ວັນເສົາ, ວັນທີ 07 ທັນວາ 2024
ຄະນະນຳກອງພົນທີ 5 ເຂົ້າອວຍພອນ ຄະນະອຳນວຍການ ບໍລິສັດມິດຕະພາບ 206
ເວລາອອກຂ່າວ: 2023-09-01 14:39:41 | ຜູ້ຂຽນ : admin2 | ຈຳນວນຄົນເຂົ້າຊົມ: 921 | ຄວາມນິຍົມ: 
ໃນວັນທີ 30 ສິງຫາ 2023 ນີ້, ສະຫາຍ ພົນຈັດຕະວາ ຂັນທີ ສະໜາມອຸ່ນ ຮອງເລຂາຄະນະພັກ, ຫົວໜ້າການທະຫານ, ກອງພົນທີ 5 ໄດ້ນຳເອົາກະຕ່າຂອງຂວັນເຂົ້າອວຍພອນ ຄະນະອຳນວຍ ບໍລິສັດມິດຕະພາບ 206 ກອງບັນຊາການທະຫານເຂດ 5 ກອງທັບປະຊາຊົນຫວຽດນາມ ເນື່ອງໃນໂອກາດ ວັນຊາດ ສສ ຫວຽດນາມ ຄົບຮອບ 78 ປີ (2 ກັນຍາ 1945-22 ກັນຍາ 2023) ໂດຍການຕ້ອນຮັບຂອງ ສະຫາຍ ພັນເອກ ເລວັນທຶກ ຫົວໜ້າການເມືອງ ອຳນວຍການ ບໍລິສັດມິດຕະພາບ 206, ມີຄະນະພັກ-ຄະນະບັນຊາ ອົງການ, ກອງພັນໃຫຍ່ 502, ກອງພັນ 429, ພະແນກການ, ພະນັກງານວິຊາການທີ່ກ່ຽວຂ້ອງ ທັງສອງຝ່າຍເຂົ້າຮ່ວມ.
ໂອກາດດັ່ງກ່າວ, ສະຫາຍ ພົນຈັດຕະວາ ຂັນທີ ສະໜາມອຸ່ນ ໄດ້ຕາງໜ້າໃຫ້ຄະນະພັກ - ຄະນະບັນຊາ, ພະນັກງານ-ນັກຮົບ ທົ່ວກອງພົນທີ 5 ສະແດງຄວາມຂອບໃຈ ທີ່ຄະນະອຳນວຍການບໍລິສັດມິດຕະພາບ 206 ໄດ້ໃຫ້ກຽດຕ້ອນຮັບດ້ວຍຄວາມອົບອຸ່ນ ສະໜິດສະໜົມ ຈາກນັ້ນສະຫາຍກໍ່ຍັງໄດ້ສະແດງຄວາມ ປິຕິຊົມຊື່ນຕໍ່ຜົນງານ ແລະ ໄຊຊະນະຂອງຄະນະນຳ ພັກ-ລັດ ກໍ່ຄືກະຊວງປ້ອງກັນປະເທດ ສສ ຫວຽດນາມຕະຫຼອດ 78 ປີຜ່ານມາ. ຈາກນັ້ນກໍ່ຍັງໄດ້ຍົກໃຫ້ເຫັນເຖີງມູນເຊື້ອຄວາມສາມັກຄີ ລະຫວ່າງກອງທັບປະຊາຊົນລາວ ກັບ ກອງທັບປະຊາຊົນຫວຽດນາມ ທີ່ຍາມໃດກໍ່ໄດ້ ມີການພົວພັນຮ່ວມມື ກັນຢ່າງສະໜິດແໜ້ນໃຫ້ການຊ່ວຍເຫຼືອເຊິ່ງກັນ ແລະ ກັນຕະຫຼອດມາ ເວົ້າລວມ, ເວົ້າສະເພາະກໍ່ຄື ບໍລິສັດມິດຕະພາບ 206 ກັບ ກອງພົນທີ 5 ທີ່ຍາມໃດກໍ່ໄດ້ມີການພົວພັນຊ່ວຍເຫຼືອເຊີ່ງກັນ ແລະ ກັນຕະຫຼອດມາ.
ໃນໂອກາດດັ່ງກ່າວ, ສະຫາຍຫົວໜ້າການທະຫານ ກອງພົນທີ 5 ຍັງໄດ້ຝາກຄຳອວຍພອນ ໂດຍຜ່ານບໍລິສັດມິດຕະພາບ 206 ໄປຍັງຄະນະນຳ ຜູ້ບັນຊາການບັນຊາການທະຫານເຂດ 5 ກອງທັບປະຊາຊົນຫວຽດນາມ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊິວິດສ່ວນຕົວ ແລະ ຄອບຄົວ ເຮັດສຳເລັດໜ້າທີ່ ທີ່ໄດ້ຮັບການມອບໜາຍ ສືບຕໍ່ຮັກສາມູນເຊື້ອ ຄວາມສາມັກຄີແບບພິເສດລະຫວ່າງ ກອງທັບປະຊາຊົນລາວ ກັບ ກອງທັບປະຊາຊົນຫວຽດນາມ ເວົ້າລວມ, ເວົ້າສະເພາະ ກໍ່ຄື ກອງພົນທີ 5 ກອງທັບປະຊາຊົນລາວ ກັບ ກອງບັນຊາການທະຫານເຂດ 5 ກອງທັບປະຊາຊົນຫວຽດນາມ ໃຫ້ໝັ້ນຄົງທະນົງແກ່ນ ຕະຫຼອດກາລະນານ. ຈາກນັ້ນເພື່ອເປັນການ ເພີ່ມພູນຄູນສ້າງ ສາຍພົວພັນຮ່ວມມື ໃຫ້ຮັດແໜ້ນຍີ່ງໆຂື້ນ ທັງສອງກົມກອງຍັງໄດ້ສ້າງກິດຈະກຳຮ່ວມກັນ ໃນນີ້ໄດ້ສ້າງຂະບວນການກິລາເປຕັງ , ກິລາບານສົ່ງ ແລະ ສະແດງສິລະປະ-ວັນນະຄະດີ ຮ່ວມກັນ ດ້ວຍຄວາມເບີກບານມ່ວນຊື່ນ ມີໄມຕີຈິດ ມິດຕະພາບ ຄວາມສາມັກຄີ ສະໜິດສະໜົມຢ່າງເປັນຂະບວນຟົດຟື້ນ. ຂ່າວ: ແສງອາທິດ ສີດາໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
