ວັນເສົາ, ວັນທີ 07 ທັນວາ 2024
ເຊັນສັນຍາຮັບເໝົາກໍ່ສ້າງໂຄງການ ໂຮງງານຕັດຫຍິບຫຼັກ 19 ແລະ ເສັ້ນທາງເບຕົງເສີມເຫຼັກເຂດອຸດສາຫະກໍາ ບ້ານໜອງຍາວ ຫາໂຮງງານເກືອກະລີ
ເວລາອອກຂ່າວ: 2023-08-30 10:33:39 | ຜູ້ຂຽນ : admin2 | ຈຳນວນຄົນເຂົ້າຊົມ: 1122 | ຄວາມນິຍົມ: 
ໃນວັນທີ 29 ສິງຫາ 2023 ນີ້, ກົມໃຫຍ່ພະລາທິການກອງທັບ ໄດ້ ເຊັນສັນຍາຮັບເໝົາກໍ່ສ້າງໂຄງການ ກໍ່ສ້າງໂຮງງານຕັດຫຍິບຫຼັກ 19 ແລະ ໂຄງການກໍ່ສ້າງເສັ້ນທາງເບຕົງເສີມເຫຼັກກັບ ບໍລິສັດ ພີເອັດສ໌ແອວ ກໍ່ສ້າງຄົບວົງຈອນຈຳກັດຜູ້ດຽວ ໂດຍການເຂົ້າຮ່ວມເປັນປະທານ ແລະ ເຊັນສັນຍາຂອງ ສະຫາຍ ພົນຈັດຕະວາ ວົງສັກ ສີພັນດອນ, ກໍາມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ພະລາທິການກອງທັບ ແລະ ຝ່າຍບໍລິສັດໂດຍ ທ່ານ ນາງ ພວງທອງ ສຸຍະວົງ, ປະທານບໍລິສັດພີເອັດສ໌ແອວ ກໍ່ສ້າງຄົບວົງຈອນຈຳກັດຜູ້ດຽວ, ມີຄະນະນຳກະຊວງປ້ອງກັນປະເທດ, ຄະນະກົມໃຫຍ່ພະລາທິການ, ບັນດາກົມ, ຫ້ອງການ, ກົມກອງ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
ການເຊັນສັນຍາຮັບເໝົາກໍ່ສ້າງໂຄງການ ໂຮງງານຕັດຫຍິບຫຼັກ 19 ແລະ ເສັ້ນທາງເບຕົງເສີມເຫຼັກໃນຄັ້ງນີ້, ແມ່ນໄດ້ອິງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ວ່າດ້ວຍ ການຄຸ້ມຄອງງົບປະມານການລົງທຶນ ແລະ ການປະມູນໂຄງການກໍ່ສ້າງ-ສ້ອມແປງພື້ນຖານໂຄງລ່າງພາຍໃນກອງທັບ ເຊິ່ງມອບໃຫ້ບໍລິສັດ ພີເອັດສ໌ແອວ ກໍ່ສ້າງຄົບວົງຈອນຈຳກັດຜູ້ດຽວ ເປັນຜູ້ຮັບເໝົາກໍ່ສ້າງໂຄງການ ໂຮງງານຕັດຫຍິບຫຼັກ 19 ແລະ ເສັ້ນທາງເບຕົງເສີມເຫຼັກແຕ່ເຂດອຸດສາຫະກໍາພະລາທິການກອງທັບບ້ານໜອງຍາວຫາ ໂຮງງານເກືອກະລີ-ບ້ານດົງບອງ-ບ້ານດົງຊຽງດີ.
ໂຄງການດັ່ງກ່າວມີມູນຄ່າທັງໝົດ 52 ຕື້ກວ່າກີບ. ການກໍານົດເວລາກໍ່ສ້າງ ໄລຍະ 24 ເດືອນ, ເລີ້ມຕົ້ນ ແຕ່ເດືອນ ສິງຫາ 2023 ເຖິງ ເດືອນ ສິງຫາ 2025 ການກໍ່ສ້າງໃນຄັ້ງນີ້ແມ່ນບໍລິສັດເປັນການອອກທຶນກ່ອນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
