ວັນເສົາ, ວັນທີ 07 ທັນວາ 2024
ກອງພົນທີ 3 ສະຫຼຸບການຫັດແອບຊ້ອມຮົບເທິງແຜນທີ
ເວລາອອກຂ່າວ: 2023-08-29 13:17:38 | ຜູ້ຂຽນ : admin2 | ຈຳນວນຄົນເຂົ້າຊົມ: 1637 | ຄວາມນິຍົມ: 
ກອງພົນທີ 3 ໄດ້ຈັດພິທີສະຫຼຸບການຫັດແອບຊ້ອມຮົບເທິງແຜນທີ ໃຫ້ຄະນະບັນຊາຂຶ້ນ ໃນວັນທີ 25 ສິງຫາ 2023 ຜ່ານມານີ້, ຢູ່ທີ່ສະໂມສອນຂອງຕົນ ໂດຍການເປັນປະທານຂອງ ສະຫາຍ ພົນຈັດຕະວາໄຊຍະວົງ ໄຊນາມທິລາດ, ເລຂາຄະນະພັກ, ຫົວໜ້າການທະຫານກອງພົນທີ 3, ມີສະຫາຍ ພັນເອກ ຄຳສຸກ ອິນທະພອນ, ຮອງຫົວໜ້າກົມສູ້ຮົບ, ກົມໃຫຍ່ເສນາທິການກອງທັບ, ສະຫາຍ ພັນເອກ ສໍຍັນ ລໍອິນສອນ, ຮອງເລຂາຄະນະພັກ, ຫົວໜ້າການເມືອງ ກອງພົນທີ 3, ມີຄະນະຊີ້ນຳມາຈາກກົມສູ້ຮົບ, ກົມອົບຮົມ, ມີຄະນະພັກ-ຄະນະບັນຊາ, ຄະນະຫ້ອງ 5 ຫ້ອງ, ຄະນະພັກ-ຄະນະບັນຊາ, ມາຈາກອົງການກົມກອງທົ່ວກອງພົນທີ 3 ເຂົ້າຮ່ວມ.
ສະຫາຍ ພັນເອກ ສົມດີ ຕີບອິນແສງ, ຄະນະພັກກອງພົນ, ຮອງຫົວໜ້າຫ້ອງເສນາທິການກອງພົນທີ 3 ໄດ້ຂຶ້ນສະຫລຸບຕີລາຄາ ໝາກຜົນຂອງການຫັດແອບຊ້ອມຮົບເທິງແຜນທີ ປະຈຳປີ 2023 ເປັນຕົ້ນແມ່ນໄດ້ຍົກໃຫ້ເຫັນດ້ານດີ, ດ້ານອ່ອນ ແລະ ບາງບົດຮຽນ ທີ່ຖອດຖອນໄດ້ຜ່ານການຫັດແອບຊ້ອມຮົບ ໃນລະຫວ່າງວັນທີ 21-25 ສິງຫາ 2023 ນີ້, ເປັນຕົ້ນແມ່ນການປະຕິບັດລະບຽບການນຸ່ງຖື, ໂມງເວລາໃນການຫັດແອບ, ການຜ່ານເນື້ອໃນຫັດແອບແຕ່ລະຂັ້ນຕອນຂອງແຕ່ລະໜ້າວຽກ, ຜ່ານການຫັດແອບຕະຫຼອດໄລຍະ 5 ວັນ ວຽກງານເສນາທິການສາມາດຍາດໄດ້ 85%, ວຽກງານການເມືອງບັນລຸໄດ້ 85%, ວຽກງານພະລາທິການໄດ້ 80%, ວຽກງານເຕັກນິກໄດ້ 80%. ໃນພິທີບັນດາສະຫາຍກໍ່ໄດ້ປະກອບຄຳຄິດຄຳເຫັນແລກປ່ຽນບົດຮຽນເພື່ອພ້ອມກັນປັບປຸງແກ້ໄຂຂໍ້ຄົງຄ້າງທີ່ຈະຕ້ອງໄດ້ເອົາໃຈໃສ, ເພື່ອເຮັດໃຫ້ວຽກງານສູ້ຮົບມີຄວາມເຂັ້ມແຂງ ແລະ ມີຄວາມພ້ອມທຸກເວລາ.
ໂອກາດນີ້, ສະຫາຍ ພົນຈັດຕະວາ ໄຊຍະວົງ ໄຊນາມທິລາດ, ເລຂາຄະນະພັກ, ຫົວໜ້າການທະຫານກອງພົນທີ 3 ກໍໄດ້ຕີລາຄາສູງຕໍ່ຜົນສຳເລັດໃນການຫັດແອບໃນຄັ້ງນີ້, ພ້ອມທັງຮຽກຮ້ອງໃຫ້ຄະນະບັນຊາ ແລະ ຜູ້ເຂົ້າຮວມຫັດແອບນຳເອົາເນື້ອໃນການຫັດແອບນຳໄປຈັດຕັ້ງປະຕິບັດຢູ່ກົມກອງໃຫ້ເຂັ້ມງວດ, ເພື່ອເປັນການຍົກລະດັບຄວາມຮູ້, ຄວາມສາມາດຂອງຜູ້ບັນຊາແຕ່ລະຂັ້ນໃຫ້ມີຄວາມຮັບຮູ້ເຂົ້າໃຈ, ມີຄວາມຊຳນິຊຳນານຄ່ອງແຄ້ວ ວ່ອງໄວຖືກຕ້ອງຕາມຫຼັກການໃນການສ້າງແຜນການສູ້ຮົບ ແລະ ສູ້ຮົບມີໄຊ.
ພາບ: ລີໂດ້. ຂ່າວ: ທອງເລື່ອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
