ວັນເສົາ, ວັນທີ 07 ທັນວາ 2024
ປະທານສະພາແຫ່ງຊາດລາວ ຮ່ວມກອງປະຊຸມໃຫຍ່ ໄອປາ ຄັ້ງທີ 44 ທີ່ປະເທດອິນໂດເນເຊຍ
ເວລາອອກຂ່າວ: 2023-08-09 11:52:23 | ຜູ້ຂຽນ : admin2 | ຈຳນວນຄົນເຂົ້າຊົມ: 874 | ຄວາມນິຍົມ: 
ຄະນະຜູ້ແທນຂັ້ນສູງສະພາແຫ່ງຊາດ ນໍາໂດຍ ທ່ານ ໄຊສົມພອນ ພົມວິຫານ, ປະທານສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ເຂົ້າຮ່ວມກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ ຫລື ໄອປາ (AIPA) ຄັ້ງທີ 44 ຢູ່ນະຄອນຫລວງ ຈາກາຕ້າ, ປະເທດອິນໂດເນເຊຍ ແຕ່ວັນທີ 5 -11 ສິງຫາ 2023.
ກອງປະຊູມໄດ້ເປີດຂຶ້ນຢ່າງເປັນທາງການໃນວັນທີ 7 ສິງຫາ 2023, ໂດຍການກ່າວເປີດກອງປະຊູມ ຂອງ ທ່ານ ນາງ ປວນ ມະຫາຣານີ (Puan Maharani) ປະທານສະພາຜູ້ແທນລາສະດອນ ແຫ່ງ ສາທະລະນະລັດ ອິນໂດເນເຊຍ, ປະທານກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ ຄັ້ງທີ 44, ໂດຍໃຫ້ກຽດເຂົ້າຮ່ວມພິທີເປີດກອງປະຊຸມ ຂອງ ທ່ານ ໂຈໂກ ມິໂດໂດ້, ປະທານາທິບໍດີ ແຫ່ງ ສາທາລະນະລັດ ອິນໂດເນເຊຍ, ພ້ອມດ້ວຍເລຂາທິການໃຫຍ່ໄອປາ, ເລຂາທິການໃຫຍ່ອາຊຽນ ແລະ ບັນດາຄະນະຜູ້ແທນຂັ້ນສູງຈາກສະພາແຫ່ງຊາດປະເທດອາຊຽນ ແລະ ປະເທດສັງເກດການຈຳນວນ 14 ປະເທດ. ນອກນັ້ນ, ຍັງມີຜຸ້ຕ່າງໜ້າຂອງອົງການຈັດຕັ້ງສາກົນທີ່ປະຈຳຢູ່ ອິນໂດເນເຊຍ.
ກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ ຄັ້ງນີ້, ຈັດຂຶ້ນ ພາຍໃຕ້ຫົວຂໍ້: “ຄວາມຮັບຜິດຊອບຂອງລັດຖະສະພາຕໍ່ສະຖຽນລະພາບ ແລະ ຄວາມສົມບູນພູນສຸກຂອງອາຊຽນ. ໃນກອງປະຊຸມ, ບັນດາຫົວໜ້າຄະນະຜູ້ແທນຂອງປະເທດອາຊຽນ ໄດ້ມີການແລກປ່ຽນຄໍາຄິດຄໍາເຫັນຢ່າງກົງໄປກົງມາໃນຫົວຂໍ້ດັ່ງກ່າວ ຊຶ່ງໄດ້ສະແດງໃຫ້ເຫັນເຖິງບົດບາດສຳຄັນຂອງລັດຖະສະພາ ໃນການຊຸກຍູ້ ແລະ ປະກອບສ່ວນເຂົ້າໃນການຈັດຕັ້ງປະຕິບັດຍຸດທະສາດຂອງອາຊຽນຮອດປີ 2025 ເພື່ອສ້າງອາຊຽນໃຫ້ມີຄວາມເຂັ້ມແຂງ; ເຊື່ອມຈອດ;ໃຫ້ມີຄວາມສົມບູນພູມສຸກ; ມີວິໄສທັດໃນການແກ້ໄຂບັນຫາ; ສິ່ງທ້າທາຍຕ່າງໆ, ທີ່ຈະເກີດຂຶ້ນ ແລະ ສ້າງໃຫ້ອາຊຽນເປັນສູນກາງແຫ່ງການເຕີບໃຫຍ່ຂະຫຍາຍຕົວທາງດ້ານເສດຖະກິດ ກໍຄື ການສ້າງຄວາມເປັນຢູ່ຂອງປະຊາຊົນອາຊຽນໃນອະນາຄົດໃຫ້ດີຂຶ້ນເລື້ອຍໆ.
ຂ່າວ-ພາບ: ສພຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
