ວັນເສົາ, ວັນທີ 07 ທັນວາ 2024
ຮອງຫົວໜ້າກົມໃຫຍ່ເສນາທິການກອງທັບ ລົງຊຸກຍູ້ຂະບວນການກຽມພ້ອມສູ້ຮົບ ຢູ່ກອງພົນທີ 1
ເວລາອອກຂ່າວ: 2023-08-31 15:40:44 | ຜູ້ຂຽນ : admin2 | ຈຳນວນຄົນເຂົ້າຊົມ: 1345 | ຄວາມນິຍົມ: 
ສະຫາຍ ພົນຈັດຕະວາ ວັນທອງ ບຸດຕະວົງ ຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບ, ເຄື່ອນໄຫວຊຸກຍູ້ການຈັດຕັ້ງປະຕິບັດ ຂະບວນການກຽມພ້ອມສູ້ຮົບ ຢູ່ກອງພົນທີ 1 ໃນວັນທີ 29 ສິງຫາ 2023 ທີ່ຜ່ານມານີ້, ໂດຍມີບັນດາອົງການ 5 ຫ້ອງ, ພະແນກການ, ແລະ ບັນດາກົມກອງຮາກຖານເຂົ້າຮ່ວມ.
ໃນພິທີດັ່ງກ່າວ, ສະຫາຍ ພົນຈັດຕະວາ ວັນທອງ ບຸດຕະວົງ ປະທານກອງປະຊຸມ ໄດ້ກ່າວຍ້ອງຍໍຊົມເຊີຍ ຕໍ່ໝາກຜົນຂອງການປະຕິບັດວຽກງານ ທີ່ຂັ້ນເທິງມອບມາຍໃຫ້ ເຊິ່ງຍາມໃດກອງພົນທີ 1 ກໍເປັນກໍາລັງຫຼັກແຫຼ່ງທີ່ສໍາຄັນໃນການປົກປັກຮັກສາປະເທດຊາດ ບ້ານເມືອງຂອງພວກເຮົາ; ພ້ອມທັງໄດ້ເນັ້ນໜັກໃຫ້ ການຈັດຕັ້ງທຸກພາກສ່ວນ, ບັນດາສະຫາຍໃນກໍາລັງປະກອບອາວຸດ ໂດຍສະເພາະກໍ່ແມ່ນນາຍ ແລະ ພົນທະຫານກອງພົນທີ 1 ຈົ່ງພ້ອມກັນຍົກສູງສະຕິໃນການກຽມພ້ອມສູ້ຮົບໂດຍສຸ່ມໃສ່ການຈັດຕັ້ງປະຕິບັດງານສະເຫຼີມສະຫຼອງວັນສຳຄັນຂອງຊາດ, ກໍ່ຄືວັນສ້າງຕັ້ງກອງທັບປະຊາຊົນລາວ (ວັນທີ 20 ມັງກອນ ປີ 19975 - 20 ມັງກອນ 2024) ທີ່ໝູນວຽນຄົບຮອບ 75 ປີ; ຈົ່ງພ້ອມກັນຈັດຕັ້ງປະຕິບັດຕໍ່ໜ້າທີ່ວຽກງານໃນຖັນແຖວກອງທັບໃຫ້ເຂັ້ມງວດ, ເປັນຕົ້ນແມ່ນຂະບວນການກຽມພ້ອມສູ້ຮົບ ຕ້ອງໄດ້ເພີ່ມທະວີກໍາລັງປະຈໍາການໃຫ້ເຂັ້ມງວດ, ກຽມພ້ອມທັງກໍາລັງ ແລະ ພາຫະນະຄົບຊຸດ; ສຸມໃສ່ຈັດຕັ້ງປະຕິບັດຂະບວນການອົບຮົມ-ຫັດແອບໃນແຕ່ລະໄລຍະໃຫ້ເປັນປົກກະຕິ ເພື່ອເປັນການຍົກສູງຄວາມຮູ້, ຄວາມສາມາດ ໃນຂະບວນການຄຸ້ມຄອງກໍາລັງພົນໃຫ້ຖືກຕ້ອງຕາມໂຄງຮ່າງການຈັດຕັ້ງໃຫ້ແທດເໝາະຕາມຄວາມຕ້ອງການຂອງໜ້າທີ່ວຽກງານ; ຍູ້ແຮງຂະບວນການແຂ່ງຂັນກິລາ-ສິລະປະວັນນະຄະດີ, ຂະບວນການຈັດຕັ້ງສ້ອມຮົບຕ່າງໆ ທີ່ເປັນປັດໃຈອັນສຳຄັນ; ເລັ່ງໃສ່ຝຶກຊ້ອມຂະບວນການເດີນສວນສະໜາມໃຫ້ເປັນເອກະພາບ ເພື່ອຂໍ່ານັບຮັບຕ້ອນວັນສໍາຄັນຕ່າງໆ ຂອງຊາດ; ພ້ອມທັງຈັດຕັ້ງຜັນຂະຫຍາຍໃຫ້ຖົ່ວເຖິງທຸກກົມກອງ ເຮັດໃຫ້ທຸກຂະບວນການມີຜົນສໍາເລັດ.
ວຽກງານກຽມພ້ອມສູ້ຮົບເປັນວຽກງານທີ່ສໍາຄັນ ເພື່ອຮັບປະກັນສະຖຽນລະພາບດ້ານການເມືອງ, ເຮັດໃຫ້ສັງຄົມມີຄວາມສະຫງົບປອດໄພໂດຍພື້ນຖານ; ກໍາລັງສູ້ຮົບມີຄວາມເຂັ້ມແຂງ ເປັນບັນຫາຕັດສິນໃຫ້ກົມກອງມີຄວາມເປັນລະບຽບຮຽບຮ້ອຍ, ພະນັກງານ-ນັກຮົບມີໄວໄນເຂັ້ມງວດ; ດັ່ງນັ້ນ ວຽກງານກຽມພ້ອມສູ້ຮົບໃນຖັນແຖວກອງທັບ ຈຶ່ງມີຄວາມຈໍາເປັນ ແລະ ທຸກກົມກອງຕ້ອງມີຄວາມຮັບປະກັນກຽມພ້ອມສູ້ຮົບໃຫ້ໄດ້ 100%.
ຂຽນໂດຍ: ຄຳພຸດ ພານຸວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
