POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ທະຫານນະຄອນຫຼວງວຽງຈັນ ປາຖະກະຖາ 03 ວັນປະຫວັດສາດ
ເວລາອອກຂ່າວ: 2023-08-25 16:08:08 | ຜູ້ຂຽນ : admin2 | ຈຳນວນຄົນເຂົ້າຊົມ: 1290 | ຄວາມນິຍົມ:

ໃນຕອນເຊົ້າຂອງວັນທີ 25 ສິງຫາ 2023 ກອງບັນຊາການ ທະຫານນະຄອນຫຼວງວຽງຈັນ ໄດ້ຈັດພິທີປາຖະກະຖາ 03 ວັນປະຫວັດສາດ ຄື: ວັນຄ້າຍວັນເກີດ ປະທານ ສຸພາ ນຸວົງ ຄົບຮອບ 114 ປີ, ວັນລັດຖະທຳມະນູນ ແຫ່ງ ສປປ ລາວ ຄົບຮອບ 32 ປີ ແລະ ວັນຍຶດອຳນາດ 23 ສິງຫາ ຄົບຮອບ 48 ປີ, ໂດຍການເປັນປະທານ ແລະ ກ່າວປາຖະກະຖາຂອງ ສະຫາຍ ພົນຈັດຕະວາ ໄພວັນ ຈັນທະພົມມາ ຫົວໜ້າການເມືອງ ກອງບັນຊາການທະຫານນະຄອນຫຼວງວຽງຈັນ, ເຊິ່ງມີຄະນະພັກ-ຄະນະບັນຊາອົງການ 05 ຫ້ອງ, ຄະນະບັນຊາມາຈາກກົມກອງອ້ອມຂ້າງທີ່ຂຶ້ນກັບ ຕະຫຼອດຮອດພະນັກງານ-ນັກຮົບພາຍໃນກົມກອງເຂົ້າຮ່ວມຮັບຟັງ. ໂອກາດນີ້, ສະຫາຍຫົວໜ້າການເມືອງ ທະຫານນະຄອນຫຼວງວຽງຈັນ ກໍ່ໄດ້ຍົກໃຫ້ເຫັນເຖິງຊີວິດ ແລະ ການເຄື່ອນໄຫວປະຕິວັດການເຕີບໃຫຍ່ຂະຫຍາຍຕົວຂອງປະທານ ສຸພາ ນຸວົງ ທີ່ລະອິດລະອ້ຽວ ໃນເມື່ອກ່ອນເພີ່ນໄດ້ສຶກສາຮໍ່າຮຽນ ໃນເວລານັ້ນທ່ານເປັນຄົນທີ່ມີຄວາມຮູ້, ມີພອນສະຫວັນຫຼາຍດ້ານ ສາມາດເວົ້າພາສາຕ່າງປະເທດເຖິງ 10 ພາສາ ເປັນທີ່ຍອມຮັບໃນສາກົນ ເຮັດແທ້ທໍາຈິງ ສິ່ງສໍາຄັນແມ່ນເພີ່ນໄດ້ສໍາຜັດຮູ້ເຖິງພຶດຕິກໍາ ແລະ ການກະທໍາຂອງພວກຈັກກະພັດລ່າເມືອງຂຶ້ນຝຮັ່ງທີ່ມີຕໍ່ຊາດລາວ ເຊິ່ງໄດ້ສົ່ງຜົນກະທົບໂດຍກົງຕໍ່ແນວຄິດຈິດໃຈ ຈົນເຮັດໃຫ້ເພີ່ນກ້າວເຂົ້າສູ່ເສັ້ນທາງການຕໍ່ສູ້ເພື່ອກອບກູ້ເອົາເອກະລາດມາໃຫ້ປະເທດຊາດ ກໍ່ຄືປະຊາຊົນລາວບັນດາເຜົ່າ, ພ້ອມກັນນັ້ນກໍ່ຍັງໄດ້ຫວນຄືນມູນເຊື້ອອັນສຳຄັນຂອງວັນລັດຖະທຳມະນູນ ແຫ່ງ ສປປ ລາວ ເຊິ່ງພາຍຫຼັງປະເທດຊາດໄດ້ຮັບການປົດປ່ອຍ, ພັກໄດ້ວາງແນວທາງປ່ຽນແປງໃໝ່ທີ່ມີຫຼັກການຂອງພັກ ໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມດ້ວຍລະບຽບກົດໝາຍ ລັດຖະທຳມະນູນສະບັບທຳອິດ ເຊິ່ງໄດ້ປະກາດໃຊ້ໃນວັນທີ 15 ສິງຫາ 1991, ມາຮອດປີ 2003 ກອງປະຊຸມເທື່ອທີ 3 ຂອງສະພາແຫ່ງຊາດ ຊຸດທີ V ໄດ້ຮັບຮອງເອົາການປັບປຸງລັດຖະທຳມະນູນ ສະບັບດັ່ງກ່າວ ໃຫ້ຄົບຖ້ວນ ແລະ ສົມບູນກວ່າເກົ່າ, ນັບແຕ່ນັ້ນມາລັດຖະທຳມະນູນໄດ້ກາຍເປັນກົດໝາຍພື້ນຖານຂອງຊາດ,ທັງເປັນກົດໝາຍພື້ນຖານຂອງລະບອບ ປະຊາທິປະໄຕ ປະຊາຊົນລາວ ແນໃສ່ສຶກສາອົບຮົມປະຊາຊົນລາວໃຫ້ຍົກສູງນໍ້າໃຈຮັກຊາດ, ຮັກລະບອບໃໝ່, ສັງຄົມມີຄວາມສາມັກຄີປອງດອງ, ມີປະຊາທິປະໄຕ, ຍຸຕິທຳ ແລະ ສີວິໄລ, ຈາກນັ້ນກໍ່ໄດ້ຍົກໃຫ້ເຫັນວັນຍຶດອຳນາດ 23 ສິງຫາ ເຊິ່ງເປັນເຫດການອັນສຳຄັນທາງດ້ານປະຫວັດສາດ ທີ່ສະແດງໃຫ້ເຫັນເຖິງມູນເຊື້ອນການຕໍ່ສູ້ອັນພິລະອາດຫານບໍ່ຍອມຈຳນົນ, ມີໄຫວພິກ ແລະ ຄວາມປີຊາສາມາດ ຂອງນັກຮົບປະຕິວັດຮຸ່ນກ່ອນ ຕ້ານກັບຈັກກະພັດລ່າເມືອງຂຶ້ນ ໂດຍພາຍໃຕ້ການນຳພາຂອງພັກ ຈົນສາມາດຍຶດອຳນາດໄດ້ ໃນວັນທີ 23 ສິງຫາ 1975, ເຊິ່ງຮັກສາໄດ້ຄວາມເປັນເອກະລາດແຫ່ງຊາດ ແລະ ອິດສະຫຼະພາບຂອງປະຊາຊົນລາວບັນດາເຜົ່າ ໄດ້ຢູ່ເຢັນເປັນສຸກ,ສ້າງສາພັດທະນາເສດຖະກິດ-ສັງຄົມຂອງຊາດ ໃຫ້ຈະເລີນຮຸ່ງເຮືອງສີວິໄລຂຶ້ນເປັນກ້າວໆ. ຂ່າວ-ພາບໂດຍ: ຮທ ວຽງສີ ແກ້ວກອງສຸດາ

news to day and hot news