ວັນສຸກ, ວັນທີ 06 ທັນວາ 2024
ປະດັບຫຼຽນກາມິດຕະພາບກອງທັບປະຊາຊົນລາວ ໃຫ້ຄະນະວິຊາການໂທລະພາບກອງທັບປົດປ່ອຍປະຊາຊົນຈີນ
ເວລາອອກຂ່າວ: 2020-05-25 09:54:00 | ຜູ້ຂຽນ : admin3 | ຈຳນວນຄົນເຂົ້າຊົມ: 110 | ຄວາມນິຍົມ: 
ໃນວັນທີ 21 ພຶດສະພາ 2020 ນີ້, ກອງວິທະຍຸ-ໂທລະ ພາບກອງທັບໄດ້ຈັດພິທີປະດັບ ຫຼຽນກາມິດຕະພາບກອງທັບ ປະຊາຊົນລາວໃຫ້ແກ່ຄະນະວິ ຊາການວຽກງານໂທລະພາບ ກອງທັບປົດປ່ອຍປະຊາຊົນຈີນ ໂດຍການເຂົ້າຮ່ວມຂອງສະຫາຍ ພົນຕີ ສອນທອງ ພົມລາວົງ ຮອງຫົວໜ້າກົມໃຫຍ່ການເມືອງ ກອງທັບ ແລະ ສະຫາຍ ພັນເອກພິເສດ ເຊິນຢົງຈິງ ທີ່ປຶກສາ ທູດປ້ອງກັນຊາດ ແຫ່ງສາທາ ລະນະລັດປະຊາຊົນຈີນ ປະຈໍາ ສາທາລະນະລັດ ປະຊາຕິປະ ໄຕ ປະຊາຊົນລາວ ມີບັນດາ ຕາງໜ້າກົມ, ຫ້ອງການ, ກອງ ພ້ອມດ້ວຍຄະນະພັກ-ຄະນະບັນ ຊາ, ວິຊາການກອງວິທະຍຸ-ໂທ ລະພາບເຂົ້າຮ່ວມ.
ໃນພິທີ ສະຫາຍ ພັນເອກ ວັນນະວົງ ນັນທະວົງ ຮອງ ຫົວໜ້າກົມນະໂຍບາຍກົມໃຫຍ່ ການເມືອງກອງທັບ ໄດ້ຜ່ານຂໍ້ ຕົກລົງຂອງກະຊວງປ້ອງກັນ ປະເທດວ່າດ້ວຍການມອບ ຫຼຽນກາມິດຕະພາບກອງທັບ ປະຊາຊົນລາວໃຫ້ຄະນະວິຊາ ການ ສປ ຈີນ ທີ່ມີຜົນງານດີ ເດັ່ນໃນການປະກອບສ່ວນຢ່າງ ຕັ້ງໜ້າເຂົ້າໃນການຊ່ວຍເຫຼືອ ກອງວິທະຍຸ-ໂທລະພາບກອງ ທັບປະຊາຊົນລາວ ໃນການ ຂຶ້ນຫ້ອງແລກປ່ຽນບົດຮຽນ ກ່ຽວກັບເຕັກນິກ, ການຕັດຕໍ່, ຖ່າຍທໍາ, ຄອບຄຸມຫ້ອງອັດ, ຫ້ອງສົ່ງ, ລົດຖ່າຍຖອດສົດ ແລະ ຜະລິດລາຍການໃຫ້ແກ່ພະນັກ ງານວິຊາການສະຖານີໂທລະ ພາບກອງທັບປະຊາຊົນລາວ ດ້ວຍຄວາມຮັບຜິດຊອບສູງ ແລະ ມີຜົນສຳເລັດຕາມແຜນການ. ດັ່ງນັ້ນກະຊວງປ້ອງກັນປະເທດ ຈຶ່ງໄດ້ຕົກລົງປະດັບຫຼຽນກາມິດ ຕະພາບກອງທັບປະຊາຊົນລາວ ໃຫ້ແກ່ຄະນະວິຊາການ ສປ ຈີນ ຈໍານວນ 4 ສະຫາຍ ໂດຍມີ ສະ ຫາຍ ພັນເອກ ພິເສດ ເມົາຊາຍ ຫວ່າງ, ສະຫາຍ ພັນໂທ ຊືເຊ ຕົງ, ສະຫາຍ ຟ່າງເຊິງ ແລະ ສະຫາຍ ຢາງ ວ່າງຢວນ ເປັນ ກຽດຂຶ້ນມອບຫຼຽນໂດຍ ສະ ຫາຍ ພົນຕີ ສອນທອງ ພົມລາ ວົງ ຮອງຫົວໜ້າກົມໃຫຍ່ການ ເມືອງກອງທັບ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
