POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 20 ກໍລະກົດ 2025

ໂຮງຮຽນທິດສະດີການເມືອງກອງທັບ ສະເຫຼີມສະຫຼອງວັນຄູແຫ່ງຊາດ ຄົບຮອບ 30 ປີ
ເວລາອອກຂ່າວ: 2024-10-04 12:46:58 | ຜູ້ຂຽນ : admin2 | ຈຳນວນຄົນເຂົ້າຊົມ: 1079 | ຄວາມນິຍົມ:

ໂຮງຮຽນທິດສະດີການເມືອງກອງທັບ ໄດ້ຈັດພິທີ ສະເຫຼີມສະຫຼອງວັນຄູແຫ່ງຊາດ ຄົບຮອບ 30 ປີ (7 ຕຸລາ 1994-7 ຕຸລາ 2024) ໃນວັນທີ 4 ຕຸລາ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ຮຈ ປອ ຄໍາຜາຍ ສະພັງເໜືອ ຫົວໜ້າການເມືອງ ໂຮງຮຽນທິດສະດີການເມືອງກອງທັບ, ມີຄະນະພັກ-ຄະນະອໍານວຍການ, ຄະນະຫ້ອງ ແຂກທີ່ຖືກເຊີນ, ຄູ-ອາຈານ ພ້ອມດ້ວຍນັກຮຽນ-ນັກສຶກສາ ເຂົ້າຮ່ວມ. ໃນພິທີ ໄດ້ຮັບຊົມການສະແດງສິລະປະ-ວັນນະຄະດີ ຈາກສິລະປະສະໝັກຫຼິ້ນ ຂອງໂຮງຮຽນທິດສະດີການເມືອງກອງທັບ. ຈາກນັ້ນ, ສະຫາຍ ພັນເອກ ທອງວັນ ນັນທະວົງ ຫົວໜ້າຄະນະວິຊາຄູການເມືອງ ໂຮງຮຽນທິດສະດີການເມືອງກອງທັບ ໄດ້ເລົ່າຫວນຄືນມູນເຊື້ອ ຄວາມເປັນມາຂອງວັນຄູແຫ່ງຊາດ ແລະ ການເຕີບໃຫຍ່ຂະຫຍາຍຕົວ ຂອງວຽກງານການສຶກສາໃນແຕ່ລະໄລຍະ, ຄູໄດ້ມີບົດບາດອັນສຳຄັນ ປະກອບສ່ວນເຂົ້າໃນການພັດທະນາຊັບພະຍາກອນມະນຸດ, ຄູ ຄືຄົນທີ່ມີຄວາມຮູ້ ແລະ ປະສົບການຖ່າຍທອດຄວາມຮູ້ ແລະ ປະສົບການນັ້ນໄປສູ່ຜູ້ອື່ນ. ວັນທີ 7 ຕຸລາ 1907 ທ້າວ ຄໍາ ໄດ້ເລີ່ມຕົ້ນເປັນຄູສອນ ໄດ້ເຂົ້າຮ່ວມຮັບການອົບຮົມຄູ, ຖືວ່າເປັນຄັ້ງທຳອິດໃນປະຫວັດສາດຂອງຊາດລາວ, ຍ້ອນຈິດໃຈຮັກຊາດຂອງ ນາຍຄູຄຳ ໄດ້ເອົາໃຈໃສ່ສຶກສາໃຫ້ພຣະສົງທີ່ຈະເປັນຄູ ໃຫ້ມີຄວາມຮັກຊາດ, ຮັກບ້ານເກີດເມືອງນອນ ຕໍ່ຜົນງານການຮ່ວມຂະບວນການຕໍ່ສູ້ຂອງນາຍຄູຄໍາ ແລະ ການຂະຫຍາຍຕົວຂອງວຽກງານການສຶກສາໃນແຕ່ລະໄລຍະ ແລະ ເພື່ອສໍານຶກບຸນຄຸນອັນລໍ້າເລີດຂອງຄູ ພັກ-ລັດຖະບານ ຈຶ່ງໄດ້ກໍານົດໃຫ້ມີວັນຄູແຫ່ງຊາດລາວ ໂດຍໄດ້ກໍານົດເອົາວັນເຂົ້າຮັບລາດສະການຂອງນາຍຄູຄໍາ ຄື: ວັນທີ 7 ຕຸລາ ເປັນວັນຄູແຫ່ງຊາດ. ສະຫາຍ ພົນຈັດຕະວາ ຮຈ ປອ ຄໍາຜາຍ ສະພັງເໜືອ ໄດ້ສະແດງຄວາມຍ້ອງຍໍຊົມເຊີຍ ຕໍ່ຄູ-ອາຈານ ແລະ ນັກຮຽນ-ນັກສຶກສາ ທີ່ພ້ອມກັນສ້າງໄດ້ຜົນງານທີ່ພົ້ນເດັ່ນ ໃນໄລຍະ 1 ປີຜ່ານມາ ພ້ອມທັງເນັ້ນໜັກໃຫ້ ຄູ-ອາຈານ ທຸກສະຫາຍ ຕ້ອງປະຕິບັດໜ້າທີ່ອັນບໍລິສຸດນີ້, ເປັນແບບຢ່າງໃນການສິດສອນໃຫ້ແກ່ນັກຮຽນ-ນັກສຶກສາທຸກລະບົບ ພ້ອມກັນເຝິກຝົນຫຼໍ່ຫຼອມຕົນເອງໃນທຸກດ້ານ ເປັນຕົ້ນແມ່ນ ທາງດ້ານຄຸນທາດການການເມືອງ, ຄຸນສົມບັດສິນທໍາປະຕິວັດ, ຍົກສູງຄວາມຮູ້ຄວາມສາມາດ ທາງດ້ານທິດສະດີການເມືອງ ເພື່ອເຮັດໃຫ້ວຽກງານການສອນ ມີປະສິດທິພາບສູງ, ເອົາໃຈໃສ່ເພີ່ມທະວີຮັດແໜ້ນຄວາມສາມັກຄີ ລະຫວ່າງຄູ-ອາຈານ ກັບ ນັກສຶກສາ ໃຫ້ແໜ້ນແຟ້ນ ພ້ອມກັນເຮັດສຳເລັດໜ້າທີ່ການເມືອງ ທີ່ພັກ-ລັດ ແລະ ການຈັດຕັ້ງຂັ້ນເທິງມອບໝາຍໃຫ້. ຈາກນັ້ນ, ກໍໄດ້ມອບກະຕ່າຂອງຂວັນ ແລະ ກ່າວອວຍພອນເຊິ່ງກັນ ແລະ ກັນ ຢ່າງຄຶກຄື້ນມ່ວນຊື່ນ.

news to day and hot news