POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ການນໍາແຂວງເຊກອງ ຢ້ຽມຢາມ 2 ໂຄງການ ຢູ່ເມືອງດາກຈຶງ
ເວລາອອກຂ່າວ: 2023-08-08 16:04:26 | ຜູ້ຂຽນ : admin2 | ຈຳນວນຄົນເຂົ້າຊົມ: 1311 | ຄວາມນິຍົມ:

ໃນວັນທີ 4 ສິງຫາ 2023 ຜ່ານມານີ້, ທ່ານ ເຫລັກໄຫລ ສີວິໄລ ເຈົ້າແຂວງເຊກອງ ພ້ອມຄະນະ ແລະ ການນໍາເມືອງດາກຈຶງ ໄດ້ລົງເຄື່ອນໄຫວຢ້ຽມຢາມໂຄງການໄຟຟ້າພະລັງລົມ ແລະ ໂຄງການສົ່ງເສີມການລ້ຽງງົວພັນນົມ-ພັນຊີ້ນຢູ່ເມືອງດາກຈຶງ ເພື່ອຊຸກຍູ້ຕິດຕາມໂຄງການໄຟຟ້າພະລັງລົມ ຂອງບໍລິສັດ ມອນຊູນ ວິນ ພາວເວີ້ ແລະ ບໍລິສັດ ພາວເວີ້ໄຊນາ ຈໍາກັດ, ມີກໍາລັງການຜະລິດ 600 ເມກາວັດ ເຊິ່ງເປັນໂຄງການແຫ່ງທໍາອິດຂອງປະເທດລາວ ແລະ ເປັນໂຄງການທີ່ໃຫຍ່ທີ່ສຸດໃນຂົງເຂດອາຊີຕາເວັນ ອອກສ່ຽງໃຕ້. ສະນັ້ນ, ການກໍ່ສ້າງໂຄງການນີ້ ຈຶ່ງມີຄວາມໝາຍ, ຄວາມສໍາຄັນຕໍ່ບາດກ້າວການພັດທະນາໂຄງການພະລັງ ງານສະອາດຂອງລາວ. ໂຄງການດັ່ງກ່າວ ມີມູນຄ່າການກໍ່ສ້າງທັງໝົດ 900 ລ້ານໂດລາສະຫະລັດ, ໄດ້ເລີ່ມລົງມືກໍ່ສ້າງໃນເດືອນເມສາ 2023 ແລະ ຄາດວ່າຈະສໍາເລັດການກໍ່ສ້າງໃນທ້າຍປີ 2025 ໂດຍມີເປົ້າໝາຍສົ່ງໄຟຟ້າອອກຂາຍໃຫ້ປະ ເທດຫວຽດນາມເປັນຫລັກ, ສ່ວນໂຄງການສົ່ງເສີມການລ້ຽງງົວພັນນົມ-ພັນຊີ້ນ ຂອງບໍລິສັດ ເອັນທີເອັບ ອາກຣີ ພັດທະນາ ຈໍາກັດຜູ້ດຽວ ເຊິ່ງໄດ້ເຊັນສັນຍາກັບລັດຖະບານລາວໃນປີ 2019 ເພື່ອແນໃສ່ຂະຫຍາຍງົວພັນນົມ ແລະ ງົວພັນຊີ້ນ, ພັດ ທະນາທີ່ດິນໃນຂອບເຂດເມືອງດາກຈຶງ ໂດຍສະເພາະແມ່ນຂອບເຂດດິນເຊົ່າສໍາປະທານໃຫ້ເປັນຟາມທີ່ທັນສະໄໝ ຄົບວົງຈອນ, ສາມາດຜະລິດຕະພັນຊີ້ນ-ນົມປອດສານພິດໃຫ້ເປັນທີ່ນິຍົມໃນຕະຫລາດພາຍໃນ ແລະ ຕ່າງປະເທດ ທີ່ມີອໍການິກສູງ ກາຍເປັນໃບໜ້າໃໝ່ຂອງເມືອງດາກຈຶງ, ສ້າງໂອກາດໃຫ້ເປັນສູນຝຶກອົບຮົມ ຕິດພັນກັບການຊຸກຍູ້ສົ່ງເສີມປະຊາ ຊົນຜະລິດກະສິກໍາເປັນສິນຄ້າ ຕາມທ່າແຮງບົ່ມຊ້ອນຂອງທ້ອງຖິ່ນໃຫ້ມີຄວາມຍືນຍົງ ແລະ ເປັນມິດກັບສິ່ງແວດລ້ອມ. ໃນໂອກາດນີ້, ທ່ານ ເຫລັກໄຫລ ສີວິໄລ ໄດ້ສະແດງຄວາມຍ້ອງຍໍຊົມເຊີຍຕໍ່ສອງບໍລິສັດ ທີ່ໄດ້ເອົາໃຈໃສ່ກໍ່ສ້າງ ແລະ ທຸມເທທຶນຮອນ ເຂົ້າໃນການພັດທະນາໂຄງການໃຫ້ມີຜົນສໍາເລັດ, ເອົາໃຈໃສ່ປະສານສົມທົບກັບຂະແໜງການກ່ຽວຂ້ອງຂັ້ນແຂວງ-ເມືອງ, ເກັບກໍາຂໍ້ມູນ, ປະຕິບັດນະໂຍບາຍຊົດເຊີຍຜົນກະທົບຕໍ່ສິ່ງແວດລ້ອມ-ສັງຄົມ ແລະ ນະໂຍບາຍ ອື່ນໆໃຫ້ຖືກຕ້ອງຕາມລະບຽບຫລັກການ ແລະ ສິ່ງສໍາຄັນ ຂະແໜງການກ່ຽວຂ້ອງຂັ້ນແຂວງ-ຂັ້ນເມືອງ, ເຈົ້າຂອງໂຄງການ ກໍຄື ບໍລິສັດຜູ້ພັດທະນາໂຄງການ ຕ້ອງສືບຕໍ່ເຮັດວຽກງານໂຄສະນາສຶກສາອົບຮົມປະຊາຊົນໃຫ້ຮັບຮູ້-ເຂົ້າໃຈຢ່າງຈະແຈ້ງເຖິງຈຸດປະສົງ ແລະ ເປົ້າໝາຍຂອງໂຄງການ ເພື່ອໃຫ້ປະຊາຊົນມີສ່ວນຮ່ວມໃນການພັດທະນາໂຄງການ, ປະກອບສ່ວນເຂົ້າໃນການສ້າງສາ ແລະ ພັດທະນາປະຊາຊາດ ກໍຄື ການພັດທະນາເສດຖະກິດ-ສັງຄົມ, ສ້າງວຽກເຮັດງານທໍາ, ສ້າງອາຊີບ, ສ້າງລາຍໄດ້ ແລະ ແກ້ໄຂຄວາມທຸກຍາກຂອງປະຊາຊົນພາຍໃນແຂວງເຊກອງ ໂດຍສະເພາະເມືອງດາກຈຶງໃຫ້ນັບມື້ຫລຸດໜ້ອຍຖອຍລົງເປັນກ້າວໆ. ຂ່າວ-ພາບ: ສັນຍາ

news to day and hot news