ວັນພະຫັດ, ວັນທີ 12 ທັນວາ 2024
ຮອງຫົວໜ້າກົມໃຫຍ່ພະລາທິການ ລົງຊຸກຍູ້ກວດກາວຽກງານການຜະລິດຢູ່ກົມຜະລິດຄົບວົງຈອນເລກ 1 ກອງທັບ
ເວລາອອກຂ່າວ: 2020-06-09 11:10:38 | ຜູ້ຂຽນ : admin3 | ຈຳນວນຄົນເຂົ້າຊົມ: 124 | ຄວາມນິຍົມ: 
ໃນວັນທີ 4 ມິຖຸນາ 2020 ນີ້, ສະຫາຍ ພົນຈັດຕະວາ ປອ ວົງສັກ ພັນທະວົງ ກໍາມະການຄະ
ນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ພະລາທິ ການກອງທັບ, ຜູ້ຊີ້ນໍາໂຄງການ ຟາມໝູ ແລະ ໂຮງງານຂ້າສັດ ຂອງກົມໃຫຍ່ພະລາທິການກອງ ທັບ ພ້ອມດ້ວຍຄະນະໄດ້ລົງຕິດ ຕາມກວດກາ ແລະ ຊຸກຍູ້ວຽກ ງານການຜະລິດກະສິກໍາຂອງກຸ່ມຜະລິດຄົບວົງຈອນເລກ 1 ກອງທັບ.
ໃນໂອກາດນີ້, ສະຫາຍ ພັນໂທ
ເມກທັນວາ ວີຣະຈິດ ຮອງເລຂາ
ຄະນະພັກຮາກຖານ ຫົວໜ້າກຸ່ມ ຜະລິດຄົບວົງຈອນເລກ 1 ກອງ ທັບ ໄດ້ລາຍງານສະພາບການ
ຈັດຕັ້ງປະຕິບັດວຽກງານຜະລິດ ໃນໄລຍະຜ່ານມາໃຫ້ສະຫາຍ ຮອງຫົວໜ້າກົມໃຫຍ່ພະລາທິ ການກອງທັບ ພ້ອມດ້ວຍຄະນະ ໄດ້ຮັບຊາບວ່າ: ເພື່ອຮັບປະກັນ ດ້ານວຽກງານພະລາທິການໃຫ້ ກອງທັບໃນໄລຍະໃໝ່, ຄະນະ ພັກ-ຄະນະບັນຊາໄດ້ມີການຄົ້ນ ຄວ້າປັບປຸງຊັບຊ້ອນພະນັກງານ ນໍາພາບັນຊາ,ຕັ້ງແຕ່ຂັ້ນໜ່ວຍ ງານ,ພະແນກການໂດຍອີງໃສ່ ຄວາມຮູ້-ຄວາມສາມາດຂອງພະ ນັກງານ-ນັກຮົບ ແລະ ຢູ່ໃນໄລຍະ
ຂອງການແຜ່ລະບາດພະຍາດ ໂຄ
ວິດ-19 ນີ້, ເຮັດໃຫ້ຂະບວນການ
ດ້ານຕ່າງໆມີຂີດຈໍາກັດໃນການ ເຄື່ອນໄຫວ, ແຕ່ຄະນະພັກ-ຄະນະ
ບັນຊາ ກໍໄດ້ຫັນເອົາການຈັດຕັ້ງ ປະຕິບັດໜ້າທີ່ການເມືອງຂອງ ບຸກຄົນ ແລະ ກົມກອງມາເປັນຂະ ບວນການຫຼັກ ໃນການປະຕິບັດຂໍ້ແຂ່ງຂັນຕ່າງໆທີ່ຂັ້ນເທິງວາງ ອອກນໍາມາຈັດຕັ້ງເຜີຍແຜ່ເຊື່ອມ ຊຶມໃຫ້ພະນັກງານ-ນັກຮົບໄດ້ຮັບ ຮູ້ ເຂົ້າໃຈຢ່າງເລິກເຊິ່ງ, ຄຽງຄູ່ ກັບວຽກງານການຜະລິດຂອງ ກົມກອງແລ້ວຍັງໄດ້ສຸມໃສ່ການກໍ່ສ້າງປັບປຸງພື້ນຖານໂຄງລ່າງ ຂອງກົມກອງໃຫ້ມີຄວາມຮັບປະ
ກັນແໜ້ນໜາຖາວອນໃນການ ເຮັດໜ້າທີ່ວຽກງານ, ເປັນຕົ້ນ ແມ່ນໄດ້ສໍາເລັດການເທພື້ນເຮືອນ ມ້ຽນລົດ, ກໍ່ສ້າງຫໍພັກໃຫ້ພະນັກ ງານ, ກໍ່ສ້າງຄອກໄກ່ຂະໜາດ ບັນຈຸໄດ້ 4.000 ກວ່າໂຕ, ສ້ອມ
ແປງຄອກລ້ຽງສັດ, ອາຄານສໍາ ນັກງານ ແລະ ຫໍພັກຈໍານວນໜຶ່ງ ທີ່ເປ່ເພຈາກລົມພາຍຸ, ໂດຍໄດ້ນໍາ ໃຊ້ທຶນຂອງກົມກອງ100%, ນອກຈາກນີ້ຍັງໄດ້ຈັດຕັ້ງກໍ່ສ້າງ ປະຕູໂຂງທາງເຂົ້າຟາມລ້ຽງສັດ, ປ້ອມຍາມ, ອ່າງຂ້າເຊື້ອພະຍາດ ແລະ ທາງເບຕົງ, ເຊິ່ງປັດຈຸບັນ ການກໍ່ສ້າງໄດ້ສຳເລັດແລ້ວ 60% ຂອງແຜນການ ແລະ ຄາດ ໝາຍຈະໃຫ້ສໍາເລັດສົມບູນ ແລະ ເປີດນໍາໃຊ້ໃນທ້າຍເດືອນກໍລະ ກົດ ປີ 2020 ທີ່ຈະມາເຖິງນີ້, ສ່ວນວຽກງານເສດຖະກິດຂອງ ກະຊວງ ແລະ ກົມກອງ ໄດ້ຈັດຕັ້ງ ດໍາເນີນການຜະລິດຕາມແຜນ ການຂອງກົມກອງ, ເຊິ່ງໃນປັດຈຸບັນໄດ້ລ້ຽງໄກ່ໄຂ່ເທິງໜອງປາ 3 ຈຸດ, ມີຈໍານວນໄກ່ໄຂ່ທັງໝົດ: 13.740 ໂຕ, ສາມາດຜະລິດໄຂ່ ໄກ່ໄດ້ 380-400 ແຕະຕໍ່ວັນ, ມີໝູພໍ່ພັນ 8 ໂຕ, ໝູແມ່ພັນ 436 ໂຕ, ໝູນ້ອຍ 795 ໂຕ, ໝູຊີ້ນ 1.123ໂຕ ແລະ ຍັງໄດ້ສືບຕໍ່ ຮັບ
ເອົາໝູນ້ອຍເຂົ້າມາລ້ຽງທຸກອາ ທິດຈົນຄົບຈໍານວນ 2.400 ໂຕ, ໄດ້ສໍາເລັດການກູ້ປາຂຶ້ນຈາກ ໜອງ 2 ໜອງ, ປັດຈຸບັນພວມ ກໍາລັງເກັບກູ້ປາໜອງທີ 3, ນອກ ນີ້ຍັງມີສວນເຮືອນຮົ່ມປູກຜັກ ສວນຄົວ,ປູກໄມ້ໃຫ້ໝາກຈໍານວນ ໜຶ່ງ, ເຊິ່ງຜະລິດຕະພັນທັງໝົດ ຂອງກົມກອງແມ່ນໄດ້ຈໍາໜ່າຍ ໃຫ້ແກ່ບັນດາໂຮງຮຽນນາຍທະ ຫານເຂດໃກ້ຄຽງ ແລະ ຕະຫຼາດ ສັງຄົມທົ່ວໄປ.
ໃນໂອກາດດັ້ງກ່າວ ສະຫາຍ ພົນຈັດຕະວາ ປອ ວົງສັກ ພັນທະ
ວົງ ກໍໄດ້ກ່າວສະເເດງຍ້ອງຍໍຊົມ
ເຊີຍຕໍ່ຜົນງານ ແລະ ຜົນສໍາເລັດທີ່
ຄະນະພັກ-ຄະນະບັນຊາພ້ອມ ດ້ວຍພະນັກງານ-ສະມາຊິກພັກ, ນັກຮົບທຸກສະຫາຍທີ່ໄດ້ເອົາໃຈ ໃສ່ສຸມທຸກສະຕິປັນຍາ,ເຫື່ອແຮງ,ຄວາມຮູ້-ຄວາມສາມາດຂອງຕົນ ເຂົ້າໃນບັນດາຂົງເຂດໜ້າທີ່ ວຽກງານການເມືອງຂອງກົມ ກອງ ກໍຄື ວຽກງານວິຊາສະເພາະ ທາງດ້ານວຽກງານການຜະລິດ ທີ່ຂັ້ນເທິງມອບໝາຍໃຫ້ຢ່າງມີ ໝາກຜົນສໍາເລັດຈົບງາມ ພ້ອມ ທັງຂໍຮຽກຮ້ອງມາໃຫ້ຄະນະພັກ-ຄະນະບັນຊາ ພ້ອມດ້ວຍພະນັກ ງານ ແລະ ອົງການຈັດຕັ້ງທຸກ ພາກສ່ວນຢູ່ພາຍໃນກົມກອງ ຈົ່ງເອົາໃຈໃສ່ສືບຕໍ່ວຽກງານ ຜະລິດ ໃນຕໍ່ໜ້າໃຫ້ໄດ້ຮັບຜົນສູງ, ໂດຍສະເພາະວຽກງານການຜະ ລິດຕາມແຜນການຜະລິດປະຈໍາ ປີຂອງກົມກອງ, ສ້າງແຜນການ ປັບປຸງການ ລ້ຽງໝູ, ລ້ຽງປາ ແລະ ລ້ຽງໄກ່ພໍ່ພັນແມ່ພັນ, ໄກ່ ນ້ອຍ, ໄກ່ສາວ ຄືນໃໝ່ ເພື່ອຮັບ ປະກັນໃຫ້ວຽກງານຜະລິດ ແລະ ເປັນສູນຜະລິດແນວພັນເພື່ອສົ່ງ ເສີມໃຫ້ບັນດາກົມກອງມີທ່າແຮງ
ບົ່ມຊ້ອນໃນກອງທັບ, ສາມາດ ຕອບສະໜອງໄດ້ກັບຄວາມຮຽກ ຮ້ອງຕ້ອງການຂອງຂັ້ນເທິງ ແລະ ເປັນທີ່ຍອມຮັບຂອງສັງຄົມທົ່ວ ໄປ, ພ້ອມກັນສຶບຕໍ່ຄຸ້ມຄອງ,ບົວ ລະບັດ, ດູແລເບິ່ງແຍງສັດລ້ຽງ ໃຫ້ມີຄວາມອຸດົມສົມບູນ, ຮັບປະ ກັນທາງດ້ານປະລິມານ ແລະ ຄຸນນະພາບທີ່ດີ, ປົກປັກຮັກສາ ວັດຖຸສິ່ງຂອງສ່ວນລວມ ໄວ້ໃຫ້ ສາມາດນຳໃຊ້ໄດ້ຍາວນານ ສາ ມາດຮັບປະກັນວຽກງານການ ຕິດຕາມກວດກາຈາກຂັ້ນເທິງໄດ້ ຢ່າງເປັນປົກກະຕິ.
ໂດຍ: ຄໍາປະສົງ ລາດຊະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
