ວັນສຸກ, ວັນທີ 06 ທັນວາ 2024
ກົມ ວສ-ປສ ການທະຫານສະຫຼຸບຖອດຖອນບົດຮຽນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ
ເວລາອອກຂ່າວ: 2020-05-26 10:03:00 | ຜູ້ຂຽນ : admin3 | ຈຳນວນຄົນເຂົ້າຊົມ: 116 | ຄວາມນິຍົມ: 
ວັນທີ 22 ພຶດສະພາ 2020 ນີ້, ກົມວິທະຍາສາດ-ປະຫວັດ ສາດການທະຫານ (ວສ-ປສ) ໄດ້ສະຫຼຸບຖອດຖອນບົດຮຽນ ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໂດຍການ ເປັນປະທານຂອງ ສະຫາຍ ພົນ ຈັດຕະວາ ວຽງໄຊ ສົມວິຈິດ ຫົວ ໜ້າກົມ ວສ-ປສ ການທະຫານ, ມີຄະນະພັກ-ຄະນະບັນຊາ, ຄະ ນະໜ່ວຍພັກ, ພະນັກງານ, ສະມາ ຊິກພັກເຂົ້າຮ່ວມ.
ສະຫາຍ ພັນໂທ ສຸລິຍົງ ໄຊຍະ ວົງ ຮັກສາການຫົວໜ້າພະແນກ ການເມືອງຂຶ້ນຜ່ານບົດສະຫຼຸບ ຖອດຖອນບົດຮຽນການສ້າງ ໜ່ວຍພັກປອດໃສ ເຂັ້ມແຂງ ໜັກ ແໜ້ນ, ອີງຕາມຄຳສັ່ງແນະນຳ ຂອງຄະນະປະຈຳພັກກະຊວງ ປ້ອງກັນປະເທດ ວ່າດ້ວຍ ການ ຊຸກຍູ້ຂະບວນການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະ ຈຳປີ 2019 ແລະ ການຮັບຮອງ ໜ່ວຍພັກປອດໃສ ເຂັ້ມແຂງ ໜັກ ແໜ້ນ ບັນດາໜ່ວຍພັກທີ່ຂຶ້ນກັບ ຄະນະພັກຮາກຖານ ກົມ ວສ-ປສ ການທະຫານ ປະຈຳປີ 2020, ຄະນະພັກຮາກຖານກົມ ວສ-ປສ ການທະຫານ ໄດ້ສະຫຼຸບຕີລາຄາ ການສ້າງກອງປອດໃສ ເຂັ້ມແຂງ ໜັກແໜ້ນ ໃນໄລຍະຜ່ານມາເຊິ່ງ ສາມາດຕີລາຄາໃນແຕ່ລະດ້ານ ຄືດັ່ງນີ້: ຄະນະພັກຮາກຖານກົມ ວສ-ປສ ການທະຫານ ແມ່ນຄະ ນະພັກຮາກຖານໜຶ່ງຢູ່ໃຕ້ການຊີ້ ນຳ-ນຳພາໂດຍກົງຮອບດ້ານຂອງ ຄະນະພັກກະຊວງປ້ອງກັນປະ ເທດມີໜ້າທີ່ຊີ້ນຳ-ນຳພາກົມ ວສ-ປສ ການທະຫານ ປະຕິບັດໜ້າທີ່ ການເມືອງ ແລະ ວຽກງານວິຊາ ສະເພາະໃຫ້ສຳເລັດຜົນເປັນເສ ນາທິການໃຫ້ຄະນະພັກກະຊວງ ປ້ອງກັນປະເທດກ່ຽວກັບວຽກ ງານວິທະຍາສາດ-ປະຫວັດສາດ ການທະຫານໃນທົ່ວກອງທັບ, ດ້ານການເມືອງແນວຄິດ, ໃນປີ ຜ່ານມາ, ພະນັກງານ-ສະມາ ຊິກພັກຢູ່ໃນກົມກອງທຸກສະຫາຍ ແມ່ນໄດ້ຮັບການສຶກສາອົບຮົມ
ການເມືອງນຳພາແນວຄິດຢ່າງ ທົ່ວເຖິງ ເປັນຕົ້ນແມ່ນ ໄດ້ຄົ້ນຄວ້າ ຮໍ່າຮຽນມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະ ຊຸມໃຫຍ່ ຄັ້ງທີ IV ຂອງຄະນະ ພັກກະຊວງປ້ອງກັນປະເທດ, ຮັບ ຟັງປາຖະກະຖາເລົ່າມູນເຊື້ອວັນ ສຳຄັນຂອງຊາດ, ຂອງພັກ, ຂອງ ກອງທັບ ແລະ ວັນສາກົນຕ່າງໆ, ເຮັດສຳເລັດໜ້າທີ່ການເມືອງທີ່ ການຈັດຕັ້ງ ແລະ ຂັ້ນເທິງມອບ ໝາຍໃຫ້ເປັນຢ່າງດີ, ດ້ານວຽກ ງານວິຊາສະເພາະຜ່ານມາຄະນະ ພັກ-ຄະນະບັນຊາໄດ້ເອົາໃຈໃສ່ ຊີ້ນຳແຕ່ລະໜ່ວຍພັກຢູ່ພາຍໃນ ກົມ, ເຄື່ອນໄຫວນຳພາພະນັກ ງານ, ສະມາຊິກພັກ-ນັກຮົບຂອງ ຕົນປະຕິບັດໜ້າທີ່ວິຊາສະເພາະ ໃຫ້ມີຜົນສຳເລັດ, ຊີ້ນຳປັບປຸງ ກົງຈັກການຈັດຕັ້ງໃຫ້ມີຄວາມ ໜັກແໜ້ນເຂັ້ມແຂງ, ກະຕຸກ ຊຸກຍູ້ບັນດາພະແນກການເຄື່ອນ
ໄຫວຕາມພາລະບົດບາດ, ໜ້າທີ່
ຂອງຕົນ ແລະ ຄົ້ນຄວ້າປັບປຸງ ໂຄງປະກອບການຈັດຕັ້ງບັນ ດາພະແນກການໃຫ້ແທດເໝາະ ກັບໜ້າທີ່ການເມືອງໃນແຕ່ ລະໄລຍະ, ຊີ້ນຳຊຸກຍູ້ ແລະ ອຳ ນວຍຄວາມສະດວກໃຫ້ອົງການ ຈັດຕັ້ງມະຫາຊົນຊາວໜຸ່ມ-ແມ່ ຍິງໄດ້ເຄື່ອນໄຫວຕາມພາລະບົດ ບາດ, ການນຳພາວຽກງານປ້ອງ ກັນຊາດ-ປ້ອງກັນຄວາມສະ ຫງົບ, ໄດ້ເອົາໃຈໃສ່ສຶກສາອົບ ຮົມໃຫ້ພະນັກງານສະມາຊິກພັກ- ນັກຮົບທຸກສະຫາຍມີຄວາມຮັບ ຮູ້ຢ່າງເລິກເຊິ່ງຕໍ່ກົນອຸບາຍຂອງ ອິດທິກຳລັງປໍລະປັກຮູ້ຈຳແນກ ມິດ-ສັດຕູຢ່າງຈະແຈ້ງ, ຍົກສູງ ສະຕິຕໍ່ການຈັດຕັ້ງປະຕິບັດບັນ ດາຂໍ້ກຳນົດກົດລະບຽບຂອງພັກ, ກົດໝາຍຂອງລັດ, ຂອງກອງທັບ, ວຽກງານກໍ່ສ້າງພັກ-ພະນັກງານ ຢ່າງເຂັ້ມງວດ. ຜ່ານການຕີລາ ຄາກວດກາແບ່ງປະເພດຄຸນນະ ພາບໃນປີຜ່ານມາມີສະມາຊິກ ພັກແຂງຮອບດ້ານ 60 ສະຫາຍ, ສະມາຊິກພັກແຂງ 80 ສະຫາຍ, ກາງ 12 ສະຫາຍ.
ໃນຕອນທ້າຍພິທີ ປະທານ ກອງປະຊຸມຍັງໄດ້ມີຄຳເຫັນໂອ້ ລົມ ແລະ ກ່າວຍ້ອງຍໍຊົມເຊີຍ ຄະນະພັກ-ຄະນະບັນຊາ ແລະ ໜ່ວຍພັກ ຕະຫຼອດພະນັກງານ ສະມາຊິກພັກທີ່ປະຕິບັດຄຳສັ່ງ ຂອງຂັ້ນເທິງຢ່າງເຂັ້ມງວດໂດຍ ຖືເອົາ 5 ຫຼັກການ 3 ທິດນຳ ຂອງ ພັກເປັນໄມ້ຫຼາວັດແທກຄຸນທາດ ການເມືອງ, ພ້ອມນັ້ນຍັງເນັ້ນໃຫ້ ສືບຕໍ່ຮັກສາມູນເຊື້ອຜົນງານ ທີ່ຍາດມາໄດ້ໃຫ້ດີຂຶ້ນໄປຄວບ
ຄູ່ກັບການສ້າງໜ່ວຍພັກກອງ ປອດໃສ ເຂັ້ມແຂງ ໜັກແໜ້ນ ໃຫ້ເພີ່ມຂຶ້ນທັງດ້ານຈຳນວນ ແລະ ຄຸນນະພາບ.
ໂດຍ: ວົງວິໄລ ບຸນລືໄຕ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
