POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ມູນເຊື້ອການກຳເນີດ ແລະ ເຕີບໃຫຍ່ຂະຫຍາຍຕົວຂອງສະຫະພັນນັກຮົບເກົ່າ ແຫ່ງຊາດລາວ
ເວລາອອກຂ່າວ: 2022-09-09 10:09:08 | ຜູ້ຂຽນ : admin3 | ຈຳນວນຄົນເຂົ້າຊົມ: 771 | ຄວາມນິຍົມ:

(ຕໍ່ຈາກສະບັບກ່ອນ)ມະຕິ, ຄຳສັ່ງຂອງພັກ, ລະບຽບກົດໝາຍຂອງລັດ, ຈັດຕັ້ງປາຖະ ກະຖາມູນເຊື້ອ, ເຜີຍແຜ່ສະພາບ ການ, ໂຮມຊຸມນຸມສະເຫຼີມສະ ຫຼອງວັນປະຫວັດສາດສຳຄັນຂອງຊາດ, ຂອງພັກ-ລັດ, ຂອງກຳລັງປະກອບອາວຸດ ແລະ ອົງການຈັດຕັ້ງຂັ້ນຂອງຕົນ, ຈັດຕັ້ງ ເຊື່ອມຊຶມມະຕິ, ຄຳສັ່ງ, ກົດລະ ບຽບຂອງສະຫະພັນນັກຮົບເກົ່າແຫ່ງຊາດລາວ ຢ່າງທົ່ວເຖິງ. ທຸກໆ ວັນບຸນຂອງພັກ, ຂອງລັດ, ກຳລັງປະກອບອາວຸດ ແລະ ນັກ ຮົບເກົ່າ ສະຫະພັນນັກຮົບເກົ່າ ແຕ່ລະຂັ້ນໄດ້ຈັດຕັ້ງພະນັກງານ ການນຳຂອງຕົນ ເຄື່ອນໄຫວປາ ຖະກະຖາຢູ່ແຫ່ງຕ່າງໆ ເພື່ອຫວນ ຄືນມູນເຊື້ອ ແລະ ຜົນງານອັນໂດດເດັ່ນ ມີເນື້ອໃນຄວາມໝາຍ ສຳຄັນ ແລະ ເປັນການສຶກສາອົບ ຮົມແນວຄິດໃຫ້ແກ່ພະນັກງານ, ລັດຖະກອນໄດ້ເຊື່ອມຊຶມກຳແໜ້ນ ແລະ ສືບຕໍ່ຮໍ່າຮຽນເອົາມູນເຊື້ອຂອງພໍ່ແມ່ອາວອາ, ປ້າລຸງ ທີ່ໄດ້ສ້າງໃນ ໄລຍະຜ່ານມາ. ນອກນີ້,ຍັງໄດ້ຊຸກຍູ້ຂະບວນການແຂ່ງຂັນ 3 ດີ 6 ຮັກສາ ຂອງສະຫະພັນນັກຮົບເກົ່າ ຕິດພັນກັບຂະບວນການແຂ່ງຂັນ “ຮັກຊາດ ແລະ ພັດທະນາ”, ປະຕິບັດວຽກງານ 3 ສ້າງ ຫັນລົງກໍ່ສ້າງຮາກຖານຢ່າງເປັນຂະບວນການຟົດຟື້ນ ເຮັດໃຫ້ມີນັກຮົບເກົ່າ 3 ດີ 6 ຮັກ ສາ 16 ພັນກວ່າສະຫາຍ ກວມ 32%, ສະຫະພັນນັກຮົບເກົ່າ 3 ດີ 6 ຮັກສາ ຂັ້ນບ້ານ, ຂັ້ນເມືອງ, ຂັ້ນແຂວງ ກໍນັບມື້ນັບເພີ່ມຂຶ້ນເລື້ອຍໆ. ສອງ. ປະຕິບັດພາລະບົດບາດເປັນຕົວແທນແຫ່ງສິດ ແລະ ຜົນປະໂຫຍດອັນຊອບທຳຂອງນັກ ຮົບເກົ່າ ຕາມແນວທາງ, ແຜນນະໂຍບາຍຂອງພັກ-ລັດ: ຄະນະນຳສະຫະພັນນັກຮົບເກົ່າແຫ່ງຊາດລາວ ໄດ້ນຳພາ-ຊີ້ນຳ ແລະ ຈັດຕັ້ງເຄື່ອນໄຫວວຽກງານ ຂອງຕົນ ຕາມແນວທາງແຜນນະ ໂຍບາຍຂອງພັກ-ລັດ ແລະ ອຸດົມການຂອງຖັນແຖວນັກຮົບເກົ່າ, ສະຫະພັນນັກຮົບເກົ່າແຫ່ງຊາດລາວ ໄດ້ເປັນໃຈກາງໃນການຮັບຟັງ ແລະ ສັງລວມຄວາມຄິດ, ຄວາມເຫັນຂອງນັກຮົບເກົ່າ ເພື່ອ ສ່ອງແສງໃຫ້ຂັ້ນເທິງ ແລະ ຂໍທິດ ຊີ້ນຳໃນການແກ້ໄຂເປັນປະຈຳ. ເອົາໃຈໃສ່ຕິດຕາມ, ຊຸກຍູ້ການ ປະຕິບັດເງິນນະໂຍບາຍປ່ຽນ ແທນໂກຕາລົດ ຈຳນວນ 1.994 ສະຫາຍ, ນະໂຍບາຍຕໍ່ວິລະຊົນ ແຫ່ງຊາດ 51 ສະຫາຍ, ນັກຮົບແຂ່ງຂັນ 294 ສະຫາຍ, ນະ ໂຍບາຍແກ້ໄຂບຳນານຄືນ 2.721 ສະຫາຍ, ສະເໜີນະໂຍ ບາຍປຸກສ້າງເຮືອນໃຫ້ນັກຮົບເກົ່າຜູ້ທີ່ທຸກຍາກປ່ຽວພອຍ 21 ຫຼັງ, ຍາດແຍ່ງທຶນຊ່ວຍເຫຼືອຜ່າຕັດແກ່ນຕາຂຸ້ນໃຫ້ນັກຮົບເກົ່າ 232 ສະຫາຍ. ປັດຈຸບັນ ກົງຈັກສະຫະພັນນັກຮົບເກົ່າຂັ້ນແຂວງ ມີ 17 ແຂວງ ແລະ ນະ ຄອນຫຼວງວຽງຈັນ, ຂັ້ນເມືອງສ້າງຕັ້ງທັງໝົດ 15 ເມືອງ ແລະ 3 ນະຄອນ, ສະຫະພັນນັກຮົບເກົ່າຂັ້ນບ້ານທັງໝົດ 1.726 ບ້ານ ເພີ່ມຂຶ້ນ 536 ໜ່ວຍທຽບໃສ່ປີ 2010; ສະມາຊິກນັກຮົບເກົ່າທັງໝົດ 59.413 ສະຫາຍກວມເອົາ 72,25% ຂອງຈຳນວນນັກຮົບເກົ່າທັງໝົດ ເພີ່ມຂຶ້ນ 9.231 ສະຫາຍທຽບໃສ່ປີ 2010, ຄະນະບໍລິຫານງານຂັ້ນສູນກາງ 27 ສະຫາຍ, ຂັ້ນແຂວງ 221 ສະຫາຍ, ຂັ້ນເມືອງ 1.608 ສະຫາຍ, ຂັ້ນບ້ານ 3.460 ສະຫາຍ, ສາມາດອອກ ບັດສະມາຊິກນັກຮົບເກົ່າໄດ້ 12.295 ບັດ ກວມເອົາ 20,6% ຂອງສະມາຊິກທັງໝົດ. ອັນພົ້ນເດັ່ນ ໃນປີ 2018 ກົດໝາຍ ວ່າດ້ວຍສະຫະພັນນັກຮົບເກົ່າແຫ່ງຊາດລາວ ໄດ້ຖືກຮັບຮອງເອົາຢ່າງເປັນທາງການ ໃນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII, ເຊິ່ງເປັນຂີດໝາຍປະຫວັດສາດຂອງສະຫະພັນນັກຮົບເກົ່າແຫ່ງຊາດລາວ ທີ່ມີນິຕິກຳໃນການປົກປ້ອງສິດ ແລະ ຜົນປະໂຫຍດອັນຊອບທຳໂດຍແທ້ຈິງ ຕໍ່ພະນັກ ງານ-ນັກຮົບເກົ່າ. ສາມ. ການປຸກລະດົມຖັນແຖວນັກຮົບເກົ່າ ປະກອບສ່ວນເຂົ້າໃນການຄຸ້ມຄອງລັດ, ຄຸ້ມຄອງສັງຄົມ: ຖັນແຖວນັກຮົບເກົ່າສ່ວນຫຼວງຫຼາຍ ໄດ້ສູ້ຊົນພັດທະນາຕົນເອງໃນດ້ານຕ່າງໆ ຢ່າງຕັ້ງໜ້າ ເຮັດໃຫ້ມີຄອບຄົວວັດທະນະທຳ, ຄອບຄົວປອດຄະດີ, ຄອບຄົວພັດທະນາ ແລະ ຫຼາຍຄອບຄົວສາມາດຫຼຸດພົ້ນອອກຈາກຄວາມທຸກຍາກ, ພ້ອມທັງປະກອບສ່ວນຊີ້ນຳ-ນຳພາວຽກງານຂອງບ້ານ ແລະ ຈັດຕັ້ງປະຕິບັດວຽກງານ 3 ສ້າງບັນລຸຜົນສຳເລັດ. ບັນດາສະ ຫາຍນັກຮົບເກົ່າ, ສ່ວນຫຼວງຫຼາຍ ໄດ້ຍົກສູງສະຕິຄວາມເປັນແບບ ຢ່າງໃຫ້ແກ່ຄົນຮຸ່ນໜຸ່ມ, ດຳລົງຊີວິດປອດໃສ, ປະກອບສ່ວນສຶກສາອົບຮົມລູກຫຼານຢູ່ຮາກຖານ, ປຸກລະດົມ ຊາວໜຸ່ມປະຕິບັດພັນທະປ້ອງກັນຊາດ-ປ້ອງກັນຄວາມສະຫງົບ. ຍາມໃດ, ນັກຮົບເກົ່າ ແລະ ສະມາຊິກນັກຮົບເກົ່າ ກໍໄດ້ຮັບຄວາມເຊື່ອໝັ້ນ ແລະ ເຄົາລົບນັບຖືຈາກອຳ ນາດການປົກຄອງ ກໍຄືປະຊາຊົນຊັ້ນຄົນຕ່າງໆຢູ່ຮາກຖານເປັນຢ່າງດີ ແລະ ຈຳນວນໜຶ່ງໄດ້ ຮັບການມອບໝາຍໃຫ້ເປັນນາຍ ບ້ານ, ທີ່ປຶກສາຄະນະພັກ, ແນວລາວ ແລະ ຮັບຜິດຊອບວຽກງານອົງການຈັດຕັ້ງສະຫະພັນແມ່ຍິງ. ສີ່. ການປະຕິບັດໜ້າທີ່ໃນການປຸກລະດົມສະມາຊິກນັກຮົບເກົ່າ ສ້າງເສດຖະກິດ, ແກ້ໄຂຊີວິດການເປັນຢູ່ແກ້ໄຂຄວາມທຸກຍາກ ແລະ ພັດທະນາພື້ນຖານໂຄງລ່າງຂອງ ສນຫລ. ສະຫະພັນນັກ ຮົບເກົ່າແຕ່ລະຂັ້ນ, ສະມາຊິກນັກຮົບເກົ່າສ່ວນຫຼວງຫຼາຍ ໄດ້ເປັນເຈົ້າການນຳພາການຜະລິດສ້າງແຫຼ່ງລາຍຮັບ ເພື່ອແກ້ໄຂຊີວິດການເປັນຢູ່, ເບິ່ງແຍງ, ຊ່ວຍເຫຼືອເຊິ່ງກັນ ແລະ ກັນ ໃນຍາມພົບຄວາມຫຍຸ້ງຍາກ ໂດຍຖືເອົາການຜະລິດກະສິກຳ ປູກຝັງ-ລ້ຽງສັດ, ການບໍລິການ ເຮັດໃຫ້ຄອບຄົວນັກຮົບເກົ່າທີ່ທຸກຍາກໄດ້ຮັບການພັດທະນາ ແລະ ປັບປຸງຕົນເອງ ໃຫ້ແທດເໝາະກັບການດຳລົງຊີວິດ ໃນເງື່ອນໄຂໃໝ່ ເຮັດໃຫ້ຄອບຄົວນັກຮົບເກົ່າທຸກຍາກຫຼຸດລົງ. ຮອດປັດຈຸບັນ ພວມຈັດຕັ້ງປະຕິບັດໂຄງການແກ້ໄຂປຸກສ້າງເຮືອນໃຫ້ນັກຮົບເກົ່າຜູ້ທຸກຍາກປ່ຽວພອຍຂາດທີ່ຢູ່ອາໄສ. ການສ້າງກອງທຶນໃນ ຮູບແບບຕ່າງໆ, ການຮ່ວມມືທຸ ລະກິດກັບນັກທຸລະກິດພາຍໃນ ແລະ ຕ່າງປະເທດ ມີຫຼາຍແຂວງ, ເມືອງ ແລະ ບ້ານ ມີກອງທຶນຊ່ວຍ ເຫຼືອເຊິ່ງກັນ ແລະ ກັນ ຂອງນັກ ຮົບເກົ່າ ເຊິ່ງສາມາດແກ້ໄຂໄດ້ ໂດຍພື້ນຖານໃນເວລາເຈັບເປັນ ແລະ ພົບຄວາມຫຍຸ້ງຍາກໃນ ຄອບຄົວຂອງສະມາຊິກກອງທຶນ. ສຳເລັດໃນການສ້າງພື້ນຖານໂຄງລ່າງທີ່ຈຳເປັນຈຳນວນໜຶ່ງ ເພື່ອຮັບໃຊ້ໃຫ້ແກ່ການເຄື່ອນ ໄຫວວຽກງານຂອງນັກຮົບເກົ່າມີຄວາມສະດວກ, ຮັບປະກັນໃນການປະຕິບັດໜ້າທີ່ການເມືອງເປັນຕົ້ນ: ສຳນັກງານສະຫະພັນ ນັກຮົບເກົ່າແຫ່ງຊາດລາວ ຫຼັງໃໝ່ໄດ້ 75%, ຫ້ອງມູນເຊື້ອສຳ ເລັດ 100%, ຫ້ອງການ ຂອງນັກຮົບເກົ່າ ເມືອງຈຳນວນ 27 ເມືອງສຳເລັດ 90% ແລະ ການສ້າງເຮືອນໃຫ້ຜູ້ປ່ຽວ ພອຍ 19 ຫຼັງ ສຳເລັດ 100%. (ອ່ານຕໍ່ສະບັບໜ້າ) ຫ້າ. ວຽກງານພົວພັນຮ່ວມ ມືກັບຕ່າງປະເທດ ແລະສາກົນ. ໄດ້ມີການພົວພັນ, ຮ່ວມມືກັບ ສະມາຄົມນັກຮົບເກົ່າຕ່າງປະ ເທດ, ພາກພື້ນ ແລະ ສາກົນ ໂດຍສະເພາະແມ່ນການຮ່ວມມືຊ່ວຍເຫຼືອເຊິ່ງກັນ ແລະ ກັນ ແບບພິເສດຮອບດ້ານກັບສະມາຄົມນັກຮົບເກົ່າຫວຽດນາມ, ພົວພັນຮ່ວມສອງຝ່າຍກັບສະມາຄົມນັກຮົບເກົ່າຣາຊະອານາຈັກກຳ ປູເຈຍ, ນັກຮົບເກົ່າຈີນ ແລະ ສະ ມາຄົມນັກຮົບເກົ່າຕ້ານຈັກກະພັດອາເມລິກາ ສປປ ເກົາຫຼີ ນອກ ຈາກນັ້ນ, ສະຫະພັນນັກຮົບເກົ່າແຫ່ງຊາດລາວ ຍັງໄດ້ພົວພັນປະ ສານງານກັບສະມາຄົມນັກຮົບເກົ່າໂລກ, ສະມາຄົມນັກຮົບເກົ່າ ຣັດເຊຍ, ຝຣັ່ງ, ອົງການຈັດຕັ້ງສາກົນ, ອົງການບໍ່ຂຶ້ນກັບລັດ ຖະບານ(NGOs) ທີ່ພົວພັນເຖິງວຽກງານນັກຮົບບເກົ່າ. ວັນທີ 15 ກັນຍາ 2012 ສະຫະພັນນັກຮົບເກົ່າແຫ່ງຊາດລາວ ໄດ້ເຂົ້າເປັນສະມາຊິກສະມາຄົມນັກ ຮົບເກົ່າອາຊຽນຢ່າງເປັນທາງການ ແລະ ໄດ້ຕັ້ງໜ້າປະກອບສ່ວນເຄື່ອນໄຫວຕາມພາລະບົດບາດ, ສ້າງສາຍພົວພັນທີ່ດີກັບບັນດາປະເທດສະມາຊິກຕະຫຼອດມາ. ປີ 2018 ສະຫະພັນນັກຮົບເກົ່າແຫ່ງຊາດລາວ ໄດ້ເຮັດສຳເລັດການເປັນປະທານໝູນວຽນນັກຮົບເກົ່າອາຊຽນ ແລະ ການດຳເນີນກອງປະຊຸມໃຫຍ່ນັກຮົບເກົ່າ ຄັ້ງທີ 18 ບັນລຸໝາກຜົນອັນຈົບງາມ, ເຮັດໃຫ້ບົດບາດຂອງສະຫະພັນນັກຮົບເກົ່າແຫ່ງຊາດລາວ ພົ້ນເດັ່ນຂຶ້ນໃນເວທີພາກພື້ນ ແລະ ສາກົນ. ຈາກຜົນງານ ແລະ ໄຊຊະນະທີ່ກ່າວມານັ້ນ ສະຫະພັນນັກຮົບເກົ່າແຫ່ງຊາດ ລາວ ໄດ້ຮັບການຍ້ອງຍໍຈາກພັກ, ລັດຖະບານ, ປະເທດເພື່ອນມິດ ແລະ ສາກົນ ຢ່າງສົມກຽດດັ່ງນີ້: ໄດ້ຮັບຫຼຽນໄຊອິດສະຫຼະຊັ້ນ I ຈຳນວນ 1 ໜ່ວຍ, ຫຼຽນໄຊແຮງງານຊັ້ນ I ຈຳນວນ 1 ໜ່ວຍ, ຫຼຽນກາມິດຕະພາບຈາກສະມາຄົມນັກຮົບເກົ່າຫວຽດນາມ 1 ໜ່ວຍ, ຫຼຽນກາປະທານກິດຕິມະສັກສະມາພັນນັກຮົບເກົ່າອາຊຽນ 1 ໜ່ວຍ, ຫຼຽນກາກຽດຕິຄຸນສະມາພັນນັກຮົບເກົ່າອາຊຽນ 1 ໜ່ວຍ ແລະ ໃບຍ້ອງຍໍຈາກສະມາຄົມນັກຮົບເກົ່າອາຊຽນ 1 ໃບ. v ທິດທາງໃນຕໍ່ໜ້າໃນການເສີມຂະຫຍາຍທາດແທ້ມູນເຊື້ອ ຂອງນັກຮົບເກົ່າແຫ່ງຊາດລາວ ເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ. ໜຶ່ງ. ເພີ່ມທະວີຄວາມເອົາໃຈໃສ່ສຶກສາອົບຮົມມູນເຊື້ອ, ທາດແທ້ປະຕິວັດຂອງພະນັກງານນັກຮົບເກົ່າ ກໍຄືສະຫະພັນນັກ ຮົບເກົ່າແຫ່ງຊາດລາວ ໃຫ້ທະ ຫານ, ຕຳຫຼວດ, ພະນັກງານ-ລັດ ຖະກອນ ແລະ ປະຊາຊົນບັນດາ ເຜົ່າໃຫ້ເລີກເຊິ່ງກວ້າງຂວາງ ຕິດ ພັນກັບການເຊື່ອມຊຶມ, ການຈັດ ຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຜູ້ແທນນັກຮົບເກົ່າທົ່ວປະເທດ ຄັ້ງທີ IV ໃຫ້ເປັນຂະ ບວນການຟົດຟື້ນ ແລະ ມີໝາກ ຜົນຕົວຈິງ. ສອງ. ສືບຕໍ່ປັບປຸງກົງຈັກການ ຈັດຕັ້ງ ແລະ ແບບແຜນການ ເຄື່ອນໄຫວຂອງອົງການຈັດຕັ້ງສະຫະພັນ ນັກຮົບເກົ່າແຫ່ງຊາດລາວ ໃຫ້ມີຄວາມເຂັ້ມແຂງ, ໜັກແໜ້ນ, ກາຍເປັນອົງການຕົວແທນແຫ່ງສິດຜົນປະໂຫຍດ, ເປັນບ່ອນເຕົ້າໂຮມຄວາມສາມັກຄີ ເປັນເອກະພາບ ແລະ ບ່ອນເຄື່ອນໄຫວຮ່ວມຊີວິດ ທີ່ມີຊີວິດຊີວາ ຂອງບັນດານັກຮົບເກົ່າ; ພ້ອມນັ້ນ ສືບຕໍ່ຄົ້ນຄວ້າ, ປັບປຸງກົດໝາຍ, ນິຕິກຳ ທີ່ມີແລ້ວໃຫ້ສອດຄອງກັບຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່. ສາມ. ສືບຕໍ່ປຸກລະດົມຂົນ ຂວາຍ, ເຕົ້າໂຮມຄວາມສາມັກຄີນັກຮົບເກົ່າ ແລະ ປະຊາຊົນລາວບັນດາເຜົ່າ; ຊ່ວຍເຫຼືອເຊິ່ງກັນ ແລະ ກັນ ໃນເວລາພົບຄວາມຫຍຸ້ງ ຍາກ ແລະ ເຈັບເປັນ, ປະກອບ ສ່ວນເຂົ້າໃນການຄຸ້ມຄອງລັດ, ຄຸ້ມຄອງສັງຄົມ, ປົກປັກຮັກສາ ແລະ ພັດທະນາປະເທດຊາດ. ສີ່. ເອົາໃຈໃສ່ຈັດຕັ້ງຜັນຂະ ຫຍາຍເນື້ອໃນບຸກທະລຸທາງດ້ານການແກ້ໄຂຊີວິດການເປັນຢູ່ຫຼຸດຜ່ອນຄວາມທຸກຍາກ, ປຸກ ລະດົມຖັນແຖວນັກຮົບເກົ່າເສີມ ຂະຫຍາຍມູນເຊື້ອ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມ ເຂັ້ມແຂງດ້ວຍຕົນເອງ ປະກອບ ສ່ວນຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມຂອງລັດໃຫ້ບັນໝາກຜົນຕົວຈິງ. ຫ້າ. ສືບຕໍ່ຫັນລົງກໍ່ສ້າງຮາກ ຖານຢ່າງແຂງແຮງ, ເຊີດຊູ ຄວາມຮັບຜິດຊອບໃນການພັດ ທະນາ ສະຫະພັນ ນັກຮົບເກົ່າ ຕິດພັນກັບວຽກງານ 3 ສ້າງ; ພ້ອມກັນສ້າງຂະບວນການແຂ່ງຂັນ “ຮັກຊາດ ແລະ ພັດທະນາ” ໄປຄຽງຄູ່ກັບການປະຕິບັດ 7 ແຜນງານ, 31 ໂຄງການ, ເນື້ອໃນຂໍ້ແຂ່ງ ຂັນ 3 ດີ 6 ຮັກສາ ຂອງສະຫະພັນ ນັກຮົບເກົ່າແຫ່ງຊາດລາວ ແຕ່ນີ້ ຮອດປີ 2025 ໃຫ້ປະກົດຜົນເປັນຈິງ. ຫົກ. ປະຕິບັດແນວທາງການຕ່າງປະເທດຂອງພັກ ສັນຕິພາບ, ເອກະລາດ, ມິດຕະພາບ ແລະ ການຮ່ວມມືຢ່າງສະເໝີຕົ້ນສະ ເໝີປາຍ, ພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນຮອບດ້ານກັບສະມາຄົມນັກຮົບເກົ່າຫວຽດນາມ ປະກອບສ່ວນເຄື່ອນໄຫວວຽກງານນັກຮົບເກົ່າອາຊຽນຢ່າງເປັນເຈົ້າການ.

news to day and hot news