ວັນສຸກ, ວັນທີ 16 ພຶດສະພາ 2025
ເມືອງເລົ່າງາມວິລະຊົນ ເອັຟຊີ ໄດ້ແຊັມ ລາຊາ ສະປອດ ສາລະວັນ ລາວລີກ 2 ປະຈຳປີ 2024
ເວລາອອກຂ່າວ: 2024-10-08 09:07:03 | ຜູ້ຂຽນ : admin3 | ຈຳນວນຄົນເຂົ້າຊົມ: 593 | ຄວາມນິຍົມ: 
ການແຂ່ງຂັນບານເຕະ ສາລະວັນ ລາວລີກ 2 ຫຼື ລາຊາ ສະປອດ ສາລະວັນ ລາວລີກ 2 (lazasport_salavan_league2) ປະຈຳປີ 2024 ທີ່ເດີ່ນບານເຕະ ມສ ຊົນເຜົ່າ ໂດຍມີ 6 ທີມເຂົ້າຮ່ວມ ປະກອບມີ: ສະໂມສອນບານເຕະ ທະຫານແຂວງ ສາລະວັນ ແຊັມເກົ່າ, ສະໂມສອນບານເຕະ ສະຫະກອນສິນເຊື່ອ ແລະ ເງິນຝາກປະຢັດວັນໃໝ່ ເອັຟຊີ (ສ.ສ.ງ. ວັນໃໝ່), ສະໂມສອນບານເຕະ ສາລະວັນ ເອັຟຊີ, ສະໂມສອນບານເຕະ ເມືອງເລົ່າງາມວິລະຊົນ ເອັຟຊີ, ສະໂມສອນບານເຕະ ໂຮງໝໍແຂວງສາລະວັນ ແລະ ສະໂມສອນ ບານເຕະໃຫຍ່ ໂຕໂຢຕ້າ ເອັຟຊີ, ຮູບແບບການແຂ່ງຂັນແມ່ນພົບກັນໝົດ 2 ຮອບໄປ-ກັບ.
ຜົນການແຂ່ງຂັນອາທິດສຸດທ້າຍ ວັນທີ 4 ຕຸລາ 2024, ເມືອງເລົ່າງາມວິລະຊົນ ເອັຟຊີເອົາຊະນະ ສ.ສ.ງ. ວັນໃໝ່ 2-1 ປະຕູ, ທະຫານແຂວງສາລະວັນເອົາຊະນະ ໂຮງໝໍແຂວງສາລະວັນ 2-0 ປະຕູ, ສາລະວັນ ເອັຟຊີ ສະເໝີກັບ ໃຫຍ່ ໂຕໂຢຕ້າ.
ສະຫຼຸບຕາຕະລາງຄະແນນ ອັນດັບ 1 ໄດ້ແກ່: ເມືອງເລົ່າງາມວິລະຊົນ ເອັຟຊີ ແຂ່ງ 10 ນັດ ບໍ່ເສຍໃຫ້ທີມໃດ ຊະນະ 6 ສະເໝີ 4 ມີ 22 ຄະແນນ ໄດ້ແຊັມໄປຄອງ, ອັນດັບ 2 ໄດ້ແກ່: ທະຫານແຂວງ ແຂ່ງຂັນ 10 ນັດ ຊະນະ 6 ສະເໝີ 3 ເສຍ 1 ມີ 21 ຄະແນນ, ອັນດັບ 3 ໄດ້ແກ່: ສ.ສ.ງ. ວັນໃໝ່ ແຂ່ງຂັນ 10 ນັດ ຊະນະ 6 ສະເໝີ 2 ເສຍ 2 ມີ 20 ຄະແນນ, ອັນດັບ 4 ໄດ້ແກ່: ໂຮງໝໍແຂວງ ແຂ່ງຂັນ 10 ນັດ ຊະນະ 1 ສະເໝີ 4 ເສຍ 5 ມີ 7 ຄະແນນ, ອັນດັບ 5 ໄດ້ແກ່: ສາລະວັນ ແຂ່ງຂັນ 10 ນັດ ສະເໝີ 5 ນັດ ເສຍ 5 ນັດ ມີ 5 ຄະແນນ ແລະ ອັນດັບ 6 ໄດ້ແກ່: ໃຫຍ່ ໂຕໂຢຕ້າ ແຂ່ງ 10 ນັດ ສະ ເໝີ 5 ເສຍ 5 ມີ 5 ຄະແນນ.
ສະໂມສອນບານເຕະ ເມືອງເລົ່າງາມວິລະຊົນ ເອັຟຊີ ແຊັມ ລາຊາ ສະປອດ ສາລະວັນ ລາວລີກ 2 ປະຈຳປີ 2024 ຈະໄດ້ຮັບສິດເຂົ້າຮ່ວມການແຂ່ງຂັນ ຊີງຂັນພະນະທ່ານນາຍົກລັດຖະມົນຕີ ແຫ່ງ ສປປ ລາວ ລະດູການ 2024-2025 ໃນຖານະສະໂມສອນຊະ ນະເລີດ ລາວລີກ 2 ຂອງແຕ່ລະແຂວງ, ນະຄອນຫຼວງ ເຊິ່ງຈະເລີ່ມການແຂ່ງຂັນໃນທ້າຍປີ 2024 ນີ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
