POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ຮອງລັດຖະມົນຕີກະຊວງປ້ອງກັນປະເທດໂອ້ລົມ ວຽກງານການຜະລິດ-ທຸລະກິດ
ເວລາອອກຂ່າວ: 2023-08-25 16:14:07 | ຜູ້ຂຽນ : admin2 | ຈຳນວນຄົນເຂົ້າຊົມ: 1778 | ຄວາມນິຍົມ:

ໃນວັນທີ 25 ສິງຫາ 2023 ສະຫາຍ ພົນຕີ ວົງຄໍາພົມ ມະກອນ ຮອງລັດຖະມົນຕີກະຊວງປ້ອງກັນປະເທດ, ໄດ້ໃຫ້ກຽດໂອ້ລົມ ແລະ ໃຫ້ທິດຊິນຳຕໍ່ກອງປະຊຸມສະຫຼຸບຖອດຖອນວຽກງານການຜະລິດ-ທຸລະກິດ ແລະ ເນັ້ນໃຫ້ຄະນະພັກ-ຄະນະບັນຊາ ບັນດາຫົວໜ່ວຍການຜະລິດ-ທຸລະກິດ ແລະ ກົມກອງທີ່ຂຶ້ນກັບກົມໃຫຍ່ພະລາທິການກອງທັບ, ສືບຕໍ່ປັບປຸງບັນດາລັດວິສາຫະກິດ, ຫົວໜ່ວຍທຸລະກິດຂອງກອງທັບເວົ້າລວມ, ເວົ້າສະເພາະ ແມ່ນບັນດາຫົວໜ່ວຍລັດວິສາຫະກິດ, ຫົວໜ່ວຍທຸລະກິດ ແລະ ບັນດາກົມກອງຜະລິດຂຶ້ນກັບກົມໃຫຍ ພະລາທິການ, ຊີ້ນຳຄຸ້ມຄອງຢ່າງແຂງແຮງ, ດຳເນີນການຜະລິດທຸລະກິດ ໄປສູ່ຄຸນນະພາບໃໝ່, ກຳແໜ້ນແນວທາງ ແລະ ແນວຄິດຊີ້ນຳຂອງພັກ ໃນການປ່ຽນແປງໃໝ່ມີຫົວຄິດປະດິດສ້າງທີ່ເປັນປັດໃຈຕັດສິນຂອງການຜະລິດທຸລະກິດ, ເອົາໃຈໃສ່ປະຕິບັດລະບອບລະບຽບ, ກົດໝາຍ ແລະ ກົດເກນຕະຫຼາດ ເພາະຕະຫຼາດມີບົດບາດສໍາຄັນ ຕັດສິນການຜະລິດໃນການລະດົມ, ແບ່ງປັນ ແລະ ນຳໃຊ້ແຫຼ່ງກຳຜະລິດ, ເພີ່ມວະວີຊຸກຍູ້ສົ່ງເສີມການຜະລິດຢູ່ພາຍໃນຢ່າງແຂງ, ຫຼຸດຜ່ອນການນຳເຂົ້າຈາກຕ່າງປະເທດ ແມ່ນປັດໃຈສຳຄັນທີ່ສຸດ ກ້າວຂຶ້ນເປັນເຈົ້າຕົນເອງ, ເພາະກອງທັບມີທ່າແຮງບົ່ມຊ້ອນ, ສິ່ງເອື້ອອຳນວຍ ຫຼາຍຢ່າງນັບທັງກາລະໂອກາດຕະຫຼາດຄວາມຕ້ອງການຢູ່ພາຍໃນຂອງພວກເຮົາ, ຜະລິດຮັບໃຊ້ຄວາມຕ້ອງການຂອງກອງທັບ ແລະ ມີໂອກາດຜະລິດອອກຮັບໃຊ້ສັງຄົມ, ຮັບຜິດຊອບ ແລະ ນຳໃຊ້ຫົວຄິດປະດິດສ້າງ ຜູ້ບໍລິຫານຕ້ອງເປັນມືອາຊີບ, ທັນສະໄໝ, ປອດໃສ, ເຂັ້ມແຂງ ຮັບປະກັນຄວາມເປີດເຜີຍ, ຄຸ້ມຄອງບໍລິຫານໂປ່ງໃສເປັນເອກະພາບ ແລະ ມີປະສິດທິຜົນ, ຄົ້ນຄວ້າບຸລະນະປັບປຸງຫົວໜ່ວຍການຜະລິດທຸລະກິດທາງດ້ານການຈັດຕັ້ງ ມີໂຄງປະກອບທີ່ເໝາະສົມ ຕາມທິດກະທັດຮັດ, ມີຄວາມສາມາດເປັນເຈົ້າຕົນເອງ, ມີການເຄື່ອນໄຫວມີປະສິດຕິຜົນ ຫັນໄປສູ່ການໄລ່ລຽງທາງດ້ານເສດຖະກິດຕາມກົນໄກຕະຫຼາດໃຫ້ຂາດຕົວເທື່ອລະກ້າວ, ເອົາໃຈໃສ່ກໍ່ສ້າງຖັນແຖວພະນັກງານ ຜູ້ຮັບຜິດຊອບບໍລິຫານທຸລະກິດ ຊອກໃຫ້ໄດ້ຜູ້ເກັ່ງ, ຜູ້ທີ່ມີຄວາມຮູ້, ຄວາມສາມາດ, ມີຄຸນສົມບັດສິນທຳປະຕິບັດ ແລະ ຄວາມເປັນມືອາຊີບ ແກ້ໄຂຜູ້ລະເມີດວິໄນຜູ້ທີ່ບໍ່ໂປ່ງໃສ ແລະ ຕິດຕາມກວດກາການນຳພາ ຂອງຄະນະພັກ-ຄະນະບັນຊາຢູ່ບັນດາຫົວໜ່ວຍທຸລະກິດເປັນປະຈຳ, ພ້ອມທັງສະຫຼຸບຕີລາຄາຜົນສຳເລັດ ໃນການນຳພາ-ບັນຊາເປັນໄມ້ຫຼາວັດແທກ, ສ້າງຜົນກຳໄລ ແລະ ລາຍຮັບໃຫ້ແກ່ກອງທັບ ໃຫ້ມີຄວາມໜັ້ນຄົງ ກຽມພ້ອມເປັນເຈົ້າຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ , ພ້ອມກັນເຮັດສຳເລັດໜ້າທີ່, ຍາດໄດ້ຜົນງານອັນໃໝ່ ແລະ ໃຫຍ່ຫຼວງກວ່າເກົ່າ. ໂດຍ: ຄໍາປະສົງ ລາດຊະວົງ

news to day and hot news