POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ຈະຈັດງານມະຫະກຳອຸດສາຫະກຳປຸ່ງແຕ່ງອາຫານນາໆຊາດ ຄັ້ງທີ 1 ປະຈະປີ 2019
ເວລາອອກຂ່າວ: 2019-01-22 10:09:17 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 290 | ຄວາມນິຍົມ:

ກະຊວງອຸດສາຫະກຳ ແລະ ການຄ້າຮ່ວມກັບບໍລິສັດ ເດີພັດ ໂປຣເຈັກ ຈຳກັດ( ThePlus Project ) ຈັດງານມະ ຫະກຳອຸດສາຫະກຳປຸງແຕ່ງອາ ຫານນາໆຊາດ ຄັ້ງທີ 1 ປະຈຳ ປີ 2019 ຂຶ້ນໃນລະຫວ່າງວັນທີ 15-19 ມີນາ 2019 ທີ່ສູນ ການຄ້າລາວ-ໄອ ເຕັກ (ຕຶກ ເກົ່າ). ທ່ານ ໄຊສົມເພັດ ນໍຣະສິງຫ໌ ຮັກສາການຫົວຫນ້າກົມສົ່ງເສີມ ການຄ້າ ກະຊວງອຸດສາຫະກຳ ແລະ ການຄ້າ ແລະ ທ່ານ ສຸກນິ ກອນ ລາດສະວົງ ປະທານບໍລິສັດ ເດີພັດ ໂປຣເຈັກ ຈຳກັດໄດ້ຖະ ແຫລງຂ່າວຕໍ່ສື່ມວນຊົນໃນວັນ ທີ15 ມັງກອນ 2019 ຢູ່ທີ່ສະ ພາການຄ້າ ແລະ ອຸດສາຫະກຳ ແຫ່ງຊາດລາວວ່າ: ຈຸດປະສົງ ຂອງການຈັດງານດັ່ງກ່າວກໍ ເພື່ອຈັດຕັ້ງຜັນຂະຫຍາຍແຜນພັດ ທະນາເສດຖະກິດ-ສັງຄົມຂອງ ຊາດໂດຍຕິດພັນກັບການຊຸກຍູ້ຜະ ລິດກະສິກຳ ແລະ ການຊອກຫາ ຕະຫຼາດໃຫ້ສິນຄ້າຂອງລາວເຂົ້າ ເຖິງໄດ້ທັງພາຍໃນ ແລະ ຕ່າງປະ ເທດ, ເຊິ່ງງານດັ່ງກ່າວແມ່ນມີ ຄວາມໝາຍສຳຄັນ ແລະ ຖື ວ່າເປັນການຈັດງານທີ່ວາງຄາດ ໝາຍໄວ້ເປັນງານລະດັບຊາດ ໃນ ພາກພື້ນ ເພື່ອສ້າງເວທີໃຫ້ຜູ້ປະ ກອບການທັງພາຍໃນ ແລະ ຕ່າງ ປະເທດ ໄດ້ໂຄສະນາສິນຄ້າກະ ສິກຳປຸງແຕ່ງຂອງຕົນ, ລວມທັງ ເຄື່ອງມືຮັບໃຊ້ການຜະລິດກະສິ ກຳທີ່ມາຈາກທ້ອງຖິ່ນ ແລະ ຕ່າງ ປະເທດເພື່ອໃຫ້ສັງຄົມລາວ ແລະ ຜູ້ເຂົ້າຮ່ວມງານໄດ້ຮັບຮູ້ ແລະ ກ້າວໄປເຖິງການສ້າງໂອກາດໃຫ້ຜູ້ປະກອບການພາຍໃນປະເທດເຮົາສາມາດຈັບຄູ່ຮ່ວມມື ການຄ້າ ແລະ ຊອກໂອກາດໃນ ການເປັນຕົວແທນຈຳໜ່າຍສິນ ຄ້າກະສິກຳອາຫານແປຮູບ ແລະ ສົ່ງອອກໄດ້. ປະເພດສິນຄ້າທີ່ຈະນຳມາວາງສະແດງພາຍໃນງານປະ ກອບມີ ສິນຄ້າກະສິກຳປຸງແຕ່ງ, ເຄື່ອງອຸປະໂພກ-ບໍລິໂພກ, ເຄື່ອງ ມືຮັບໃຊ້ການກະເສດ ຫລື ກະສິ ກຳການຜະລິດ, ການປຸງແຕ່ງເປັນ ສິນຄ້າ ແລະ ປະເພດເຄື່ອງດື່ມ, ອາຫານສຳເລັດຮູບຜະລິດຈາກ ສິນຄ້າກະສິກຳ, ພິເສດຍັງຈະມີວາງສະແດງສິນຄ້າຂອງປະເທດ ອາຊຽນ ແລະ ຜົນງານຂອງສອງ ກະຊວງທີ່ກ່ຽວຂ້ອງຂອງ ສປປ ລາວ ຈະໄດ້ນຳເອົາຜົນງານທີ່ເປັນ ນະວັດຕະກຳໃໝ່ມາວາງສະແດງ ແລະ ໂຄສະນາເຜີຍແຜ່ໃຫ້ສັງ ຄົມໄດ້ຊົມຕື່ມອີກ, ກິດຈະກຳພາຍ ໃນງານຍັງມີການສະແດງສິລະປະວັດທະນະທຳຈາກໂຮງຮຽນ ປັນຍາທິບ, ໂຮງຮຽນສິນໄຊ, ການ ວາງສະແດງ ແລະ ຈຳໜ່າຍຜະ ລິດຕະພັນລາວ, ແຂ່ງຂັນກິນອາ ຫານ, ການສອນເຮັດເຂົ້າໜົມ, ເບິ່ງການສາທິດການຜະລິດເຂົ້າ, ຊີມອາຫານລາວກັບເຂົ້າໜຽວ, ເຂົ້າຈ້າວລາວ, ຮ່ວມມ່ວນຊື່ນ ແລະ ຮຽນຮູ້ການກ່ຽວເຂົ້າ, ສີ ເຂົ້າ, ຕຳເຂົ້າ ແລະ ຝັດເຂົ້າ, ກິດຈະ ກຳເປີດຕະຫຼາດນັດຂອງບັນດາ ນັກສຶກສາແຕ່ລະສະຖາບັນພ້ອມ ກັບມ່ວນຊື່ນໄປກັບບັນຍາກາດ ທົ່ງນາຈຳລອງ ແລະ ຍັງມີຮ້ານ ອາຫານ, ບ່ອນນັ່ງສະບາຍໆໄວ້ ໃຫ້ກັບຜູ້ເຂົ້າຮ່ວມງານອີກດ້ວຍ. ສຳລັບເປົ້າໝາຍເຂົ້າຮ່ວມ ງານວາງສະແດງສິນຄ້າຄັ້ງນີ້ມີຜູ້ ຕາງໜ້າຈາກແຕ່ລະແຂວງ, ແຂວງ ລະ 1 ຫົວໜ່ວຍມາວາງສະແດງ ສິນຄ້າເຂົ້າ, ຫົວໜ່ວຍສິນຄ້າໂອ ດ໋ອບ, ບັນດາບໍລິສັດທີ່ມີຍີ່ຫໍ້ ຕ່າງໆ, ບໍລິສັດການກະເສດ, ເຄື່ອງ ມືການກະເສດ, ເຄື່ອງມືຫຸ້ມຫໍ່, ບັນດາກຸ່ມຜະລິດກະສິກຳສະອາດ ແລະ ກຸ່ມຜະລິດກະສິກຳອິນຊີ, ບັນດາໂຄງການ NGO ຂອງຕ່າງ ປະເທດທີ່ຊຸກຍູ້ສົ່ງເສີມກະສິກຳ ລາວ, ບັນດາປະເທດເພື່ອນມິດ ອ້ອມຂ້າງ ແລະ ບັນດາປະເທດ ອາຊຽນ ແລະ ກະຊວງກະສິກຳ (ກົມປູກຝັງ) ບັນດາໂຄງການ ຜະລິດແນວພັນເຂົ້າຕ່າງໆ. ໂດຍ: ນ.ຍ້ອມເພັດ

news to day and hot news