ວັນສຸກ, ວັນທີ 06 ທັນວາ 2024
ບັ້ນຮົບປົດປ່ອຍນໍ້າຍູ້
ເວລາອອກຂ່າວ: 2022-02-23 11:28:38 | ຜູ້ຂຽນ : admin1 | ຈຳນວນຄົນເຂົ້າຊົມ: 725 | ຄວາມນິຍົມ: 
ພາຍຫຼັງສັດຕູຖືກປະລາໄຊ ຫຼາຍບັ້ນຮົບໃນແຂວງຫຼວງນໍ້າ ທາ, ບັ້ນຮົບປົດປ່ອຍນໍ້າບາກໃນ ປີ 1968 ແລະ ບັ້ນຮົບອື່ນໆ ຢູ່ ພາກເໜືອລາວ, ຈັກກະພັດອາເມ ຣິກາ ແລະ ທະຫານຫຸ່ນວຽງ ຈັນໄດ້ເຕົ້າໂຮມກໍາລັງຫັນມາ ຈັ້ງທ່າຢູ່ເຂດນ້ໍາຍູ້ ແລະ ສ້າງ ແນວປ້ອງກັນການສູ້ຮົບຂຶ້ນ 3 ແຫ່ງຄື: ແນວປ້ອງກັນນ້ໍາຍູ້, ເມືອງເມິງ ແລະ ເມືອງວຽງພູ ຄາ ເພື່ອປັບປຸງກໍາລັງຂອງພວກ ເຂົາບຸກຕີເຂົ້າເຂດປົດປ່ອຍແຂວງ ຫຼວງນໍ້າທາ.
ດັ່ງນັ້ນ, ພວກເຂົາຈຶ່ງເຕົ້າ ໂຮມກໍາລັງຢ່າງຫຼວງຫຼາຍ ຈັດ ຕັ້ງເປັນກຸ່ມທະຫານລວມມີ 7 ກອງພັນ ຄື: BV 18, BV 101, BV 102 ແລະ BV 103 ພ້ອມ ດ້ວຍທະຫານມັກກີ 3 ກອງພັນ ແລະ ທະຫານເລວຮັບຈ້າງໄທ (ເສືອພານໄທ) 2 ກອງຮ້ອຍ, ມີທີ່ປຶກສາອາເມຣິກາ 5 ຄົນ. ນອກນີ້, ຍັງມີກໍາລັງຢູ່ຕາມບ້ານ ສູ້ຮົບຕື່ມອີກ ລວມທັງໝົດເກືອບ 3.000 ຄົນ, ເຊິ່ງຜູ້ບັນຊາແມ່ນ ພັນເອກ ຄໍາຜາຍ ວິໄລພັນ ແລະ ບຸນຊູ.
ເນື່ອງຈາກເປັນແນວປ້ອງກັນ ສູ້ຮົບຂອງສັດຕູ, ພວກເຂົາຈຶ່ງ ໄດ້ສຸມກໍາລັງພົນ, ອາວຸດທັນ ສະໄໝ ແລະ ພາຫະນະສົງຄາມ ເຂົ້າປະຈໍາການຢູ່ເຂດດັ່ງກ່າວ ເປັນເວລາຫຼາຍປີ. ເພື່ອຮັບໃຊ້ ໃຫ້ແກ່ສູນບັນຊາ ແລະ ແນວ ປ້ອງກັນພາກຕາເວັນຕົກສ່ຽງ ເໜືອຂອງລາວ, ພວກເຂົາໄດ້ ສ້າງສະໜາມບິນຢູ່ທັງ 3 ແນວ ປ້ອງກັນ ເຊິ່ງມີສູນບັນຊາການ ຢູ່ຫຼວງພະບາງ ແລະ ຫ້ວຍຊາຍ, ສ້າງທີມທະຫານເຂົ້າປະຈໍາ ເພື່ອ ເປັນກໍາແພງຕ້ານກໍາລັງປະຕິ ວັດລາວ ຕາມແນວປ້ອງກັນຫຼາຍ ກວ່າ 20 ທີ່ຕັ້ງ. ຈາກນັ້ນ, ກວາດ ຕ້ອນເອົາປະຊາຊົນອົບພະຍົບໄປ ເຂດຄວບຄຸມຊົ່ວຄາວຂອງພວກ ເຂົາ ໄດ້ເຮັດໃຫ້ແນວປ້ອງກັນ ຂອງສັດຕູ ນັບແຕ່ເບື້ອງຕາເວັນ ຕົກຂອງແຂວງຫຼວງນໍ້າທາ ຍາວ ຢຽດເຂົ້າເຂດວຽງພູຄາ ແລະ ລຽບຕາມທິດຕາເວັນຕົກຂອງ ເມືອງສິງກາຍເປັນເຂດສູ້ຮົບ ຂອງ 2 ກໍາລັງ ເພື່ອຍາດແຍ່ງ ແລະ ຍຶດທີ່ຕັ້ງຕ່າງໆຢູ່ຂົງເຂດນີ້.
ໂດຍປະຕິບັດຕາມທິດຊີ້ນໍາ ຂອງສູນກາງພັກ, ກອງບັນຊາ ການສູງສຸດຈັດຕັ້ງກໍາລັງເຄື່ອນ ໄຫວຕີໜີຮັດສັດຕູ, ກ້າວເຂົ້າຕີ ດັບສູນກໍາລັງຂອງສັດຕູຢູ່ເຂດ ນໍ້າຍູ້ ແລະ ເມືອງເມິງ. ບັ້ນຮົບ ຄັ້ງນີ້, ແມ່ນການປະສານສົມທົບ ລະຫວ່າງກໍາລັງຂອງລາວ ແລະ ກໍາລັງອາສາສະໝັກຫວຽດນາມ ແບ່ງເປັນ 3 ໄລຍະ ຄື:
ໄລຍະທີ I: ນັບແຕ່ວັນທີ 31 ທັນວາ 1972 ໄດ້ຈັດຕັ້ງກໍາລັງ ກອງພັນ 405 ແລະ ກອງຮ້ອຍ 48 ກໍາລັງຕີພິເສດຂອງແຂວງ ຫຼວງນໍ້າທາເຄື່ອນໄຫວຕີໜີບຮັດ ສັດຕູຢ່າງລຽນຕິດຢູ່ເຂດພູຄາ, ມົກຕະພູນ, ປາງຕຸມ, ມົກຄະ, ປາງຈູ, ກະຕາງກວາກ, ບ້ານ ນ້ໍາກ້ຽງ, ບ້ານນໍ້າທ່ຽວ, ປາງ ສະລ້າວ, ຕະລາຮົບ, ປາງປອດ, ຄະນຶງແພດ, ຄະນຶງລະເມດ, ນໍ້າເງິນ, ມົກສຸກທາຟ້າ ແລະ ພູ ສາມສຸມຢ່າງດຸເດືອດທີ່ສຸດ. ກໍາ ລັງພວກເຮົາໄດ້ດັບສູນສັດຕູທັງ ໝົດ 663 ຄົນ, ຈັບ ແລະ ອອກ ມາຍອມ 46 ຄົນ, ຍຶດອາວຸດ ໄດ້ 65 ກະບອກ ແລະ ປົດປ່ອຍ ປະຊາຊົນໄດ້ 600 ກວ່າຄອບ ຄົວ. ສັດຕູທີ່ເຫຼືອຕາຍໄດ້ປົບແລ່ນ ໄປທາງທິດນ້ໍາຍູ້ ແລະ ຫ້ວຍ ຊາຍ.
ໄລຍະທີ II: ນັບແຕ່ວັນທີ 12 ມີນາ 1973 ພາຍຫຼັງຕີໜີບ ຮັດສັດຕູໃຫ້ແຄບເຂົ້າເຕົ້າໂຮມ ກໍາລັງຂອງພວກເຂົາຢູ່ນໍ້າຍູ້, ກອງບັນຊາການສູງສຸດກໍຄືຄະ ນະບັນຊາດ້ານຮົບໄດ້ມອບໝາຍ ໜ້າທີ່ໃຫ້ກອງພັນ 408, ກອງ ພັນທີ 6 ກໍາລັງທະຫານອາສາ ສະໝັກຫວຽດນາມ ແລະ ກອງ ຮ້ອຍ 48 ກໍາລັງຕີພິເສດຂອງ ແຂວງຫຼວງນໍ້າທາເຄື່ອນເຂົ້າຍຶດ ສະໜາມ ເພື່ອຕີດັບສູນສັດຕູຢູ່ ນໍ້າຍູ້ ແລະ ເມືອງເມິງ ພ້ອມທັງ ຈັດຕັ້ງກໍາລັງກອງພັນ 405 ຈັ້ງ ທ່າຮັກສາຂອບເຂດວຽງພູຄາ ເປັນກໍາລັງສໍາຮອງ, ປ້ອມບັນ ຊາແນວໜ້າຂອງພວກເຮົາຕັ້ງຢູ່ ຍອດນໍ້າອ່ອງ (ຈຸດສູງ 7070) ບັນຊາໂດຍ ສະຫາຍ ບຸນຈັນ ແສງສະຫວ່າງ, ສະຫາຍ ກອງສີ, ສະຫາຍ ຄໍາອ້ວນ ແລະ ສະຫາຍ ເຈິນ, ປ້ອມບັນຊາແນວຫຼັງຕັ້ງຢູ່ ບ້ານບົມພຽງ ແຂວງຫຼວງນ້ໍາ ທາ ບັນຊາໂດຍ ສະຫາຍ ສົມສັກ ໄຊສົງຄາມ, ສະຫາຍ ສົມແພງ ແກ້ວບຸນຫວນ, ສະຫາຍ ຄໍາວົງ ວັນຄໍາ.
ຮອດເວລາ 03:00 ໂມງ ຂອງວັນທີ 14 ມີນາ 1973 ພວກເຮົາໄດ້ແຕກສຽງປືນ ແລະ ບຸກຕີສັດຕູຢູ່ນໍ້າຍູ້ ຢ່າງແຂງແຮງ ແລະ ດຸເດືອດທີ່ສຸດ ແຕ່ພວກ ສັດຕູໄດ້ຕີຕ້ານຢ່າງຮ້າຍກາດ ຈົນຮອດເວລາ 07:00 ໂມງ ຂອງວັນດຽວກັນ ພວກສັດຕູ ຕ້ານທານບໍ່ໄຫວຈຶ່ງແຕກໜີຊະ ຊາຍໄປທາງທິດເມືອງເມິງ, ພວກເຮົາເປັນເຈົ້າການສະໜາມ ຮົບ ສາມາດປັດເຂ່ຍສັດຕູອອກ ຈາກວົງສູ້ຮົບ 353 ຄົນ, ດັບ ສູນ 97 ຄົນ, ຈັບ ແລະ ອອກ ມາຍອມ 149 ຄົນ, ຍຶດອາວຸດ 249 ກະບອກ, ທໍາລາຍຈະ ຫຼວດໜ້າດິນ 13 ລູກ, ຍຶດສາງ ອາວຸດ-ກະສຸນ 2 ແຫ່ງ, ສາງ ເຄື່ອງອຸປະໂພກ 2 ແຫ່ງ, ສາງ ນ້ໍາມັນ 2 ແຫ່ງ, ຍຶດໂທລະເລກ 15 ເຄື່ອງ, ໂຟນີ 105 ເຄື່ອງ, ຍຶດລົດ 6 ຄັນ. ກໍາລັງຝ່າຍເຮົາ ເສຍສະຫຼະ 12 ສະຫາຍ, ບາດ ເຈັບ 18 ສະຫາຍ. ຫຼັງຈາກນັ້ນ, ສັດຕູໄດ້ໃຊ້ຍົນ T-28 ຫຼາຍ ຖ້ຽວມາຍິງທໍາລາຍສາງເຄື່ອງ, ສາງນ້ໍາມັນດັ່ງກ່າວຖືກໄຟໄໝ້ ໝົດກ້ຽງ.
ໄລຍະທີ III: ນັບແຕ່ວັນທີ 15 ມີນາ 1973 ເພື່ອສືບຕໍ່ປະຕິ ບັດຕາມແຜນການຂອງດ້ານຮົບ ພວກເຮົາໄດ້ຈັດຕັ້ງກໍາລັງໄລ່ຕີ ສັດຕູໄປທາງທິດເມືອງເມິງ. ພາຍຫຼັງກໍາລັງຂອງພວກເຮົາ ໄປຮອດເມືອງເມິງໄດ້ຂະ ຫຍາຍ
ກໍາລັງບຸກເຂົ້າ 3 ທິດ ຢ່າງແຂງ ແຮງ ແຕ່ສັດຕູໄດ້ຕອບຕ້ານພວກ
ເຮົາຄືນຢ່າງຮ້າຍແຮງໃນທີ່ສຸດ ສັດຕູໄດ້ປົບແລ່ນໄປທາງທິດ ຕັ້ງອໍ້ ແລະ ຜາແດງ. ພວກເຮົາ ເປັນເຈົ້າການສະໜາມຢ່າງມີ ໄຊ ໄດ້ດັບສູນສັດຕູຈໍານວນ ໜຶ່ງ.
ຈາກນັ້ນ, ດ້ານຮົບຈັດຕັ້ງກໍາລັງ ຈໍານວນໜຶ່ງຈັ້ງທ່າຮັກສາເມືອງ ເມິງ ເຫຼືອນັ້ນ, ກັບຄືນນໍ້າຍູ້.
ວັນທີ 16 ມີນາ 1973 ສັດຕູ ໄດ້ບຸກຕີ ແລະ ຍຶດເອົາເມືອງ ເມິງຄືນ. ມາເຖິງວັນທີ 20 ມີ ນາ 1973 ກອງພັນທີ 6 ກໍາ ລັງອາສາສະໝັກຫວຽດນາມ ສົມ ທົບກັບກອງຮ້ອຍ 48 ກໍາລັງຕີ ພິເສດຂອງແຂວງຫຼວງນໍ້າທາ ໄດ້ຕ່າວໂຈມຕີສັດຕູຢູ່ເມືອງເມິງ ຮອບທີສອງ ເຊິ່ງເລີ່ມແຕກສຽງ ປືນນັບແຕ່ເວລາ 11:00 ໂມງ ຈົນເຖິງ 14:00 ໂມງ ຈິ່ງສໍາ ເລັດ ພວກເຮົາໄດ້ເປັນເຈົ້າການ ສະໜາມ. ພວກສັດຕູພາກສ່ວນ ທີ່ເຫຼືອຕາຍໄດ້ປົບແລ່ນໄປທາງ ທິດຫ້ວຍຊາຍ, ຜາແດງ, ຕັ້ງອໍ້ ເມືອງຕົ້ນເຜິ້ງ. ຮອດວັນທີ 21 ມີນາ 1973 ບັ້ນຮົບປົດປ່ອຍນໍ້າ ຍູ້ໄດ້ສິ້ນສຸດລົງ ແລະ ຈັດຕັ້ງ ກໍາລັງກອງພັນ 405 ຈັ້ງທ່າຮັກ ສາເຂດນໍ້າຍູ້, ສ່ວນກອງພັນ 408, ກອງພັນທີ 6 ແລະ ກອງ ຮ້ອຍ 48 ຕີພິເສດໄດ້ກັບຄືນ ປັບປຸງກໍາລັງຢູ່ນໍ້າທາ.
ໄຊຊະນະບັ້ນຮົບປົດປ່ອຍນໍ້າ ຍູ້ເປັນການຕີທັບມ້າງກົນອຸບາຍ ຍຸດທະສາດການທະຫານຂອງ ພວກຈັກກະພັດອາເມຣິກາ ແລະ ລູກແຫຼ້ງຕີນມືໃຫ້ປະລາໄຊລົງ. ຕີດັບສູນກໍາລັງດິບ, ທໍາລາຍ ແລະ ຍຶດພາຫະນະສົງຄາມໄດ້ ຢ່າງຫຼວງຫຼາຍ, ເປີດກວ້າງເຂດ ປົດປ່ອຍທິດຕາເວັນຕົກຂອງ ແຂວງຫຼວງນໍ້າທາໃນເວລານັ້ນ ໃຫ້ຕິດລຽນ ແລະ ຕໍ່ເນື່ອງ, ເປັນ ການເປີດທາງ, ສ້າງເງື່ອນໄຂ ໃຫ້ແກ່ການປັກຫຼັກໝາຍຢູ່ເຂດ ຍາດແຍ່ງບ້ານປຸງກ້າວເຖິງປິດ ລັບຫຼອນຕີສັດຕູຢູ່ຄ້າຍ 10 ແລະ ຍຶດອໍານາດຢູ່ຫ້ວຍຊາຍ, ເປັນການປະສານສົມທົບຢ່າງ ຄ່ອງແຄ້ວ ລະຫວ່າງກໍາລັງປະ ກອບອາວຸດທ້ອງຖິ່ນຂອງລາວ ກັບກໍາລັງອາສາສະໝັກຫວຽດ ນາມ ພ້ອມກັນຕີທັບມ້າງແນວ ປ້ອງກັນຂອງສັດຕູຢູ່ນາໍ້ຍູ້ ແລະ ເມືອງເມິງ ໃຫ້ແຕກທະລາຍຢ່າງ ສິ້ນເຊີງ.
ຮຽບຮຽງ ໂດຍ:
ບຸນທະວີ ອິນທະມິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
