POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ສຳເລັດກອງປະຊຸມໃຫຍ່ ຜູ້ແທນຊາວໜຸ່ມ ທຫລ ຄັ້ງທີ VIII
ເວລາອອກຂ່າວ: 2020-06-03 09:47:24 | ຜູ້ຂຽນ : admin3 | ຈຳນວນຄົນເຂົ້າຊົມ: 255 | ຄວາມນິຍົມ:

ກອງປະຊຸມໃຫຍ່ຜູ້ແທນ ຊາວໜຸ່ມທະນາຄານແຫ່ງ ສປປ ລາວ (ທຫລ) ຄັ້ງທີ VIII ໄດ້ ສຳເລັດລົງດ້ວຍໝາກຜົນອັນ ຈົບງາມໃນວັນທີ 30 ພຶດສະພາ 2020 ທີ່ສະໂມສອນສະຖາບັນ ການທະນາຄານ ພາຍໃຕ້ການ ເປັນປະທານຂອງ ສະຫາຍ ປອ ອາຄົມ ປຣະເສີດ ເລຂາທິການ ສູນກາງຊາວໜຸ່ມປະຊາຊົນປະຕິ ວັດລາວ (ຊປປລ), ເລຂາຄະນະ ບໍລິຫານງານຊາວໜຸ່ມ ທຫລ; ພ້ອມນີ້, ກໍຍັງໃຫ້ກຽດເຂົ້າຮ່ວມ ຂອງ ສະຫາຍ ສອນໄຊ ສິດພະ ໄຊ ກໍາມະການສໍາຮອງສູນກາງ ພັກ, ເລຂາຄະນະພັກ, ຜູ້ວ່າ ການ ທຫລ ແລະ ສະຫາຍ ອາ ລຸນໄຊ ສູນນະລາດ ກຳມະການ ສຳຮອງສູນກາງພັກ, ເລຂາຄະນະ ບໍລິຫານງານສູນກາງ ຊປປລ; ມີຄະນະບໍລິຫານງານຊາວໜຸ່ມ ກະຊວງ-ອົງການທຽບເທົ່າ, ບັນດາຄະນະອໍານວຍການທະນາ ຄານທຸລະກິດ, ຕາງໜ້າສະຫະພັນແມ່ຍິງ-ກໍາມະບານ ທຫລ ແລະ ບັນດາຜູ້ແທນຊາວໜຸ່ມ ຈາກບັນດາຮາກຖານ ເຂົ້າຮ່ວມ. ກອງປະຊຸມໄດ້ຮັບຟັງຮ່າງ ລາຍງານການເມືອງໃນຕະຫຼອດ ໄລຍະ 5 ປີຜ່ານມາ ເຊິ່ງຄະນະ ບໍລິຫານງານຊາວໜຸ່ມ ທຫລ ໄດ້ ຖືເອົາການສຶກສາອົບຮົມການ ເມືອງ-ແນວຄິດ ເປັນບັນຫາສໍາ ຄັນຕົ້ນຕໍ ສອດຫ້ອຍເຂົ້າທຸກ ການເຄື່ອນໄຫວວຽກງານ, ເຊື່ອມຊຶມບັນດາແນວທາງ ແລະ ເອກະສານສໍາຄັນຕ່າງໆ ເປັນ ຕົ້ນປາຖະກະຖາວັນສໍາຄັນຕ່າງໆ ຂອງຊາດ, ຂອງພັກ ແລະ ສາ ກົນ, ມູນເຊື້ອຊາວໜຸ່ມ, ລະບຽບ ການຂອງຊາວໜຸ່ມອັນໄດ້ເຮັດ ໃຫ້ຖັນແຖວຊາວໜຸ່ມ ທຫລ ເຮັດ ສໍາເລັດໜ້າທີ່ການເມືອງ ແລະ ວິຊາສະເພາະດ້ວຍດີສະເໝີມາ; ປັດຈຸບັນມີ 8 ຮາກຖານທີ່ຂຶ້ນກັບ ແລະ ມີສະມາຊິກເພີ່ມຂຶ້ນ 253 ສະຫາຍ; ການປັບປຸງການຈັດ ຕັ້ງ ໂດຍລວມນັບມື້ນັບເຂັ້ມແຂງ ທັງດ້ານປະລິມານ ແລະ ຄຸນນະ ພາບ. ພິເສດໃນໄລຍະທ້າຍສະ ໄໝກອງປະຊຸມໃຫຍ່ ສະຫາຍເລ ຂາຄະນະບໍລິຫານງານຊາວໜຸ່ມ ທຫລ ໄດ້ຮັບການແຕ່ງຕັ້ງເປັນ ຄະນະເລຂາທິການສູນກາງ ຊປປລ. ພ້ອມນັ້ນ, ສະມາຊິກ ຊາວໜຸ່ມຍັງໄດ້ຖືກເລືອກຕັ້ງເປັນ ຄະນະນໍາຕ່າງໆໃນການຈັດຕັ້ງ ເບື້ອງພັກ, ເບື້ອງລັດ ແລະ ອົງ ການຈັດຕັ້ງມະຫາຊົນຈໍານວນ ໜຶ່ງ. ຄະນະຊາວໜຸ່ມ ແລະ ສະ ມາຊິກຊາວໜຸ່ມ ທຫລ ຍັງປະ ກອບສ່ວນເຂົ້າໃນຂະບວນການ ຕ່າງໆຢ່າງເປັນຂະບວນ ໂດຍ ເອົາຂະບວນການ 4 ບຸກເປັນ ໃຈກາງ ໂດຍເອົາໃຈໃສ່ຮັກສາ ສະຖຽນລະພາບເງິນຕາແຫ່ງ ຊາດໃຫ້ມີຄວາມໝັ້ນທ່ຽງ ສາ ມາດຮັກສາໄດ້ອັດຕາເງິນເຟີ້ ສະ ເລ່ຍຢູ່ໃນລະດັບ 3,31%, ອັດ ຕາແລກປ່ຽນທຽບກັບສະກຸນ ຫຼັກ ເໜັງຕີງໃນຂອບທີ່ກໍານົດ ໄວ້ (+0,5% ຕໍ່ປີ), ຄຸ້ມຄອງ ເງິນຕາຕ່າງປະເທດ ແລະ ຮ້ານ ແລກປ່ຽນເງິນຕາຕາມລະບຽບ ການຢ່າງເຂັ້ມງວດ; ຫັນການ ຄຸ້ມຄອງທະນາຄານທຸລະກິດໄປ ສູ່ລະບົບການຄຸ້ມຄອງຕາມ ຄວາມສ່ຽງ ແລະ ມາດຕະຖານ ບາເຊວ, ປັບປຸງກົນໄກ ແລະ ຂັ້ນຕອນການເຂົ້າເຖິງສິນເຊື່ອ ຂອງ SMEs ໃຫ້ສະດວກຍິ່ງ ຂຶ້ນ, ສະໜອງແຫຼ່ງທຶນພັດທະນາ ຊົນນະບົດ ແລະ ແກ້ໄຂຄວາມ ທຸກຍາກຜ່ານລະບົບທະນາຄານ ປະກອບສ່ວນເຂົ້າເຮັດໃຫ້ບ້ານ ທຸກຍາກຫຼຸດລົງ 200 ບ້ານ, ຄອບຄົວທຸກຍາກຫຼຸດລົງ 12.011 ຄອບຄົວ; ສ້າງໂຄງ ການທີ່ພົ້ນເດັ່ນໄດ້ 187 ໂຄງ ການ ແລະ ຄອບຄົວຕົວແບບ ຜະລິດເປັນສິນຄ້າ 191 ແລະ ບັນຫາອື່ນໆທີ່ຕິດພັນກັບຕະ ຫຼາດເງິນ-ຕະຫຼາດທຶນ ແລະ ສະ ຖາບັນການເງິນ. ຄະນະຊາວໜຸ່ມທຸກຂັ້ນ-ສະ ມາຊິກຊາວໜຸ່ມ ທຫລ ຍັງໄດ້ ເອົາໃຈໃສ່ປະຕິບັດຂໍ້ແຂ່ງຂັນ 4 ບຸກຢ່າງຕັ້ງໜ້າ ໂດຍຖືເອົາ ການສຶກສາອົບຮົມການເມືອງ- ແນວຄິດເປັນວຽກງານແຖວໜ້າ. ຜ່ານການເຜີຍແຜ່ ເຮັດໃຫ້ສະມາ ຊິກມີຄວາມໜັກແໜ້ນທາງດ້ານ ການເມືອງ, ມີແບບແຜນວິທີຄົ້ນ ຄິດ ແລະ ປະຕິບັດວຽກງານວິ ຊາສະເພາະຢ່າງມີວິທະຍາສາດ ແລະ ຮັບນາມມະຍົດ 4 ບຸກ 3 ປີຕໍ່ເນື່ອງ ສາມາດຍາດໄດ້ ທຸງໄຊນໍາໜ້າຈາກສູນກາງ ຊປປລ ໃນຕົ້ນປີ 2020 ແລະ ຮັບຫຼຽນໄຊພິລາດອາດຫານຊັ້ນ III ຈໍານວນ 1 ຫຼຽນ, ໃບກຽດຕິ ຄຸນຈໍານວນ 1 ໃບ, ໃບຍ້ອງຍໍ ຈໍານວນ 5 ໃບ, ໃບສົມມະນາ ຄຸນຈໍານວນ 1 ໃບ ຈາກສູນກາງ ຊປປລ ແລະ ການຈັດຕັ້ງຂັ້ນ ເທິງທີ່ກ່ຽວຂ້ອງທັງຢູ່ຂັ້ນສູນ ກາງ ແລະ ທ້ອງຖິ່ນ. ກອງປະຊຸມຍັງພ້ອມກັນໃຊ້ ສິດປະຊາທິປະໄຕ ປ່ອນບັດຄັດ ເລືອກເອົາຄະນະບໍລິຫານງານ ຊາວໜຸ່ມ ທຫລ ຊຸດທີ VIII ປະ ກອບດ້ວຍ 17 ສະຫາຍ, ຍິງ 6 ສະຫາຍ ແລະ ກອງປະຊຸມ ໄດ້ເລືອກເອົາ ສະຫາຍ ບຸນທະວີ ສຸກດາວົງ ເປັນເລຂາ; ເລືອກ ເອົາຮອງເລຂາ 3 ສະຫາຍ ປະ ກອບດ້ວຍ ສະຫາຍ ສຸລິສັກ ທໍານຸວົງ ເປັນປະທານກວດກາ, ສະຫາຍ ນາງ ນະຄອນສີ ມະ ໂນທັມ ແລະ ສະຫາຍ ຈິນດາໄມ ວິໄລຫົງສ໌ ແລະ ເລືອກເອົາຜູ້ ແທນເຂົ້າຮ່ວມກອງປະຊຸມ ໃຫຍ່ຜູ້ແທນ ຊປປລ ທົ່ວປະເທດ ຄັ້ງທີ VIII. ກອງປະຊຸມຍັງໄດ້ຮັບຟັງການ ໂອ້ລົມຈາກສະຫາຍເລຂາຄະ ນະພັກ, ຜູ້ວ່າການ ທຫລ ແລະ ສະຫາຍເລຂາຄະນະບໍລິຫານ ງານສູນກາງ ຊປປລ ເຊິ່ງທັງ 2 ສະຫາຍ ໄດ້ກ່າວສະແດງ ຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ການຊີ້ນໍາ-ນໍາພາ ຂອງຄະນະບໍລິຫານງານຊາວ ໜຸ່ມ ທຫລ ຊຸດເກົ່າໃນຕະຫຼອດ 5 ປີຜ່ານມາໃນການປະຕິບັດ ໜ້າທີ່ການເມືອງທີ່ໄດ້ຮັບມອບ ໝາຍ ສາມາດຍາດໄດ້ຜົນງານ ຫຼາຍດ້ານ. ພ້ອມນັ້ນ, ຍັງໄດ້ຮຽກ ຮ້ອງມາຍັງຄະນະບໍລິຫານງານ ຊາວໜຸ່ມ ທຫລ ຊຸດໃໝ່ ຈົ່ງເຊີດ ຊູມານະຈິດປະຕິວັດເຂົ້າໃນການ ເສີມຂະຫຍາຍຜົນງານທີ່ດີເດັ່ນ ຂອງຄະນະຊາວໜຸ່ມຊຸດເກົ່າ, ເອົາໃຈໃສ່ແກ້ໄຂຂໍ້ຄົງຄ້າງ ແລະ ສິ່ງທ້າທາຍ ໂດຍສະເພາະແມ່ນ ການຈັດຕັ້ງຜັນຂະຫຍາຍມະຕິ ກອງປະຊຸມໃຫຍ່ຜູ້ແທນຊາວໜຸ່ມ ທຫລ ຄັ້ງທີ VIII ໃຫ້ປະກົດຜົນ ເປັນຈິງ ແລະ ກ້າວຂຶ້ນຢ່າງບໍ່ ຢຸດຢັ້ງ. ໂດຍ: ຣັດສະໝີ ດວງສັດຈະ

news to day and hot news