີນ 10 ຄົນແມ່ນສາມາດໄປໄດ້ຕາມປົກກະຕິ, ແຕ່ໃຫ້ມີການປ້ອງກັນໃສ່ຜ້າປິດປາກ-ປິດດັງ, ຈາກນັ້ນ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ກໍ່ໄດ້ຊີ້ນໍາໃຫ້ການນໍາຂອງເມືອງ ປາກລາຍ, ເວົ້າລວມ, ເວົ້າສະເພາະແມ່ນ ຄະນະບ້ານ ໃຫຍ່ພັດທະນາ ບວມເລົາຜາແກ້ວ ຈົ່ງສືບຕໍ່ເອົາໃຈໃສ່ເຝົ້າລະວັງຕໍ່ກັບພະຍາດດັ່ງກ່າວໃຫ້ເປັນປົກກະຕິ, ໂດຍສະເພາະເມື່ອລັດຖະບານລາວປະກາດປົດລ໊ອກແລ້ວ ແມ່ນຈະມີແຮງງານລາວທີ່ຕົກຄ້າງຢູ່ປະເທດໄທນັ້ນກັບຄືນພູມລໍາເນົາຢ່າງຫຼວງຫຼາຍ, ຕໍ່ກັບສະພາບດັ່ງກ່າວ ບ້ານຕ້ອງໄດ້ກຽມພ້ອມຮັບມືກັບກຸ່ມຄົນດັ່ງກ່າວ, ເປັນຕົ້ນຕ້ອງໄດ້ກະກຽມສະຖານທີ່ກັກກັນແຍກປ່ຽວພວກກ່ຽວເປັນເວລາ 14 ວັນ, ພ້ອມດຽວກັນກໍ່ຕ້ອງຊຸກຍູ່ປະຊາຊົນພາຍໃນບ້ານໃຫ້ສືບຕໍ່ທໍາການຜະລິດ, ໂດຍສະເພາະແມ່ນເລັ່ງເກັບກູ້ຜົນຜະລິດລະດູແລ້ງ ແລະ ຫ້າງຫາກະກຽມສູ່ການຜະລິດລະດູປີໃຫ້ທ່ວງທັນກັບລະດູການ ເປັນຕົ້ນແມ່ນປູກພືດສະບຽງອາຫານ ແລະ ພືດເປັນສິນຄ້າໃຫ້ຫຼາຍ, ພາຍຫຼັງພົ້ນວິກິດການລະບາດຂອງພະຍາດແລ້ວ ແຕ່ລະຄວບຄົວແມ່ນສາມາດກຸ້ມຕົນເອງໄດ້. ຂ່າວ-ພາບໂດຍ: ອຸ່ນເຮືອນ ໂພທິລັກ

news to day and hot news