POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ໝາກຜົນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນ ຄັ້ງທີ V ໄລຍະກາງສະໄໝ ຂອງອົງຄະນະພັກທະຫານແຂວງບໍ່ແກ້ວ
ເວລາອອກຂ່າວ: 2022-08-30 09:50:29 | ຜູ້ຂຽນ : admin3 | ຈຳນວນຄົນເຂົ້າຊົມ: 682 | ຄວາມນິຍົມ:

ອົງຄະນະພັກ ກອງບັນຊາ ການທະຫານແຂວງບໍ່ແກ້ວ ຍາມໃດກໍເຊີດຊູບົດບາດການນຳພາຂອງພັກ ເຂົ້າໃນຂົງເຂດວຽກງານ ໂດຍສະເພາະແມ່ນການນຳພາຈັດຕັ້ງປະຕິບັດກອງ ປະຊຸມໃຫຍ່ຜູ້ແທນ ຄັ້ງທີ V ໄລຍະກາງສະໄໝ ເຊິ່ງສາມາດສ້າງໄດ້ຜົນສຳເລັດຫຼາຍດ້ານ ອັນສຳຄັນແມ່ນການຮັບປະ ກັນໃຫ້ທ້ອງຖິ່ນແຂວງບໍ່ແກ້ວມີຄວາມສະຫງົບໂດຍພື້ນຖານ, ປະກອບສ່ວນສຳຄັນເຮັດໃຫ້ເສດ ຖະກິດຂອງແຂວງຂະຫຍາຍຕົວຕໍ່ເນື່ອງ ປະຊາຊົນບັນດາເຜົ່າຍູ່ທ່າງທຳມາຫາກິນພັດທະນາຊີວິດການເປັນຢູ່ດີຂຶ້ນເປັນກ້າວໆ. ອີງຕາມບົດສະຫຼຸບທີ່ ສະ ຫາຍ ພັນເອກ ບຸນມີ ພາມີໄຊ ກຳ ມະການຄະນະປະຈຳພັກແຂວງ ເລຂາຄະນະພັກ ຫົວໜ້າການ ເມືອງ ກອງບັນຊາການທະຫານແຂວງບໍ່ແກ້ວ ລາຍງານຕໍ່ກອງປະຊຸມປະເມີນຜົນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນ ຄັ້ງທີ V ໄລຍະກາງສະ ໄໝ ແລະ ທິດທາງແຜນການໄລຍະທ້າຍສະໄໝ ຂອງອົງຄະນະພັກກອງບັນ ຊາການທະຫານແຂວງບໍ່ແກ້ວ ທີ່ຈັດຂຶ້ນໃນວັນທີ 24 ສິງຫາ 2022 ນີ້, ໂດຍການເຂົ້າຮ່ວມຂອງສະຫາຍ ປອ ບົວຄົງ ນາມມະວົງ ກຳມະການສູນ ກາງພັກ ເລຂາພັກແຂວງ ເຈົ້າ ແຂວງ ແຂວງບໍ່ແກ້ວ, ສະຫາຍ ພົນຈັດຕະວາ ແສງມະນີວອນ ຄຳມະນີ ກຳມະການຄະນະພັກກະ ຊວງປ້ອງກັນປະເທດ ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ໃຫ້ຮູ້ວ່າ: ອົງຄະນະພັກກອງບັນຊາການທະຫານແຂວງ ບໍ່ແກ້ວ ຍາມໃດກໍເອົາໃຈໃສ່ເຊີດ ຊູຄວາມຮັບຜິດຊອບຕໍ່ໜ້າທີ່ການເມືອງ, ເປັນແກນນຳຫຼັກແຫຼ່ງໃນການຄົ້ນຄວ້າຫັນເອົາແນວທາງນະໂຍບາຍ, ມະຕິ, ຄຳ ສັ່ງຂອງສູນກາງພັກ, ມະຕິຂອງ ຄະນະພັກກະຊວງປ້ອງກັນປະ ເທດ, ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງບໍ່ແກ້ວ ແລະ ມະຕິກອງປະຊຸມໃຫຍ່ ຄັ້ງທີ V ຂອງຄະນະບໍລິຫານງານພັກກອງບັນຊາການທະຫານແຂວງບໍ່ແກ້ວ ມາເປັນແຜນການແຜນງານອັນລະອຽດ ພ້ອມທັງ ມອບໝາຍໜ້າທີ່ໃຫ້ຄະນະພັກຊີ້ນຳແຕ່ລະວຽກງານຕາມພາລະບົດບາດໜ້າທີ່ ແລະ ຄວາມຮັບ ຜິດຊອບຂອງແຕ່ລະສະຫາຍບົນ ພື້ນຖານປະຕິບັດຕາມຫຼັກການ ປະຊາທິປະໄຕ ເຮັດວຽກເປັນໝູ່ ຄະນະແບ່ງວຽກໃຫ້ບຸກຄົນຮັບ ຜິດຊອບ ພ້ອມທັງມີການສະຫຼຸບຕີລາຄາໝາກຜົນການນຳພາແຕ່ໄລຍະເປັນປົກກະຕິ ອັນໄດ້ເຮັດ ໃຫ້ບົດບາດການນຳພາຂອງ ພັກຕໍ່ອົງຄະນະພັກທະຫານແຂວງ ບໍ່ແກ້ວນັບມື້ມີຄວາມເຂັ້ມແຂງ ແລະ ໄດ້ຮັບຄວາມເຊື່ອໝັ້ນຈາກ ພະນັກງານ, ສະມາຊິກພັກໃນທົ່ວ ທະຫານແຂວງ. ດ້ານວຽກງານ ການເມືອງ-ແນວຄິດ ໄດ້ເອົາໃຈ ໃສ່ສຶກສາອົບຮົບການເມືອງ-ນຳ ພາແນວຄິດໃຫ້ພະນັກງານ, ສະ ມາຊິກພັກ, ນັກຮົບ ມີຄວາມເຊື່ອໝັ້ນຕໍ່ການນຳພາຂອງພັກ ແລະ ການຄຸ້ມຄອງຂອງລັດ, ມີຄວາມໜັກແໜ້ນທາງດ້ານການເມືອງ, ມີຄຸນສົມບັດສິນທຳປະຕິວັດ, ມີແບບແຜນວິທີເຮັດວຽກ ແລະ ແບບແຜນດຳລົງຊີວິດທີ່ດີ, ມີຄວາມສັດຊື່ບໍລິສຸດຈົງຮັກພັກດີຕໍ່ປະເທດຊາດ ແລະ ຕໍ່ປະຊາຊົນ, ຕື່ນຕົວປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດ ທະນາປະເທດຊາດ; ໄດ້ຈັດຕັ້ງນຳພາ-ຊີ້ນຳພະນັກງານລົງກໍ່ ສ້າງຮາກຖານການເມືອງໃນ ຂອບເຂດຮັບຜິດຊອບເປັນປະຈຳໂດຍການເສີມຂະຫຍາຍມູນເຊື້ອອັນດີງາມຂອງກອງທັບ, ມູນເຊື້ອການຊ່ວຍເຫຼືອເຊິ່ງກັນ ແລະ ກັນ ລະຫວ່າງກອງທັບກັບປະຊາຊົນຄືປາກັບນ້ຳ. ໃນນີ້, ສາມາດນຳ ພາສ້າງບ້ານ ແລະ ຄອບຄົວປ້ອງ ກັນຊາດເຂັ້ມແຂງໄດ້ 22 ບ້ານ, ມີ 5.305 ຄອບຄົວ, ສ້າງບ້ານປ້ອມໝັ້ນ-ກຸ່ມບ້ານສູ້ຮົບຕິດລຽນໄດ້ 36 ກຸ່ມບ້ານ. ວຽກງານ ຮັບປະກັນເຕັກນິກ ດ້ວຍຄວາມ ເອົາໃຈໃສ່ຂອງຄະນະພັກກອງບັນຊາການ ແລະ ຄວາມຮັບຜິດ ຊອບຂອງຄະນະພັກແຕ່ລະຂັ້ນ, ພະນັກງານ-ນັກຮົບແຕ່ລະສະ ຫາຍ ໃນການປົກປັກຮັກສາອາ ວຸດ-ກະສຸນ ສາມາດຮັບປະກັນການກຽມພ້ອມສູ້ຮົບໄດ້ 100% ແລະ ພາຫະນະເຕັກນິກຮັບໃຊ້ ຮັບປະກັນໄດ້ 90% ຂຶ້ນໄປ. ວຽກງານພະລາທິການ ໂດຍຍົກສູງນ້ຳໃຈ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເຮັດໃຫ້ຫຼາຍກົມກອງມີຊີວິດການເປັນຢູ່ດີຂຶ້ນ, ສະ ຖານທີ່ຄ້າຍຄູ, ທີ່ຢູ່ອາໄສ ກໍໄດ້ ຮັບການປັງປຸງແບບຖາວອນ, ເຄິ່ງຖາວອນ, ການປະຕິບັດການ ຄຸ້ມຄອງ ແລະ ເບີກຈ່າຍຖືກຕ້ອງ ຕາມລະບອບອັດຕາທີ່ພັກ-ລັດ ແລະ ກອງທັບໄດ້ກຳນົດໄວ້; ວຽກງານພົວພັນຮ່ວມມືກັບຕ່າງ ປະເທດ ກໍໄດ້ປະຕິບັດແນວທາງການຕ່າງປະເທດຂອງພັກຢ່າງຖືກຕ້ອງ ໂດຍພົວພັນແໜ້ນກັບບັນດາປະເທດເພື່ອນມິດຍຸດທະສາດ, ປະເທດເພື່ອນບ້ານດ້ວຍການຮ່ວມມືແກ້ໄຂບັນຫາຕ່າງໆທີ່ເກີດຂຶ້ນ ອັນໄດ້ເຮັດໃຫ້ບໍລິເວນຊາຍແດນລະຫວ່າງປະເທດ ມີຄວາມສະຫງົບໂດຍພື້ນຖານ. ໂອກາດເຂົ້າຮ່ວມກອງປະ ຊຸມດັ່ງກ່າວ ສະຫາຍ ປອ ບົວຄົງ ນາມມະວົງ ໄດ້ກ່າວສະແດງ ຄວາມຍ້ອງຍໍຊົມເຊີຍຕໍ່ໝາກຜົນ ແຫ່ງການຊີ້ນຳ-ນຳພາຂອງອົງ ຄະນະພັກ ກອງບັນຊາການທະ ຫານແຂວງບໍ່ແກ້ວ ກໍຄືຄະນະພັກແຕ່ລະຂັ້ນ ທີ່ເອົາໃຈໃສ່ນຳພາ-ຊີ້ນຳພະນັກງານ-ສະມາຊິກພັກ ແລະ ນັກຮົບ ຈັດຕັ້ງປະຕິບັດໜ້າ ທີ່ວຽກງານຢ່າງຂະຫຍັນຂັນ ແຂງ ບໍ່ຮູ້ອິດຮູ້ເມື່ອຍ ເຮັດໃຫ້ ທ້ອງຖິ່ນແຂວງບໍ່ແກ້ວ ມີຄວາມ ສະຫງົບສຸກ, ພື້ນຖານໂຄງລ່າງ ໄດ້ຮັບການພັດທະນາເຕີບໃຫຍ່ເຂັ້ມແຂງ. ສະຫາຍເຈົ້າແຂວງ ແຂວງບໍ່ແກ້ວ ຍັງຮຽກຮ້ອງໃຫ້ກຳລັງປະກອບອາວຸດທ້ອງຖິ່ນແຂວງບໍ່ແກ້ວ ຈົ່ງພ້ອມກັນສືບຕໍ່ປະຕິບັດໜ້າທີ່ການເມືອງຂອງຕົນຢ່າງຕັ້ງໜ້າ, ຕັ້ງໜ້າປັບປຸງກໍ່ສ້າງກຳລັງໃຫ້ໜັກແໜ້ນເຂັ້ມແຂງທຸກດ້ານ, ເພີ່ມທະວີຄວາມສາມັກຄີເປັນເອ ກະພາບພາຍໃນ-ພາຍນອກໃຫ້ແໜ້ນແຟ້ນ, ສືບຕໍ່ເສີມຂະຫຍາຍມູນເຊື້ອປະຕິວັດອັນດີງາມຂອງກອງທັບ ກໍຄືກົມກອງຢ່າງບໍ່ຢຸດຢັ້ງ. ໂດຍ: ວໍລະສິດ ພິດສະຫາຍ

news to day and hot news