ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ລັດຖະມົນຕີກະຊວງປ້ອງກັນຄວາມສະຫງົບ ຢ້ຽມຢາມໂຄງການກໍ່ສ້າງຄ້າຍຄຸມຂັງທັນສະໄໝ ແຂວງຈຳປາສັກ
ເວລາອອກຂ່າວ: 2021-03-23 08:38:55 | ຜູ້ຂຽນ : admin2 | ຈຳນວນຄົນເຂົ້າຊົມ: 113 | ຄວາມນິຍົມ:



ວັນທີ 19 ມີນາ 2021, ສະ ຫາຍ ພົນໂທ ວິໄລ ຫຼ້າຄຳຟອງ ກຳມະການກົມການເມືອງສູນ ກາງພັກ ລັດຖະມົນຕີກະຊວງປ້ອງ ກັນຄວາມສະຫງົບ ໄດ້ລົງເຄື່ອນ ໄຫວຢ້ຽມຢາມໂຄງການກໍ່ສ້າງ ຄ້າຍຄຸມຂັງທັນສະໄໝ ແຂວງຈຳ ປາສັກ, ໂດຍມີ ທ່ານ ວິໄລວົງ ບຸດດາຄຳ ກຳມະການສູນກາງ ພັກ, ເລຂາຄະນະບໍລິຫານງານ ພັກແຂວງ ເຈົ້າແຂວງຈຳປາສັກ, ມີຄະນະກໍາມະການປ້ອງກັນ ຊາດ-ປ້ອງກັນຄວາມສະຫງົບ ແຂວງຈຳປາສັກ ແລະ ພາກສ່ວນ ທີ່ກ່ຽວຂ້ອງຈາກສູນກາງ ແລະ ທ້ອງຖິ່ນເຂົ້າຮ່ວມ. ທ່ານ ພຶດສະພາ ພູມມະສັກ ຕາງໜ້າໃຫ້ ບໍລິສັດ ນໍຣິນໂກ ແລະ ບໍລິສັດ ເອເຊຍລົງທຶນພັດທະນາ ແລະ ກໍ່ສ້າງ ຈໍາກັດຜູ້ດຽວ ຜູ້ດຳ ເນີນໂຄງການກໍ່ສ້າງໄດ້ລາຍ ງານໃຫ້ຮູ້ວ່າ: ໂຄງການກໍ່ສ້າງລະ ບົບຄ້າຍຄຸມຂັງທັນສະໄໝແມ່ນ ໄດ້ຈັດຕັ້ງປະຕິບັດ ໄລຍະທີ I, ໄດ້ ເລີ່ມກໍ່ສ້າງມາແຕ່ເດືອນ ກຸມພາ ປີ 2019 ຈົນຮອດປັດຈຸບັນ. ມູນຄ່າ ກໍ່ສ້າງທັງໝົດຂອງໂຄງ ການສະເພາະໄລຍະທີ 01 ແມ່ນ 175 ຕື້ ກວ່າກີບ ຫຼື ເທົ່າກັບ 21.188.910 ໂດລາ ມີລະບົບ ຮັກສາຄວາມປອດໄພ, ລະບົບສູນ ບັນຊາການ, ຫ້ອງຕິດຕາມການ ເຄື່ອນໄຫວ, ລະບົບ speaker ຫ້ອງນັກໂທດ, ລະບົບສຽງ ແລະ ກ້ອງວົງຈອນພາຍ ນອກອາຄານ. ແລະ ອາຄານນັກໂທດຍິງມີຫ້ອງ ຂັງດ່ຽວ 8 ຫ້ອງ, ຫ້ອງຂັງລວມ 16 ຫ້ອງ, 22 ຄົນຕໍ່ຫ້ອງ, ສາ ມາດບັນຈຸໄດ້ 400 ຄົນ; ອາຄານ ນັກໂທດຊາຍມີຫ້ອງຂັງດ່ຽວ 8 ຫ້ອງ, ຫ້ອງຂັງລວມ 48 ຫ້ອງ, 22 ຄົນຕໍ່ຫ້ອງ, ສາມາດບັນຈຸໄດ້ 1.064 ຄົນ ແລະ ອາຄານນັກ ໂທດຕະຫຼອດຊີວິດ ມີຫ້ອງຂັງ ດ່ຽວ 4 ຫ້ອງ, ຫ້ອງຂັງລວມ 6 ຫ້ອງ, 25 ຄົນຕໍ່ຫ້ອງ, ສາມາດ ບັນຈຸໄດ້ 154 ຄົນ; ອາຄານນັກ ໂທດພິເສດມີຫ້ອງຂັງດ່ຽວ 4 ຫ້ອງ, ສາມາດບັນຈຸ 4 ຄົນ. ສະເພາະໄລຍະທີ 01 ສາມາດບັນ ຈຸນັກໂທດໄດ້ 1.622 ຄົນ, ແລະ ມີທັງໝົດ 28 ກິດຈະກໍາ. ສ່ວນ ຄວາມຄືບໜ້າຂອງໜ້າວຽກມາ ຮອດປັດຈຸບັນສໍາລັບໂຄງສ້າງ ແມ່ນສໍາເລັດ 96,18%; ໜ້າ ວຽກລະບົບຮັກສາຄວາມປອດ ໄພແມ່ນຈະເລີ່ມຕິດຕັ້ງພາຍໃນ ຕົ້ນເດືອນເມສາ 2021 ຄາດ ກະຈະໃຫ້ສໍາເລັດໃນທ້າຍ ເດືອນ ພຶດສະພາ 2021. ສະຫາຍ ພົນໂທ ວິໄລ ຫຼ້າຄຳ ຟອງ ກໍໄດ້ສຳຫຼວດກວດກາ ບັນດາໜ້າວຽກຂອງໂຄງການ ແລະ ມີຄຳເຫັນຊີ້ນຳຢ່າງໃກ້ຊິດ ໃນການຈັດຕັ້ງປະຕິບັດໂຄງການ ກໍ່ສ້າງຄ້າຍຄຸມຂັງທັນສະໄໝ ແຂວງຈຳປາສັກ ເພື່ອໃຫ້ສໍາເລັດ ຕາມຄາດໝາຍທີ່ວາງໄວ້. ໂດຍ: ທັດຊະນະ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ