ວັນພະຫັດ, ວັນທີ 12 ທັນວາ 2024
ກອງພົນທີ 5 ເປີດຊຸດອົບຮົມໄລຍະສັ້ນ ໃຫ້ພະນັກງານອົງການ-ກົມກອງ ຊຸດທີ 2
ເວລາອອກຂ່າວ: 2020-06-10 09:37:38 | ຜູ້ຂຽນ : admin3 | ຈຳນວນຄົນເຂົ້າຊົມ: 139 | ຄວາມນິຍົມ: 
ໃນວັນທີ 8 ມິຖຸນາ 2020 ນີ້,
ຢູ່ກອງພົນທີ 5 ໄດ້ເປີດຊຸດອົມຮົມ ການເມືອງ-ການທະຫານ ແລະ
ພະລາທິການ-ເຕັກນິກໄລຍະ ສັ້ນໃຫ້ພະນັກງານອົງການ, ກົມ ກອງຊຸດທີ 2 ໂດຍພາຍໃຕ້ການ
ເປັນປະທານຂອງ ສະຫາຍ ພົນ ຈັດຕະວາ ວັນທອງ ບຸດຕະວົງ ຫົວໜ້າການທະຫານກອງພົນທີ 5, ມີຫົວໜ້າການເມືອງກອງ ພົນ ພ້ອມດ້ວຍຄະນະພັກ-ຄະ ນະບັນຊາພະນັກງານຈາກອົງ ການ, ກອງພັນໃຫຍ່ 501-502 ກອງພັນນ້ອຍ, ສູນເຝິກ , ໂຮງໝໍ ເຂົ້າຮ່ວມຢ່າງພ້ອມພຽງ.
ຈຸດປະສົງຂອງການອົບຮົມ ຄັ້ງນີ້ເປັນການປັບປຸງລະບຽບ ແບບແຜນກຳລັງແຮງກາຍ ເພື່ອຍົກສູງຄວາມຮູ້, ຄວາມສາ ມາດ, ສ້າງຄວາມຊຳນິ-ຊຳນານ
ຄ່ອງແຄ້ວໃຫ້ແກ່ພະນັກງານຂັ້ນ ນຳພາ-ບັນຊາໃນກຳລັງປະກອບອາວຸດໃຫ້ມີຄວາມເຂັ້ມແຂງໜັກ ແໜ້ນ ເວົ້າລວມ, ເວົ້າສະເພາະ ກໍຄື ພະນັກງານນຳພາ-ບັນຊາ ຢູ່ກອງ
ພົນທີ 5 ໃຫ້ມີຄວາມຮູູ້ ຄວາມສາ ມາດ, ມີຄວາມເຂັ້ມແຂງ, ຮັບປະ
ກັນເຮັດສຳເລັດໜ້າທີ່ໆການຈັດ ຕັ້ງຂັ້ນເທິງມອບໜາຍໃຫ້.
ການອົບຮົມຄັ້ງນີ້, ລວມມີ 4 ພາກຄື: ພາກການເມືອງ, ການ ທະຫານ, ພະລາທິການ ແລະ ພາກເຕັກນິກ. ພາກການທະຫານ
ຈະໄດ້ອົບຮົມການສ້າງແຜນການ ເຄື່ອງໜາຍເສນາທິການ, ຂໍ້ກຳ ນົດຂອງກອງທັບຄຳປະຕິຍານ 8 ຂໍ້, ວິໄນ 8 ຂໍ້, ກົດລະບຽບ12 ຂໍ້
ຕໍ່ປະຊາຊົນ, ພາກການເມືອງອົບ ຮົມລະບົບການເມືອງໃນລະບອບ
ປະຊາທິປະໄຕ ປະຊາຊົນລາວ, ສິດໜ້າທີ່ ຫົວໜ້າການເມືອງ- ການທະຫານຂັ້ນກອງພັນນ້ອຍ- ກອງຮ້ອຍ, ພາກພະລາທິການອົບ
ຮົມຫຼັກການສະເໜີນຳໃຊ້ແຜນ ການ, ຮັບປະກັນວຽກງານພະລາ ທິການຮັບໃຊ້ການສູ້ຮົບ ແລະ ພາກເຕັກນິກແມ່ນອົບຮົມຫຼັກ ການສະເໜີນຳໃຊ້ແຜນການຮັບ ປະກັນວຽກງານເຕັກນິກໃນການ ຮັບໃຊ້ສູ້ຮົບ.
ໂອກາດດັ່ງກ່າວສະຫາຍ ພົນຈັດຕະວາ ວັນທອງ ບຸດຕະວົງ ໄດ້ສະແດງຄວາມຍ້ອງຍໍຊົມ ເຊີຍຕໍ່ຄະນະຊີ້ນຳທີ່ໄດ້ພ້ອມກັນ ເອົາໃຈໃສ່ຫ້າງຫາກະກຽມຮັບ ປະກັນທາງດ້ານເນື້ອໃນເອກະ ສານໄດ້ຕາມຈຸດປະສົງ ພ້ອມທັງ
ເນັ້ນໜັກໃຫ້ພະນັກງານທີ່ອົບຮົມ ໃນຄັ້ງນີ້ຕ້ອງກຳແໜ້ນຈຸດປະສົງ ຄາດໜາຍໃນການອົບຮົມດຸໜັ່ນ
ຄົ້ນ ຄວ້າຮຳ່ຮຽນປະຕິບັດລະ ບຽບວິໄນຂອງກອງທັບ, ກົດລະ ບຽບທີ່ຄະນະຮັບຜິດຊອບວາງ ອອກໃຫ້ເຂັ້ມງວດ, ຕັ້ງໜ້າຜ່ານ ຜ່າທຸກຂໍ້ຫຍຸ້ງຍາກໃນການຮໍ່າ ຮຽນໃຫ້ໄດ້ຮັບໝາກຜົນສູງ. ເພີ່ມທະວີຄວາມສາມັກຄີພາຍ ໃນລະຫວ່າງນັກເຝິກອົບຮົມກັບ
ຄູ-ອາຈານໃຫ້ແໜ້ນແຟ້ນເພື່ອ ເປັນການຖອດຖອນບົດຮຽນປະ ກອບຄຳຄິດ ຄຳເຫັນຊ່ວຍເຫຼືອເຊິ່ງ ກັນ ແລະ ກັນ.
ໂດຍ: ແສງອາທິດ ສີດາໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
