ກອງທັບປະຊາຊົນລາວ
 
ວັນເສົາ, ວັນທີ 25 ພຶດສະພາ 2024

  

ຫຼາຍພາກສ່ວນມອບອຸປະກອນຮັບໃຊ້ການແພດ ແລະ ເຄື່ອງບໍລິໂພກ ໃຫ້ໂຮງໝໍສູນກາງ 103 ກອງທັບ
ເວລາອອກຂ່າວ: 2021-05-09 14:42:21 | ຜູ້ຂຽນ : admin2 | ຈຳນວນຄົນເຂົ້າຊົມ: 222 | ຄວາມນິຍົມ:



ໃນອາທິດຜ່ານມານີ້, ໄດ້ມີຫຼາຍພາກສ່ວນອຸປະຖຳເຄື່ອງຮັບໃຊ້ທາງການແພດ ນ້ຳຢາຂ້າເຊື້ອ ແລະ ເຄື່ອງບໍລິໂພກ ເພື່ອນຳໃຊ້ເຂົ້າໃນວຽກງານປິ່ນປົວຜູ້ຕິດເຊື້ອໂຄວິດ-19, ວຽກງານຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ໃນໂຮງໝໍສູນກາງ 103 ກອງທັບ, ເຊິ່ງບັນດາຜູ້ ມອບໃນຄັ້ງນີ້ປະກອບມີ: ບໍລິສັດ ຮ່ວມທຸລະກິດການຄ້າ VINASTONE ຈຳກັດ ສສ ຫວຽດນາມ ໄດ້ມອບເງິນສົດ 10 ລ້ານກີບ, ເຄື່ອງອຸປະກອນຮັບໃຊ້ທາງການແພດ, ເຄື່ອງອຸປະໂພກ-ບໍລິໂພກຈຳນວນໜຶ່ງ ລວມມູນຄ່າ 25 ລ້ານກີບ, ໂຮງແຮມທະວີໄຊ ມອບເຄື່ອງອຸປະກອນຮັບໃຊ້ການແພດ ປະເພດຜ້າອັດປາກ-ດັງ ແລະ ໜ້າກາກໃສປ້ອງກັນພະຍາດ ລວມມູນຄ່າ 30 ລ້ານກີບ, ບໍລິສັດ ວຽງທອງການຢາ ແລະ ບໍລິສັດ ໄສສະອາດ ການຢາ ມອບຕຽງນອນຄົນເຈັບພ້ອມຜ້າເສື່ອປູນອນ ລວມມູນຄ່າ 26.99 ລ້ານກີບກີບ, ທີມງານສາຍນ້ຳໃຈ ມອບອຸປະກອນຮັບໃຊ້ທາງການແພດ ລວມມູນຄ່າ 9.500.000 ກີບ, ບໍລິສັດ ພູນສະຫວັດ ຂົນສົ່ງ ຈຳກັດ ມອບ ອຸປະກອນຮັບໃຊ້ທາງການແພດ ລວມມູນຄ່າ 7.800.000 ກີບ, ບໍລິສັດ ກຸ່ມໄຊຍະວົງ ແລະ ໂຮງງານ ອຸດສະຫະກຳໂຕໂຢ້ລາວ ມອບນ້ຳຢາກຼໍລີນລະລາຍນ້ຳຂ້າເຊື້ອໂຄວິດ-19 ລວມມູນຄ່າ 7.000.000 ກີບ, ບໍລິສັດ ສັບພະໂຊກການຄ້າ ຈຳກັດ ມອບຫົວເຊື້ອເຫຼົ້າ 90 ອົງສາ ຈຳນວນ 4 ແກັດ, ທ່ານ ອາລຸນໄຊ ສູນນະລາດ ມອບເຄື່ອງບໍລິໂພກ ລວມມູນຄ່າ 3.350.000 ກີບ, ບໍລິສັດ ເຈບີ ການຄ້າ ຈຳກັດ ມອບເຄື່ອງບໍລິໂພກ ລວມມູນຄ່າ 3.000.000 ກີບ, ທີມສາວໆ ນ້ຳໃຈງາມ ມອບເຄື່ອງບໍລິໂພກ ລວມມູນຄ່າ 3.000.000 ກີບ, ບໍລິສັດ ອຸດສາຫະກຳ-ກະສິກຳ ຈຳກັດ ມອບເຄື່ອງບໍລິໂພກ ມູນຄ່າ 2.100.000 ກີບ, ຮ້ານ ເຝີຂົ້ວ ຈັນທອນ ສີຫອມ ອຸປະຖຳເຄື່ອງບໍລິໂພກ ລວມມູນຄ່າ 1.500.000 ກີບ. ທັງນີ້ຍ້ອນເຫັນໄດ້ຄວາມສໍາຄັນ ແລະ ຄວາມຮຽກຮ້ອງຕ້ອງການອັນຈໍາເປັນຮີບດ່ວນເພື່ອຊຸກຍູ້ ແລະ ຊ່ວຍເຫຼືອພະນັກງານແພດໝໍທີ່ກຳລັງປະຕິບັດໜ້າທີ່ປິ່ນປົວຜູ້ຕິດເຊື້ອໂຄວິດ-19, ໜ່ວຍງານຕ້ານ ແລະ ສະກັດກັ້ນການຕິດເຊື້ອພະຍາດໂຄວິດ-19 ຢູ່ພາຍໃນໂຮງໝໍສູນກາງ 103 ກອງທັບ, ສະນັ້ນ ຈຶ່ງເກີດມີຈິດໃຈເອື້ອເຟື້ອເພື່ອແຜ່ຈາກພາກສ່ວນຕ່າງໆ ແລະ ໄດ້ສະຫຼະວັດຖຸປັດໄຈ ເຂົ້າມາອຸປະຖຳຊ່ວຍເຫຼືອທາງດ້ານວັດຖຸອຸປະກອນເຄື່ອງຮັບໃຊ້ທາງການແພດ, ເຄື່ອງອຸປະໂພກ-ບໍລິໂພກໃຫ້ແກ່ໂຮງໝໍສູນກາງ 103 ກອງທັບ ເພື່ອເປັນການຊຸກຍູ້ກຳລັງໃຈໃຫ້ແກ່ພະນັກງານ ແພດໝໍທຸກຄົນທີ່ກຳລັງປະຕິບັດໜ້າທີ່ໃນເວລານີ້. ໂອກາດດັ່ງກ່າວ ສະຫາຍ ພົນຈັດຕະວາ ດຣ ຄຳແພງ ພູມມາແກ້ວ ຫົວໜ້າການເມືອງໂຮງໝໍສູນກາງ 103 ກອງທັບ ໄດ້ຕາງໜ້າຄະນະພັກ-ຄະນະອຳນວຍການ, ຕາງໜ້າໜ່ວຍງານສະເພາະກິດ ແລະ ພະນັກງານແພດໝໍພາຍໃນໂຮງໝໍ ຂໍສະແດງຄວາມຂອບໃຈຢ່າງສູງນຳແຕ່ລະພາກສ່ວນ ທີ່ໄດ້ແບ່ງປັນນ້ຳໃຈຊຸກຍູ້ຊ່ວຍເຫຼືອໃນຄັ້ງນີ້ ເຊິ່ງມັນສະແດງເຖິງຄວາມເສຍສະຫຼະຄວາມເປັນຫ່ວງເປັນໃຍ, ຄວາມສາມັກຄີທັງເປັນກຳລັງໃຈໃຫ້ແກ່ພະນັກງານແພດໝໍທຸກຄົນ ທີ່ກຳລັງເຮັດໜ້າທີ່ໃນເວລານີ້, ພ້ອມກ່າວ ອວຍພອນໄຊແດ່ບັນດາທ່ານພ້ອມຄະນະທີ່ຕາງໜ້າແຕ່ລະພາກສ່ວນ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ມີຄວາມຈະເລີນກ້າວໜ້າ. ສຳລັບເຄື່ອງຕ່າງໆ ທີ່ໄດ້ຮັບໃນຄັ້ງນີ້ແມ່ນທາງໂຮງໝໍຈະໄດ້ແຈກຢາຍໃຫ້ກໍາລັງແພດໝໍທີ່ປະຕິບັດໜ້າທີ່ ແລະ ຄົນເຈັບທີ່ກໍາລັງນອນປິ່ນປົວພະຍາດຢູ່ໃນໂຮງໝໍສູນກາງ 103 ກອງທັບ ຢ່າງທົ່ວເຖິງ ຕາມວັດຖຸປະສົງຂອງຜູ້ມາອຸປະຖຳ. ຂ່າວ: ສີຈັນ ເພັດວິໄຊ ພາບ: ເລີດວິໄລ ວົງຈຳປາ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ