ວັນພຸດ, ວັນທີ 04 ທັນວາ 2024
ທະຫານແຂວງຈຳປາສັກ ຈັດພິທີເປີດການບໍລິການນຳໃຊ້ ປ້ຳນ້ຳມັນມັງກອນໄຊ 2
ເວລາອອກຂ່າວ: 2020-06-04 10:08:33 | ຜູ້ຂຽນ : admin3 | ຈຳນວນຄົນເຂົ້າຊົມ: 239838963 | ຄວາມນິຍົມ: 
ພິທີເປີດການບໍລິການນໍາ ໃຊ້ປໍ້ານໍ້າມັນມັງກອນໄຊ 2 ຂອງ
ກອງບັນຊາການທະຫານແຂວງ ຈໍາປາສັກ ໄດ້ຈັດຂຶ້ນໃນວັນທີ 30 ພຶດສະພາ 2020 ນີ້, ທີ່ບ້ານ
ວັງເຕົ່າ ເມືອງໂພນທອງ ແຂວງ ຈໍາປາສັກ, ໂດຍການເຂົ້າຮ່ວມ ເປັນປະທານຂອງ ສະຫາຍ ພັນ ເອກ ແຫວນຄໍາ ຈະເລີນວົງ ຮອງ
ເລຂາຄະນະພັກກອງບັນຊາ ການ, ຫົວໜ້າການເມືອງກອງ ບັນຊາການທະຫານແຂວງຈໍາ ປາສັກ, ມີຄະນະພັກ-ຄະນະບັນຊາ 5 ຫ້ອງກອງບັນຊາການທະຫານແຂວງຈໍາປາສັກ ກໍາລັງຫຼວງ-ກໍາລັງທ້ອງຖິ່ນ, ກົມກອງອ້ອມ ຂ້າງແຂວງ ກໍາລັງ ປກສ ແຂວງ, ອໍານາດການປົກຄອງທ້ອງຖິ່ນ ຂອງເມືອງໂພນທອງ ແລະ ແຂກ ທີ່ຖືກເຊີນເຂົ້າຮ່ວມ.
ສະຫາຍ ພັນໂທ ຄໍາສິງ ພົງ ໂສພາ ຮອງຫົວໜ້າຫ້ອງພະລາ ທິການຜູ້ຊີ້ນໍາໂຄງການປໍ້ານໍ້າ ມັນມັງກອນໄຊ 2 ຂຶ້ນລາຍງານ
ຜົນສໍາເລັດໃນການກໍ່ສ້າງ ໂດຍ ຫຍໍ້ທີ່ຜ່ານມາ ເຊິ່ງສະຫາຍໄດ້ ຍົກໃຫ້ເຫັນຈຸດດີຈຸດອ່ອນ ແລະ ຂໍ້ສະດວກຄວາມຫຍຸ້ງຍາກໃນໄລ ຍະທີ່ໄດ້ດໍາເນີນການກໍ່ສ້າງປໍ້າ ນໍ້າມັນມັງກອນໄຊ 2 ທີ່ຜ່ານມາ ເຊີ່ງໄດ້ເລີ່ມລົງມືກໍ່ສ້າງແຕ່ເດືອນ
7 ປີ 2017 ເປັນຕົ້ນມາ ແລະ
ສໍາເລັດລົງໃນເດືອນ 5 ປີ 2020 ໂດຍການໃຊ້ທຶນຂອງກອງບັນ ຊາການທະຫານແຂວງຈໍາປາສັກ ລວມມູນຄ່າໃນການກໍ່ສ້າງທັງ
ໝົດແມ່ນ 391.731.000 ກີບ.
ໂອກາດດັ່ງກ່າວ ສະຫາຍ ພັນເອກ
ແຫວນຄໍາ ຈະເລີນວົງ ກໍໄດ້ໃຫ້
ກຽດຕັດແຖບຜ້າເພື່ອເປີດການ ບໍລິການນໍາໃຊ້ປໍ້ານໍ້າມັນມັງ ກອນໄຊ 2 ຂອງກອງບັນຊາການ ທະຫານແຂວງຈໍາປາສັກຢ່າງ ເປັນທາງການ.
ໂດຍ: ວິໄລພອນ ວົງວິສອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
