ວັນເສົາ, ວັນທີ 07 ທັນວາ 2024
ມອບ-ຮັບໂຄງການກໍ່ສ້າງນ້ຳລິນ ພູຈອມກຸບ ໃຫ້ກອງບັນຊາການທະຫານແຂວງຫົວພັນ
ເວລາອອກຂ່າວ: 2020-05-27 15:05:51 | ຜູ້ຂຽນ : admin3 | ຈຳນວນຄົນເຂົ້າຊົມ: 120 | ຄວາມນິຍົມ: 
ຕອນເຊົ້າວັນທີ 26 ພຶດສະ ພາ 2020 ນີ້, ບໍລິສັດ ຮຸ່ງຕະພິມ ກໍ່ສ້າງເຄຫາສະຖານຈຳກັດຜູ້ ດຽວໄດ້ຈັດພິທີ ມອບ-ຮັບ ແລະ ເປີດນຳໃຊ້ໂຄງການກໍ່ສ້າງລະ ບົບນໍ້າລິນ ພູຈອມກຸບ ໃຫ້ກອງ ບັນຊາການທະຫານແຂວງຫົວ ພັນ ໂດຍການເຂົ້າຮ່ວມຂອງ ສະ ຫາຍ ພົນຈັດຕະວາ ສຸລິນພອນ
ຄຳພະຈັນ ກຳມະການຄະນະປະ ຈຳພັກ ແຂວງຫົວໜ້າການເມືອງ
ກອງບັນຊາການທະຫານແຂວງ
ຫົວພັນ, ມີແຂກຖືກເຊີນ ແລະ
ພາກສ່ວນທີ່ກ່ຽວຂ້ອງເຂົ້າຮ່ວມ ນຳ.
ສະຫາຍ ມົນທອງ ຮຸ່ງຕະພິມ ຜູ້ອຳນວຍການບໍລິສັດຮຸ່ງຕະພິມ ກໍ່ສ້າງເຄຫາສະຖານຈຳກັດຜູ້ ດຽວໄດ້ຂຶ້ນສະຫຼຸບຄືນກ່ຽວກັບ ໂຄງການກໍ່ສ້າງນໍ້າລິນ ພູຈອມ ກຸບ ເຊິ່ງເປັນຂອບເຂດການຜະ ລິດຂອງກອງບັນຊາການທະ ຫານແຂວງຫົວພັນໄດ້ແບ່ງການ ກໍ່ສ້າງອອກເປັນສອງຂັ້ນຕອນ ຄື: ຂັ້ນຕອນທີ 1 ໄດ້ເລີ່ມກໍ່ສ້າງ ມາແຕ່ກາງເດືອນພຶດສະພາ 2018 ເຖິງຕົ້ນເດືອນເມສາ2020 ແລະ ຂັ້ນຕອນທີ 2 ແມ່ນ
ເລີ່ມລົງມືກໍ່ສ້າງໃນຕົ້ນເດືອນພຶດ ສະພາ 2020 ຮອດປັດຈຸບັນໄດ້ ສຳເລັດ 100%, ເຊິ່ງລວມມີ 5 ໜ້າວຽກຄື: ກໍ່ສ້າງຫົວງານນໍ້າ ລິນ 2 ຈຸດ, ວາງທໍ່ໄລຍະ 1 ກິ ໂລແມັດ, ກໍ່ສ້າງອ່າງເກັບນໍ້າຈຳ ນວນ 2 ອ່າງ, ກໍ່ສ້າງກັອກສາ ທາລະນະ 4 ຈຸດ, ດຶງຕະຂ່າຍໄຟ ຟ້າເຂົ້າໃສ່ຈັກໂປມນໍ້າ ຈຳນວນ 2 ເສົາ ລວມມູນຄ່າການກໍ່ສ້າງ ທັງໝົດ 1 ຕື້ 432 ລ້ານກວ່າກີບ ໂດຍແມ່ນທຶນງົບປະມານລັດຖະ ບານ 100%.
ໃນໂອກາດນີ້ ສະຫາຍ ມົນ ທອງ ຮຸ່ງຕະພິມ ອຳນວຍການບໍ ລິສັດ ຮຸ່ງຕະພິມກໍ່ສ້າງເຄຫາສະ ຖານຈຳກັດຜູ້ດຽວໄດ້ຂຶ້ນກ່າວ ມອບໂຄງການກໍ່ສ້າງດັ່ງກ່າວ ໃຫ້ກອງບັນຊາການທະຫານ ແຂວງຫົວພັນ ໂດຍແມ່ນ ສະຫາຍ ພັນໂທ ຄຳພັນ ຄຳມະນີ ກຳມະ
ການຄະນະພັກ ກອງບັນຊາການ ຫົວໜ້າຫ້ອງພະລາທິການກອງ
ບັນຊາການທະຫານແຂວງຫົວ
ພັນ ເປັນຜູ້ກ່າວຮັບພ້ອມທັງມອບ
ຕໍ່ໃຫ້ກອງຮ້ອຍຜະລິດກະສິກຳ
ຂອງກອງບັນຊາການທະຫານ
ແຂວງ ເປັນຜູ້ນຳໃຊ້ ແລະ ປົກ ປັກຮັກສາຕໍ່ໄປ.
ໂດຍ: ໄຜ່ຄຳ ແກ້ວສອນພຽນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
