POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

12 ຕຸລາ 1945 ວັນປະຫວັດສາດສຳຄັນຂອງຊາດ
ເວລາອອກຂ່າວ: 2023-10-12 08:40:53 | ຜູ້ຂຽນ : admin3 | ຈຳນວນຄົນເຂົ້າຊົມ: 379589976 | ຄວາມນິຍົມ:

ກ່ອນໜ້ານີ້ຫຼາຍສິບປີ ຄືວັນທີ 12 ຕຸລາ 1945 ໄດ້ມີການໂຮມຊຸມນຸມໃຫຍ່ຢູ່ວຽງຈັນ ເພື່ອປະກາດຄວາມເປັນເອກະລາດຂອງຊາດລາວ ເປັນຄັ້ງທຳອິດຈາກແອກປົກຄອງຂອງພວກລ່າເມືອງຂຶ້ນ ແລະ ພວກຮຸກຮານຕ່າງຊາດ. ວັນດັ່ງກ່າວນັ້ນ, ໄດ້ເປັນຂີດໝາຍແຫ່ງໄຊຊະນະຂອງການຕໍ່ສູ້ອັນພິລະອາດຫານ, ດ້ວຍຄວາມສາມັກຄີ ແລະ ການເສຍສະຫຼະອັນໃຫຍ່ຫຼວງຂອງກອງທັບ ແລະ ປະຊາຊົນລາວ ພາຍໃຕ້ການນຳພາຂອງພັກປະ ຊາຊົນປະຕິວັດລາວ. ໃນທ້າຍສະຕະວັດທີ XIX ພວກລ່າເມືອງຂຶ້ນຝຣັ່ງໄດ້ເຂົ້າມາຮຸກຮານ ແລະ ຍຶດຄອງເອົາປະເທດລາວເປັນຫົວເມືອງຂຶ້ນ ນັບແຕ່ປີ 1893-1954 ປະເທດລາວໄດ້ສູນເສຍເອກະລາດ, ປະຊາຊົນລາວໄດ້ຂາດອິດສະຫຼະພາບ ກາຍ ເປັນຂ້ອຍຂ້າຂອງຕ່າງຊາດ ແລະ ຖືກຂູດຮີດຢ່າງແສນສາຫັດ ແຕ່ດ້ວຍນ້ຳໃຈຮັກຊາດ, ຄຽດແຄ້ນ ຕໍ່ການຮຸກຮານ ແລະ ກົດຂີ່ຂູດຮີດຂອງພວກລ່າເມືອງຂຶ້ນ, ປະ ຊາຊົນລາວບັນດາເຜົ່າ ໄດ້ລຸກຮືຂຶ້ນຕໍ່ສູ້ຕ້ານພວກລ່າເມືອງຂຶ້ນຝຣັ່ງຢ່າງເນື່ອງນິດລຽນຕິດ ໂດຍເລີ່ມຈາກຂະບວນການຕໍ່ສູ້ທີ່ບໍ່ມີພັກນຳພາ ເປັນຕົ້ນແມ່ນຂະບວນການຕໍ່ສູ້ຂອງປະຊາຊົນ ແຂວງສະຫວັນນະເຂດ ພາຍໃຕ້ການນຳພາຂອງພໍ່ກະດວດ ໃນປີ 1901, ຂະບວນການຕໍ່ສູ້ຂອງເຈົ້າຟ້າເມືອງສິງ ປີ 1916, ຂະບວນການຕໍ່ສູ້ຂອງນາຍຄູຄຳ ຢູ່ວຽງຈັນ ປີ 1920, ຂະບວນການຕໍ່ສູ້ຂອງເຈົ້າຟ້າປັດໄຈ ປີ 1918-1922 ແລະ ຂະບວນການຕໍ່ສູ້ອື່ນໆ ເຊິ່ງສະແດງໃຫ້ເຫັນເຖິງມູນເຊື້ອອັນພິລະອາດຫານຂອງປະຊາຊົນລາວບັນດາເຜົ່າ ໃນທົ່ວປະເທດ ແຕ່ໃນເວລານັ້ນ ຍັງບໍ່ທັນມີພັກນຳພາ ຂະບວນການຕໍ່ສູ້ດັ່ງກ່າວ ຈຶ່ງຖືກປະລາໄຊ. ຮອດປີ 1934 ອົງຄະນະພັກແຄວ້ນລາວ ໄດ້ຮັບການສ້າງຕັ້ງຂຶ້ນ ການຕໍ່ສູ້ຂອງປະຊາຊົນລາວ ຈຶ່ງໄດ້ກ້າວເຂົ້າສູ່ໄລຍະໃໝ່ ດ້ວຍຄຸນນະພາບໃໝ່ ແລະ ພັກໄດ້ນຳພາປະຊາຊົນລາວ ລຸກຮືຂຶ້ນຍຶດອຳນາດການປົກຄອງທົ່ວປະເທດ ໃນວັນທີ 23 ສິງຫາ 1945. ຂະບວນການຍຶດອຳນາດຢູ່ວຽງຈັນ ໄດ້ເລີ່ມຈາກການຕໍ່ສູ້ຂອງກຳມະກອນໂຮງງານກັບຟາ 500 ຄົນ, ງານໂຮມຊຸມນຸມມິດຕິງ ເຊິ່ງມີຜູ້ເຂົ້າຮ່ວມໝື່ນກວ່າຄົນ, ຢູ່ສະຫວັນນະເຂດ ປະຊາຊົນໄດ້ໂຄ່ນລົ້ມອຳ ນາດການປົກຄອງເກົ່າ, ສ້າງຕັ້ງອຳນາດການປົກຄອງປະຕິວັດຂຶ້ນແທນ ໃນວັນທີ 30 ສິງຫາ ແລະ ຢູ່ທ່າແຂກ ວັນທີ 1 ກັນຍາ, ຢູ່ຊຳເໜືອ ແຕ່ວັນທີ 26 ສິງຫາ ເຖິງເດືອນຕຸລາໄດ້ມີຂະບວນການບຸກເຂົ້າໂຈມຕີກອງທະຫານ ຂອງພວກຮຸກຮານ ແລະ ຍຶດເອົາຕົວເມືອງຄືນໄດ້ ໃນໄລຍະບໍ່ເຖິງ 1 ເດືອນ; ປະຊາຊົນລາວທີ່ໄດ້ຮັບການຮ່ວມມືປະສານງານອັນຕັ້ງໜ້າຂອງອ້າຍນ້ອງຫວຽດນາມໄດ້ລຸກຮືຂຶ້ນໂຄ່ນລົ້ມອຳນາດການປົກຄອງເກົ່າ ແລະ ສ້າງຕັ້ງອຳນາດການປົກຄອງປະຕິວັດຂຶ້ນ ຢູ່ຫຼາຍທ້ອງຖິ່ນ ແລະ ໄດ້ຈັດຕັ້ງບັນດາກອງກຳ ລັງປະກອບອາວຸດປ້ອງກັນຕົວ ຢູ່ໃນຕົວເມືອງໃຫຍ່ຕ່າງໆ ເຊັ່ນ: ຢູ່ເມືອງວຽງຈັນ, ທ່າແຂກ, ສະ ຫວັນນະເຂດ, ຊຽງຂວາງ, ຊຳເໜືອ ແລະ ຫຼວງພະບາງ ໂດຍມີຕົວແທນຂອງກຳລັງປະຕິວັດເປັນແກ່ນສານນຳພາ ແລະ ປຸກລະດົມມວນຊົນ ສາມັກຄີກັນເດັດດ່ຽວຕໍ່ສູ້ກູ້ເອົາເອກະລາດ ແລະ ອິດສະຫຼະພາບອັນແທ້ຈິງມາໃຫ້ປະເທດຊາດ. ຈາກເຫດການດັ່ງ ກ່າວນັ້ນ ໄດ້ສ້າງເງື່ອນໄຂໃຫ້ແກ່ການລຸກຮືຂຶ້ນຍຶດອຳນາດ ຈາກພວກລ່າເມືອງຂຶ້ນ ແລະ ປະກາດຄວາມເປັນເອກະລາດແຫ່ງຊາດ. ພາຍຫຼັງມະຫາປະຕິວັດເດືອນຕຸລາ ປີ 1917 ໄດ້ຮັບໄຊຊະນະ ແລະ ສະຫະພາບໂຊວຽດໄດ້ເກີດເປັນລັດສັງຄົມນິຍົມລັດທຳອິດໃນໂລກ ແລະ ພາຍຫຼັງທີ່ປະທານໂຮ່ຈີມິນ ໄດ້ຄົ້ນພົບສັດຈະທຳທີ່ວ່າ: ຢາກກູ້ຊາດ ແລະ ປົດປ່ອຍຊາດ ບໍ່ມີເສັ້ນທາງອື່ນໃດນອກຈາກເສັ້ນທາງຂອງການປະຕິວັດກຳມະຊີບ, ຂະບວນການປະຕິວັດຂອງອິນດູຈີນຕິດພັນກັບຂະບວນການປະຕິວັດໂລກ ແລະ ເຕີບໃຫຍ່ຂຶ້ນຢ່າງວ່ອງໄວ. ປີ 1930 ພັກກອມມູນິດອິນດູຈີນໄດ້ກຳເນີດເກີດຂຶ້ນ ເຮັດໃຫ້ການຕໍ່ສູ້ຂອງປະຊາຊົນບັນດາປະເທດໃນອິນ ດູຈີນມີແນວທາງ ແລະ ມີຍຸດທະ ສາດອັນຈະແຈ້ງ; ການຕໍ່ສູ້ຂອງປະຊາຊົນລາວບັນດາເຜົ່າໄດ້ກ້າວເຂົ້າສູ່ໄລຍະໃໝ່ ດ້ວຍຄຸນນະພາບອັນໃໝ່ ພາຍໃຕ້ການ ນຳພາ-ຊີ້ນຳຂອງອົງຄະນະພັກ ແຄວ້ນລາວ, ບັນດານັກຮົບກອມ ມູນິດຮຸ່ນທຳອິດຂອງລາວໄດ້ເອົາຕົວເຈືອຈານເຂົ້າກັບປະ ຊາຊົນບັນດາເຜົ່າຢູ່ຮາກຖານ ແລະ ໄດ້ດຳເນີນການໂຄສະນາຂົນຂວາຍ, ຈັດຕັ້ງຮາກຖານປະ ຕິວັດຂຶ້ນແບບປິດລັບຢູ່ຫຼາຍບ່ອນ ເປັນຕົ້ນຢູ່ບໍ່ແຮ່, ໂຮງຈັກ, ໂຮງງານ, ໂຮງຮຽນ, ໃນຕົວເມືອງ, ຊົນນະບົດ, ຄ້າຍທະຫານ; ໄດ້ເຕົ້າໂຮມ ແລະ ຈັດຕັ້ງນຳພາ ປະຊາຊົນ, ບັນດາຊັ້ນຄົນລຸກຂຶ້ນຕໍ່ສູ້ຕ້ານພວກລ່າເມືອງຂຶ້ນຝຣັ່ງ ຢ່າງພິລະອາດຫານ, ເນື່ອງນິດລຽນຕິດ ແລະ ນັບມື້ນັບເຕີບໃຫຍ່ຂະຫຍາຍຕົວກວ້າງອອກໄປໃນທົ່ວປະເທດ. ໃນຂະນະດຽວກັນນັ້ນ ການຈັດຕັ້ງນຳພາ-ຊີ້ນຳ ກໍມີລັກສະນະລວມສູນເປັນເອກະພາບ ມີຍຸດທະວີທີ ທີ່ຄ່ອງແຄ່ວ, ມີຍຸດທະສາດອັນຈະແຈ້ງ ແລະ ມີແກນນຳທີ່ສະຫຼຽວສະຫຼາດເຂັ້ມແຂງ. ເມື່ອກາລະໂອກາດໄດ້ມາເຖິງ ເປັນຕົ້ນແມ່ນໃນປີ 1945 ທີ່ກອງທັບແດງໂຊວຽດໄດ້ຜາບແພ້ພວກຟາຊິດເຢຍລະມັນ ໃນສົງຄາມໂລກຄັ້ງທີສອງ, ສ່ວນຢູ່ຫວຽດນາມການປະຕິວັດເດືອນ ສິງຫາໄດ້ຮັບໄຊຊະນະ ແລະ ສ້າງຕັ້ງສາທາລະນະລັດ ປະຊາ ທິປະໄຕ ຫວຽດນາມຂຶ້ນ ໃນວັນ ທີ 2 ກັນຍາ1945. ສ່ວນລາວ ກໍໄດ້ຖືເອົາກາລະໂອກາດສຳຄັນດັ່ງກ່າວ ປະກາດເອກະລາດ ແຫ່ງຊາດ ວັນທີ 12 ຕຸລາ 1945, ແມ່ນວັນໜຶ່ງທີ່ມີຄວາມໝາຍ ສຳ ຄັນໃນປະຫວັດສາດການຕໍ່ສູ້ອັນຍືດເຍື້ອຍາວນານ ເພື່ອຄວາມເປັນເອກະລາດຂອງຊາດລາວ; ເປັນຄັ້ງທຳອິດທີ່ໄດ້ປະກາດຄວາມເປັນເອກະລາດ ຈາກແອກປົກຄອງຂອງພວກລ່າເມືອງຂຶ້ນ ແລະ ພວກຮຸກຮານຕ່າງຊາດ, ວັນປະກາດເອກະລາດ ໄດ້ເປັນຂີດໝາຍແຫ່ງໄຊຊະນະ ຂອງການຕໍ່ສູ້ອັນພິລະອາດຫານ, ດ້ວຍຄວາມສາມັກຄີ ແລະ ການເສຍສະຫຼະອັນໃຫຍ່ຫຼວງຂອງກອງທັບ ແລະ ປະຊາຊົນລາວ ພາຍໃຕ້ການນຳພາຂອງພັກປະ ຊາຊົນປະຕິວັດລາວ. ວັນທີ 12 ຕຸລາ 1945 ໄດ້ກາຍ ເປັນເຫດການທີ່ມີຄວາມໝາຍປະ ຫວັດສາດຂອງຊາດລາວ ຍ້ອນແມ່ນມື້ທີ່ມີການໂຮມຊຸມນຸມ, ທີ່ສະໜາມກິລາແຫ່ງຊາດ (ສະໜາມກິລາເຈົ້າອະນຸວົງ ໃນປັດຈຸບັນ) ເຊິ່ງມີມວນຊົນເຂົ້າຮ່ວມກວ່າ 2 ໝື່ນຄົນ. ໃນມື້ນີ້, ລັດຖະບານລາວອິດສະຫຼະໄດ້ເປັນຕົວແທນໃຫ້ແກ່ວົງຄະນາຍາດແຫ່ງຊາດ ປະກາດຄວາມເປັນເອກະລາດຂອງປະເທດລາວ ຕໍ່ໂລກຢ່າງເປັນທາງການ, ປະກາດໂຮມແຜ່ນດິນລາວເປັນເອກະພາບ ພ້ອມກັນນັ້ນ ກໍໄດ້ ອອກຖະແຫຼງການກ່ຽວກັບການ ປ່ຽນແປງການປົກຄອງ, ລຶບ ລ້າງທຸກໆສັນຍາທີ່ລາວໄດ້ເຊັນກັບຝຣັ່ງ, ປະກາດໃຊ້ລັດຖະທຳມະນູນສະບັບທຳອິດ, ປະກາດໃຊ້ເພງຊາດ, ທຸງຊາດ, (ທຸງຊາດລາວປັດຈຸບັນ) ປະກາດແຕ່ງຕັ້ງຄະນະລັດຖະບານຊົ່ວຄາວ ເຊິ່ງມີສະເດັດເຈົ້າສຸພານຸວົງ ເປັນລັດຖະມົນຕີວ່າການກະຊວງການຕ່າງປະເທດ ແລະ ຕໍ່ມາໄດ້ ດຳລົງຕຳແໜ່ງເປັນຜູ້ບັນຊາການ ທະຫານສູງສຸດອີກດ້ວຍ. ການປະກາດເອກະລາດ ວັນທີ 12 ຕຸລາ 1945 ໄດ້ເຮັດໃຫ້ຊາວ ໂລກໄດ້ຮັບຮູ້ກ່ຽວກັບຄວາມເປັນຊາດລາວຂອງພວກເຮົາ, ຮັບຮູ້ອະທິປະໄຕ ແລະ ເຂດນ້ຳ ແດນດິນຂອງລາວ ພ້ອມກັນນັ້ນ, ກໍຮັບຮູ້ລັດຖະບານຊົ່ວຄາວຂອງລາວ ແລະ ຮັບຮູ້ວ່າຊາດລາວ-ຄົນລາວ ກໍເປັນຄົນທີ່ມີກຽດ ສັກສີເໝືອນຄົນຊາດອື່ນໆ ແລະ ຢາກມີອິດສະຫຼະພາບ, ເປັນເຈົ້າຊະຕາກຳຂອງຕົນເອງ ແລະ ຢາກມີການພັດທະນາຕົນ ເພື່ອຄວາມຢູ່ດີກິນດີ ແລະ ຄວາມຈະ ເລີນວັດທະນາ ຍ້ອນແນວນັ້ນ, ພວກເຮົາຈຶ່ງຖືເອົາວັນປະກາດເອກະລາດ 12 ຕຸລາ 1945 ເປັນ ວັນປະຫວັດສາດທີ່ສຳຄັນຂອງ ຊາດ, ເປັນວັນແຫ່ງຄວາມເອກ ອ້າງທະນົງໃຈຕໍ່ຄວາມອາດຫານຊານໄຊ ໃນການຕໍ່ສູ້ບົນຈິດໃຈຍອມຕາຍດີກວ່າເປັນຂ້ອຍຂ້າ; ຕາຍເພື່ອເອກະລາດດີກວ່າຢູ່ພາຍໃຕ້ແອກປົກຄອງຂອງຕ່າງຊາດ; ຈາກນັ້ນມານໍ້າໃຈວັນທີ 12 ຕຸລາ ຈຶ່ງກາຍເປັນມູນເຊື້ອແຫ່ງການຕໍ່ສູ້ມີໄຊຂອງຄົນລາວຜູ້ຮັກຊາດ ພາຍໃຕ້ການນຳພາຂອງພັກ, ສາ ມາດປົດປ່ອຍຊາດໄດ້ຢ່າງສົມ ບູນ ແລະ ໄດ້ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນ ວາ 1975. ຮຽບຮຽງໂດຍ: ບຸນຊ້ອຍ

news to day and hot news