POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 18 ມີນາ 2025

ສໍາເລັດກອງປະຊຸມໃຫຍ່ສະມາຊິກພັກ ຄັ້ງທີ VI ຂອງຄະນະພັກຮາກຖານ ຫ້ອງການເມືອງທະຫານນະຄອນຫຼວງວຽງຈັນ
ເວລາອອກຂ່າວ: 2024-10-04 12:59:38 | ຜູ້ຂຽນ : admin2 | ຈຳນວນຄົນເຂົ້າຊົມ: 797 | ຄວາມນິຍົມ:

ກອງປະຊຸມໃຫຍ່ສະມາຊິກພັກ ຄັ້ງທີ VI ຂອງຄະນະພັກຮາກຖານ ຫ້ອງການເມືອງ ກອງບັນຊາການທະຫານນະຄອນຫຼວງວຽງຈັນໄດ້ໄຂຂຶ້ນ ແລະ ອັດລົງດ້ວຍຜົນສໍາເລັດ. ໃນວັນທີ 3 ຕຸລາ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ໂສພາວັນ ທໍາມະເທວາ ກຳມະການຄະນະບໍລິຫານງານພັກນະຄອນຫຼວງ, ເລຂາຄະນະພັກ, ຫົວໜ້າການເມືອງ ກອງບັນຊາການທະຫານ ນະຄອນຫຼວງວຽງຈັນ, ມີພະແນກການທີ່ກ່ຽວຂ້ອງ ພ້ອມດ້ວຍແຂກຖືກເຊີນຕະຫຼອດຮອດສະມາຊິກພັກສົມບູນ ເຂົ້າຮ່ວມ. ສະຫາຍ ພັນເອກ ເພັດບັນດິດ ແປງນະທີ ເລຂາຄະນະພັກຮາກຖານຫ້ອງການເມືອງກອງບັນຊາການທະຫານນະຄອນຫຼວງ ໄດ້ຂຶ້ນຜ່ານຮ່າງບົດລາຍງານການເມືອງທັງສອງພາກ, ເຊິ່ງໄດ້ຍົກໃຫ້ເຫັນ ຈຸດພິເສດ, ທີ່ຕັ້ງ ແລະ ໜ້າທີ່ ຄວາມຮັບຜິດຊອບ ພາຍໃຕ້ການນຳພາ-ຊີ້ນຳໂດຍກົງຮອບດ້ານ ຂອງຄະນະພັກ ກອງບັນຊາການທະຫານນະຄອນຫຼວງວຽງຈັນ ໃນໄລຍະຜ່ານມາແມ່ນໄດ້ຖືເອົາວຽກງານປັບປຸງກໍ່ສ້າງພັກໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ ແລະ ເຂັ້ມແຂງທາງດ້ານການຈັດຕັ້ງ, ເອົາໃຈໃສ່ໃນການກໍ່ສ້າງພັກຕາມ 5 ຫຼັກການ 3 ທິດນໍາ ເພື່ອເຮັດໃຫ້ການຈັດຕັ້ງພັກມີຄວາມປອດໃສ ເຂັ້ມແຂງ ໜັກແໜ້ນ, ຍົກສູງຄວາມຮູ້-ຄວາມສາມາດໃຫ້ແກ່ຄະນະໜ່ວຍພັກ ສະມາຊິກພັກຖືເອົາການສຶກສາອົບຮົມເປັນຕົ້ນຕໍ ໃນການກໍ່ສ້າງພັກ, ກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໄດ້ 5 ປີຊ້ອນມີ 2 ໜ່ວຍ, 4 ປີຊ້ອນ 1 ໜ່ວຍ, 3 ປີຊ້ອນ 1 ໜ່ວຍ ແລະ ຂະຫຍາຍມະຫາຊົນຜູ້ທີ່ກ້າວໜ້າເຂົ້າເປັນສະມາຊິກພັກໄດ້ 29 ສະຫາຍ, ຍິງ 14 ສະຫາຍ, ໂດຍຕິດພັນກັບວຽກງານສຶກສາອົບຮົມການເມືອງ-ແນວຄິດໃຫ້ສະມາຊິກພັກພະນັກງານ-ນັກຮົບ ເຊື່ອມຊຶມແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມະຕິ, ຄຳສັ່ງ, ຂໍ້ກໍານົດ, ແຕ່ລະໄລຍະໄດ້ຈັດຕັ້ງປາຖະກະຖາມູນເຊື້ອວັນສໍາຄັນຂອງຊາດ, ຂອງພັກ, ຂອງກອງທັບໄດ້ທັງໝົດ 240 ຄັ້ງ, ມີຜູ້ເຂົ້າຮ່ວມ 54.175 ເທື່ອຄົນ. ໄປຄຽງຄູ່ກັບວຽກງານກໍ່ສ້າງຮາກຖານການເມືອງ ໄດ້ຊີ້ນໍາກໍາລັງກໍ່ສ້າງຮາກຖານການເມືອງຕາມແບບມູນເຊື້ອຢູ່ເຂດກົມກອງຕັ້ງທັບ ດ້ວຍເຄື່ອນໄຫວພົບປະແລກປ່ຽນບົດຮຽນກັບອໍານາດການປົກຄອງຢູ່ຂອບເຂດນັ້ນ, ການສ້າງບ້ານປ້ອມໝັ້ນ, ກຸ່ມບ້ານສູ້ຮົບຕິດລຽນ ຕິດພັນກັບການສ້າງບ້ານພັດທະນາ, ການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ເຊິ່ງມາຮອດປັດຈຸບັນສາມາດປະກາດການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ 89 ບ້ານ ແລະ ຄອບຄົວມີ 26.700 ຄອບຄົວ, ເອົາໃຈໃສ່ຊີ້ນໍາບັນດາກົມກອງຂຶ້ນເປົ້າໝາຍສ້າງເປັນບ້ານແຮກສ່ຽວ ຈໍານວນ 54 ບ້ານ ມີ 29 ກົມກອງ. ຜ່ານການຈັດຕັ້ງປະຕິບັດໄລຍະຜ່ານມາແມ່ນສາມາດປະຕິບັດໄດ້ 5 ກົມກອງ 8 ບ້ານ. ກອງປະຊຸມຍັງໄດ້ຜັດປ່ຽນກັນປະກອບຄໍາຄິດເຫັນໃສ່ຮ່າງລາຍງານການເມືອງທັງສອງພາກຢ່າງກົງໄປກົງມາ ແລະ ໄດ້ໃຊ້ສິດປະຊາທິປະໄຕຂອງຕົນເອງປ່ອນບັດຄັດເລືອກເອົາຄະນະພັກຮາກຖານຊຸດໃໝ່, ເຊິ່ງໃນກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາ ສະຫາຍ ພັນເອກ ເພັດບັນດິດ ແປງນະທີ ເປັນເລຂາຄະນະພັກຮາກຖານ, ສະຫາຍ ພັນໂທ ບຸນຖົມ ໄຊສັງທອງ ເປັນຮອງເລຂາ, ສະຫາຍ ພັນໂທ ສຸລິເດດ ດວງມະນີ ເປັນກໍາມະການກວດກາ, ສະຫາຍ ພັນໂທ ເຂັມເພັດ ຫັນທະວົງ ເປັນຄະນະ ແລະ ສະຫາຍ ພັນໂທ ລືໄຊ ສຸຂະວົງ ເປັນຄະນະ. ໂດຍ: ສຸລິຍາ

news to day and hot news