ປະກາດແຕ່ງຕັ້ງປະທານ ແລະ ກຳມະການຄະນະ ປກຊ-ປກສ ແຂວງບໍ່ແກ້ວ
ເວລາອອກຂ່າວ: 2019-01-02 09:04:33 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 239838303 | ຄວາມນິຍົມ:
ໃນວັນທີ 26 ທັນວາ 2018 ຜ່ານມານີ້, ຢູ່ຫ້ອງວ່າການປົກ ຄອງແຂວງບໍ່ແກ້ວໄດ້ຈັດພິທີປະ ກາດແຕ່ງຕັ້ງປະທານ ແລະ ກຳ ມະການຄະນະປ້ອງກັນຊາດ- ປ້ອງກັນຄວາມສະຫງົບແຂວງບໍ່ ແກ້ວ ໂດຍການເປັນກຽດເຂົ້າ ຮ່ວມຂອງທ່ານພົນໂທ ສຸວອນ ເລືອງບຸນມີ ກຳມະການສູນກາງ ພັກ, ຮອງລັດຖະມົນຕີກະຊວງ ປ້ອງກັນປະເທດ, ຫົວໜ້າກົມໃຫຍ່ ເສນາທິການກອງທັບ, ມີທ່ານ ປອ ບົວຄົງ ນາມມະວົງ ເລຂາ ພັກແຂວງ,ເຈົ້າແຂວງໆບໍ່ແກ້ວ, ມີ ຄະນະພັກ-ຄະນະບັນຊາກອງບັນ ຊາການທະຫານແຂວງ ແລະ ພະນັກງານ-ລັດຖະກອນແຕ່ລະ ພະແນກການເຂົ້າຮ່ວມ.
ໃນພິທີພັນໂທ ສຸດຕິ ທິບພະ ສອນ ຄະນະພັກຮາກຖານຫ້ອງ ການຄະນະກຳມະການ ປກຊ- ປກສ ສູນກາງໄດ້ຂຶ້ນອ່ານມະຕິ ຕົກລົງຂອງຄະນະເລຂາທິການ
ສູນພັກວ່າດ້ວຍການແຕ່ງຕັ້ງປະ ທານ ແລະ ກຳມະການຄະນະ ປກຊ-ປກສ ແຂວງບໍ່ແກ້ວ, ອີງ ໃສ່ຄວາມຮຽກຮ້ອງຕ້ອງການ ຂອງຫນ້າທີ່ວຽກງານ ປກຊ-ປກສ ແຂວງບໍ່ແກ້ວ, ອີງຕາມມະ ຕິຂອງກົມການເມືອງສູນກາງພັກ ສະບັບເລກທີ 031/ກມສພ, ລົງ ວັນທີ 3 ມັງກອນ 2018 ວ່າດ້ວຍ ວຽກງານຄຸ້ມຄອງພະນັກງານ, ອີງຕາມຫນັງສືສະເໜີຂອງຄະ ນະຈັດຕັ້ງສູນກາງພັກສະບັບ ເລກທີ 235/ຄຈສພ, ລົງວັນທີ 16 ພະຈິກ 2018, ດັ່ງນັ້ນຄະນະ ເລຂາທິການສູນກາງພັກ ຕົກລົງ ແຕ່ງຕັ້ງປະທານ ແລະ ຄະນະກຳ ມະການ ປກຊ-ປກສ ແຂວງບໍ່ ແກ້ວ ເຊິ່ງປະກອບດ້ວຍບັນດາ ສະຫາຍດັ່ງນີ້: ແຕ່ງຕັ້ງສະຫາຍ ປອ ບົວວົງ ນາມມະວົງ ເປັນປະ ທານຄະນະກຳມະການ ປກຊ- ປກສ ແຂວງບໍ່ແກ້ວ ແຕ່ງຕັ້ງສະ ຫາຍພັນເອກ ຖາວອນ ອິນທະວົງ ເປັນຮອງປະທານ ແລະ ແຕ່ງຕັ້ງ ສະຫາຍ ເພັງສອນ ແກ້ວວິໄລ ເປັນກຳມະການຄະນະ ປກຊ-ປກສ ແຂວງບໍ່ແກ້ວ.
ໂອກາດນີ້ທ່ານພົນໂທ ສຸວອນ ເລືອງບຸນມີ ໄດ້ໃຫ້ການໂອລົມ ແລະ ເນັ້ນຫນັກປະທານຄະນະ ກຳມະການ ປກຊ-ປກສ ພ້ອມ ດ້ວຍຄະນະທີ່ໄດ້ຮັບການແຕ່ງ ຕັ້ງໃນຄັ້ງນີ້ຈົ່ງຍົກສູງນຳ້ໃຈ ຄວາມຮັບຜິດຊອບ ແລະ ພ້ອມ ກັນເຮັດສຳເລັດຫນ້າທີ່ການ ເມືອງຂອງຕົນ ພ້ອມທັງຍົກສູງ
ໃຫ້ເຫັນສະພາບການທີ່ເກີດຂຶ້ນ
ໃນພາກພື້ນ, ສາກົນ ແລະ ຢູ່ພາຍ
ໃນປະເທດເຮົາ ເພື່ອໃຫ້ພະນັກ
ງານ-ນັກຮົບ ໄດ້ຮັບຮູ້ເຊື່ອມຊຶມ
ກຳແຫນ້ນ ແລະ ເປັນບ່ອນອີງ
ໃນການຈັດຕັ້ງປະຕິບັດຫນ້າທີ່ ວຽກງານ ໃນໄລຍະໃໝ່ໃຫ້ໄດ້ ຮັບຜົນດີ, ສືບຕໍ່ເອົາໃຈໃສ່ກໍ່ສ້າງ
ປັບປຸງກຳລັງທ້ອງຖິ່ນໃຫ້ມີ ຄວາມໜັກແໜ້ນເຂັ້ມແຂງ ໂດຍ
ສະເພາະກຳລັງ ປກຊ-ປກສ ໃຫ້
ມີຄວາມເຕີບໃຫຍ່ຂະຫຍາຍຕົວ ເພື່ອແກ້ໄຂບັນດາປາກົດການ ຫຍໍ້ທໍ້ຕ່າງໆພາຍໃນທ້ອງຖິ່ນໃຫ້
ໝົດໄປ ພ້ອມກັນເປັນເຈົ້າການ ນຳເອົາເນື້ອໃນຈິດໃຈຂອງກອງ ປະຊຸມໃຫຍ່ຄັ້ງທີ X ຂອງພັກ ໄປຈັດຕັ້ງຜັນຂະຫຍາຍຢ່າງມີ ປະສິດທິຜົນເອົາໃຈໃສ່ສ້າງເງື່ອນ
ໄຂອຳນວຍຄວາມສະດວກໃຫ້ແກ່
ສອງກຳລັງໃຫ້ເຮັດສຳເລັດຫນ້າ ທີ່ຂອງຕົນ.
ເນື່ອງໃນໂອກາດວັນສ້າງຕັ້ງ ກອງທັບປະຊາຊົນລາວຄົບຮອບ 70 ປີ ທີ່ຈະມາເຖິງໃນມໍ່ໆນີ້ ຈົ່ງ ພ້ອມກັນອອກແຮງແຂ່ງຂັນກັນ ສ້າງຜົນງານ ເພື່ອຂໍ່ານັບຮັບຕ້ອນ ວັນດັ່ງກ່າວໃຫ້ເປັນຂະບວນຟົດ ຟື້ນ ແລະ ເຕັມໄປດ້ວຍຄວາມ ໝາຍເລິກເຊິ່ງ.
ໂດຍ: ແສງສຸລີ ພົມມະຈັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ