POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ກອງປະຊຸມທາງໄກລະຫວ່າງສອງລັດຖະມົນຕີກະຊວງປ້ອງກັນປະເທດ ລາວ ແລະ ຍີ່ປຸ່ນ
ເວລາອອກຂ່າວ: 2021-06-23 14:25:57 | ຜູ້ຂຽນ : admin2 | ຈຳນວນຄົນເຂົ້າຊົມ: 424 | ຄວາມນິຍົມ:

ໃນວັນທີ 23 ມິຖຸນາ 2021 ນີ້ ສອງລັດຖະມົນຕີກະຊວງປ້ອງກັນປະເທດລາວ-ຍີ່ປຸ່ນໄດ້ຈັດກອງຊຸມຮ່ວມກັນ ເພື່ອປຶກສາຫາລືໃນຂົງເຂດວຽກງານຫຼາຍດ້ານ, ເຊິ່ງຝ່າຍລາວນໍາໂດຍ ທ່ານ ພົນເອກ ຈັນສະໝອນ ຈັນຍະລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ, ຝ່າຍຍີ່ປຸ່ນນໍາໂດຍ ທ່ານ ກີຊີ ໂນບຸ ລັດຖະມົນຕີກະຊວງປ້ອງກັນປະເທດຍີ່ປຸ່ນ. ໃນກອງປະຊຸມຄັ້ງນີ້, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ກໍ່ໄດ້ສະແດງຄວາມຍິນດີເປັນຢ່າງຍິ່ງ ທີ່ໄດ້ມີໂອກາດພົບປະກັບ ທ່ານ ກີຊີ ໂນບຸ, ລັດຖະມົນຕີກະຊວງປ້ອງກັນປະເທດຍີ່ປຸ່ນ, ເຊິ່ງທ່ານກ່າວວ່າ: ການຮ່ວມມືລະຫວ່າງສອງກອງທັບລາວ-ຍີ່ປຸ່ນ ໃຫ້ມີຄວາມໜັກ ແໜ້ນແບບເພື່ອນມິດ, ລວມທັງການຮ່ວມມືສອງຝ່າຍ ແລະ ຫຼາຍຝ່າຍ, ພ້ອມທັງໄດ້ສະແດງຄວາມຂອບໃຈປຍັງຝ່າຍຍີ່ປຸ່ນທີ່ໄດ້ໃຫ້ການຊ່ວຍເຫຼືອລັດຖະບານລາວໂດຍຕະຫລອດມາ, ໂດຍສະເພາະ ຍີ່ປຸ່ນໄດ້ໃຫ້ການຊ່ວຍເຫຼືອໃນການຝຶກອົບຮົມໃຫ້ແກ່ທິມງານສະກັດກັ້ນໄພພິບັດ ທີ່ຈັດຂຶ້ນນັບທັງຢູ່ລາວ ແລະ ຢູ່ຍີ່ປຸ່ນ, ການໃຫ້ທືນໃຫ້ແກ່ນັກສຶກສາທະຫານລາວໄດ້ໄປສຶກສາຢູ່ຍີ່ປຸ່ນ, ນອກນີ້ ສອງຝ່າຍຍັງໄດ້ພົວພັນປົກກະຕິໃນວຽກງານຫຼາຍດ້ານທີ່ໜ້າເພິ່ງພໍໃຈ. ໂອກາດນີ້ ໃນນາມລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ ຍັງໄດ້ສະເໜີຕໍ່ຝ່າຍກະຊວງປ້ອງກັນປະເທດຍີ່ປຸ່ນ ໃຫ້ສືບຕໍ່ແລກປ່ຽນຄະນະຜູ້ແທນໃນລະດັບຕ່າງໆ ໃນວຽກງານແຕ່ລະຂົງເຂດເປັນປົກກະຕິ, ສືບຕໍ່ໃນການຝຶກອົບຮົມວຽກງານສະກັດກັ້ນໄພພິບັດໃຫ້ຝ່າຍລາວ ແລະ ຖ້າເປັນໄປໄດ້ໃຫ້ມາຈັດຕັ້ງຝຶກແອບປະຕິບັດຕົວຈິງຢູ່ປະເທດລາວ, ພ້ອມນີ້ ກະຊວງປ້ອງກັນປະເທດຈະສືບຕໍ່ສົ່ງນັກສຶກສາທະຫານໄປສຶກສາທີ່ມະຫາວິທະຍາໄລປ້ອງກັນຊາດຂອງຍີ່ປຸ່ນ, ສໍາຄັນໄປກ່ວານັ້ນ ແມ່ນສອງກະຊວງປ້ອງກັນປະເທດຕ້ອງພ້ອມກັນສືບຕໍ່ສະເໜີລັດຖະບານຂອງຕົນໃນການສ້າງຕັ້ງຫ້ອງການທູດທະຫານປະຈຳຢູ່ປະເທດລາວ ແລະ ຍີ່ປຸ່ນ ໂອກາດນີ້ ທ່ານ ກີຊີ ໂນບຸ ລັດຖະມົນຕີກະຊວງປ້ອງກັນປະເທດຍີ່ປຸ່ນ ກໍ່ໄດ້ສະແດງຄາວມເຫັນດີນໍາຄໍາສະເໜີຂອງລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ ແລະ ພ້ອມໃຫ້ຄໍາໝັ້ນສັນຍາວ່າຈະຮັບເອົາຂໍ້ສະເໜີດັ່ງກ່າວນໍາໄປພິຈາລະນາ ແລະ ຈະພະຍາຍາມຫາວິທີໃນການຊ່ວຍເຫຼືອ ສປປ ລາວ. ນອກຈາກນີ້ແລ້ວ, ສອງລັດຖະມົນຕີຍັງໄດ້ປຶກສາຫາລືໃນການຮ່ວມມືເພື່ອຊ່ວຍແກ້ໄຂບັນຫາຕ່າງໆ ນັບທັງພາຍໃນ ແລະ ຕ່າງປະເທດໃນປະເທດພາກພື້ນ ແລະ ອາຊຽນອີກດ້ວຍ.

news to day and hot news